iFilibi 1:11 - ɛWee ne ìTsɛm iHywas

¹¹ Te ishwɛɛ mon da te hyɔrɔ nɛ nitomɛ nicik nɛ nibhɛ i le ɛlɔ ɛYɛso ɛKiriti, te i sɛ nang ɛTaanggbey yegha ne ndiinday i ta dɛp ɛbhɛ.

iFilibi 1:11 ပူးပေါင်းရင်းမြစ်များ

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

ɛYohana 15:16

Sɔng nyinɛn ɛ kɛ kasa mɛɛn nang; mɛɛ nggɛ yang kasa nyini n ji yɛk nyini nɛ te ɛbhɛ yaak ɛn ikpam ne ifɛ yaa shɛɛ. Ɛlɛy ɛkyɛɛ gha yaa ne ji nang nyini gbik ɛkɔn na ne ɛ kɛ phom ɛn daa ɛli ne ɛ so ɛn ninaa nge.

ɛYohana 15:2

Gbik ilaak ge ne iphɛ so ndɔ me wo ne hame iphɛ yaak ikpam ba nang ɛɛ tɛm iphɛ, ɛ ji ryɔng idede ilaak ne iphɛ yaak ikpam ba te iphɛ te ywɛywɛy, iphɛ hante ne yɛk.

ɛYohana 15:8

Wu ɛ kɛ yɛk ɛn ikpam ba gbom mo nang, iphɛ yaa ne tɔɔrek wu ɛ so ɛn ninɔn ne icwam nge. iPhɛ yaa ne tɔɔrek ito-ndiinday ɛKyɛɛ nge de.

iRooma 15:28

Yaa sɛ nggɛ taal ɛtomɛ yɛghaa wo, nggɛ yaang ninyi nihala ɛTaanggbey ya nɛ nibhɛ so ne iYɛrushɛlɛm be kɛ say iphyik ga ne kɛ tom nibhɛ nɛwo, naa ne wum ɛnkiinɛ ne iSabaniya, n phyii roos ɛlɔ mon na.

iRooma 6:22

ɛLyilyɛghaa wo, kɛ ne tul nyini ndɔ ne ɛfɔt to, ɛ kɛ te ɛn nyini ne nikpuru ɛTaanggbey. ɛWɛng nga ne ɛ sɛ ɛn ndɔ ne ishwɛɛ yɛdaa daa wo ne i te ɛ shɛɛ ɛn iwɛwɛy, iphɛ sɛ ne ta nang nyini iken ne inat.

1 iKɔrɔntos 10:31

Gbik ɛkɔn na ne ɛ mɔn ɛn, hang ɛ re ɛn yoo, hang ɛ sɔ ɛn yoo, mɔn ɛn nikɔn na gbik ɛli ne ɛTaanggbey yaa sɛ ndiinday.

2 iKɔrɔntos 9:10

ɛTaanggbey ya ɛbhɛ nang ɛnyi gha ihywee de ne aa tup po ɛ ta nang ire de. Ɛbhɛ aa ne nang nyini ihywee de ne ihywɛ yaa hɔn nyini ɛ tubhus ɛn. Aa ne te ìnang walala mon da hante ne ɛwɛng ɛtomɛ ɛyɛnɛng mon na.

iFisus 1:12

Ɛ kɛ kasa njwii wo te njwit niYahodawa na ne njwi kɛ tsa njwi yɛk ne irway da daa ɛKiriti gha, shɛɛ ishwɛɛ ne dɛp ito-ndiinday ɛbhɛ.

iFisus 1:14

iKabyik ɛTaanggbey iphɛ phɛ kɛ tɔɔrek njwɛɛn ncɛncɛng wu ɛTaanggbey ya sɛ nang njwɛɛn isha de ne ɛ kɛ ku sim-mɛ wo, isha de ne ihywɛ sɛ teye izee njwɛɛn nten de ne ɛ sɛ phɔt ninaa nɛ nibhɛ so ninaa ɛbhɛ na. Ɛ kɛ mɔn ɛlɛ wo te ɛ say idɛp gbik ne ito-ndiinday.

iFisus 2:10

Njwɛɛn no ne ito njwɛɛn, njwɛɛn soye ɛtomɛ ne iwɔ ɛTaanggbey ya. Ɛ kɛ ryɔng njwɛɛn ndɔ ɛYɛso ɛKiriti gha te njwɛɛn mɔn nitomɛ niyɛnɛng ninaa ne ɛTaanggbey ya kaa ku ryɔng njwɛɛn nɛ.

iFisus 5:9

Daa ɛli ne iwɛwɛy de iphɛ i yɛɛs nɛ nikɔn niyɛnɛng, ne ishwɛɛ cik, gbik ne itin ne ibol.

iFilibi 4:17

Sɔng nzi bo nzi tɔk ɛkɔn ɛlɔ mon na nang. Kwa! Nzi yang sim te ɛco nikɔn na ne ˆɛ mɔn ɛn mɛɛn nɛ wo sɛ ku i hanas se nɛ.

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.

2 iTasɔlɔnika 1:12

Njwii bol ne ɛTaanggbey ya ɛlɛ wo te sɛ i nang irywɛɛk ɛDaray ɛYɛso ɛKiriti njwɛɛn no ne ndiinday ndɔ mon, i ma nang nyini ne ndiinday ndɔ ɛbhɛ wo lenɛ ne izɛɛng ɛTaanggbey ɛDaray njwɛɛn ɛYɛso ɛKiriti.

ɛTitus 3:14

iPhɛ so nggbinggbing ninyi njwɛɛn na mɛmɛ ne nang ito nibhɛ ne mɔn iyɛnɛng tɛ nibhɛ yɛɛ ne phyik nɛ nikɔn nɛ nibhɛ so ninyi na nggbinggbing. Sɔng nibhɛ shɛɛ ishwɛɛ ɛbuu da nang.

iBirani 12:11

Sɔng igbaat da i jam nten de ne i gbaat ɛnyi gha nang, ifɛ yang rɔ. Yaa ne sɛ ɛtsim mɛ, ifɛ yaa ne ji yɛɛs ne irway ne laal gbik ne icik daa ɛnyi gha ne ɛ kɛ mɛmɛ ne ɛkɔn daa ne igbaat tɛ.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

1 ɛBiturus 2:5

Ne ɛ so ɛn te ikpɛɛ ne iken ne i lɔl ne ijwee ne ikabyik, te ɛ mɔn ɛn nitomɛ tɛ nibo ne kɛ tul ɛTaanggbey ye nɛ ndɔ ne ijwee yɛwoo nggyɛ wo, ɛ hap ɛn itsanga ne ikabyik lenɛ ne ɛYɛso ɛKiriti gha, ihywee de ne ɛTaanggbey i sim.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

1 ɛBiturus 4:14

Wu kɛ towos nyini daa ɛli ne ɛ so ɛn ninaa ne roos ɛKiriti yegha, ne ɛ so ɛn nyini ninaa ɛwɛng daa ɛli ne iphɛ kɛ tɔɔrek wu iKabyik gbom be, ne iphɛ so idee ɛTaanggbey de, so ndɔ mon.