iFilibi 1:13 - ɛWee ne ìTsɛm iHywas

¹³ iGanke da ne kɛ gangke me wo kɛ te nisooja ne ijwee ɛgɔm ma gbik nɛ ɛbyin ninyi na ɛbɛ wo seng wu kɛ gangke me ɛlɔ ne bol ɛKiriti.

iFilibi 1:13 ပူးပေါင်းရင်းမြစ်များ

2 ɛTimɔti 2:9

Daa ɛli ne nzi tɔng iBol iYɛnɛng ngge, nzi ne sɔ nggbang gbom, kɛ phyii rop me te ɛnyi ɛbebhe. Gbik ne iphɛ ɛlɛy, sɔng yaa ne yɛɛ ne rop ibol ɛTaanggbey de nang.

iFisus 3:1

ɛKɔn nɛghaa wo bhɛ kɛ te mee ɛBulus sa, nzo ne nyang, ɛlɔ ɛYɛso ɛKiriti te iphɛ phyik nyini, nyinɛn no ne ɛ sang so ɛn niYahodawa. Nzi ne bol ne ɛTaanggbey ya daa ne ito mon de.

iFilibi 1:7

Gbik mon no ˆɛ so ɛn ne irway nge. iPhɛ kɛ ne jam mɛ nzi tas nɛ nyinɛn ɛlɛ wo, daa ɛli ne ˆɛ kɛ byinki ɛn ito ne mee ndɔ ne izɛɛng ɛTaanggbey de nten de ne kɛ gangke me ndɔ ne ijwee ne inyang ngo, ˆɛ phyik ɛn mɛɛn nten de ne nggɛ kyinak ne ihwet daa ne itin ne iBol iYɛnɛng ngge ɛnu ɛyisɛ ninaa nɛ nibhɛ mbaray yo.

iFisus 6:20

ɛTomɛ ne iBol iYɛnɛng ngɛghaa wo ɛbhɛ kɛ te nzo me ɛhaa ne nzi bol daa ne ncwincway ɛTaanggbey da, gbik ɛli ne n jung so ne nyang ngge. Bol ɛn ne ɛTaanggbey ya daa mee te yaa ne sɛ nzi sanga ibol ɛbhɛ de, ne n sanga ne irway nviit, ɛli ne iphɛ kɛ jam mɛ.

ɛTomɛ 26:29

ɛBulus sa ne yɔng, “Hang ndɔ ne nten ncɛt yɔɔ hang ndɔ ne nten gbom yɔɔ nzi roro ne ɛTaanggbey nzi bo sɔng igyɛ wo zɔng nang te byinki nɛ ninyi na nɛ nibhɛ so ɛbɛ wo gbik nibhɛ tenes me izenge wo, kang ne nyang ngɛdee, tɛ nibhɛ sɛ ma tes se nikirita na te me wo.”

iFilibi 4:22

Gbik ninyi ɛTaanggbey ya i kyiisi nyini, yang ji so ninaa nɛ nibhɛ so ne ijwee ɛgɔm ɛKɛɛsat ta.

ɛTomɛ 28:30

ɛBulus sa ne shɛɛ ne ijwee wo ne ɛ sonɛ wo ɛ hɔn ishay iphaa, ɛɛ saasel gbik ninyi na nɛ nibhɛ kɛ yɛɛs ɛlɔ ɛbhɛ gha.

ɛTomɛ 28:20

iPhɛ phɛ kɛ ne te nggɛ tɔk te naa yaang nyini wu, te ne n da boote ne nyinɛn daa ne ibol ne ɛnyi de nɛ niSɛrɛla na kɛ yɛk ne irway da nibhɛ hyep po, ibol ɛKiriti de. Daa ne ibol ɛbhɛ de ne kɛ rop me ne nyang ngɛdee wo.”

ɛTomɛ 28:17

Ne sɛ nituk itwat kɛ phee, ɛBulus sa ne yel-le nindiinday niYahodawa na. Nibhɛ ne tumɛy, ne ɛ yaak nibhɛ, “Nigwaa nge nzi yɛɛ sɔng nggɛ mɔn ninyi njwɛɛn na ɛkɔn ɛkpɛɛ nang, sɔng nggɛ ne ta bees ikpii nikyɛɛ-nikyɛɛ njwɛɛn da nang. Gbik ne iphɛ ɛlɛy kɛ ne jung wum me ne iYɛrushɛlɛm i rop me ne nyang i ji nang me nɛ ninyi ne iRooma.

ɛTomɛ 26:31

Ne sɛ nibhɛ kɛ wuru nibhɛ kɛ tek izuk ɛshara wo, nibhɛ ne i bol ndɔ nibhɛ, nibhɛ yɔngɔ, “Sɔng ɛnyi yɛghaa wo kɛ mɔn ɛkɔn na ne ɛ kɛ hɔn sɛɛ phoo ɛbhɛ wo nang, sɔng ɛ kɛ ne hɔn sɛɛ rop ɛbhɛ wo nang.”

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iFilibi 1:30

ɛLyilyɛghaa wo, ˆɛɛ ne ma sɔ ɛn ihywee ne nggbang ngga ne ˆɛ kɛ yaang ɛn nggɛ sɔ, ˆɛ ta phok ɛn ndɔ sɔ wo.