iBirani 7:6 - ɛWee ne ìTsɛm iHywas

⁶ Gbik ɛli ne ɛMakyisɛdɛk ka kaa sang le ne icwaang ɛLawi wo, ɛ kaa ne jung say ɛzaka wo ɛlɔ ɛBaraying nga ɛ sit ɛbhɛ ne ɛwɛng. ɛBaraying nga ne ɛbhɛ ɛ soye ɛnyi gha ne ɛTaanggbey ya kaa sim-mɛ ɛ rop ibol de ne ɛbhɛ wo.

iBirani 7:6 ပူးပေါင်းရင်းမြစ်များ

iRooma 4:13

ɛTaanggbey ya kɛ rop ìtsɛm ne ɛBaraying nga gbik ne icwaang ɛbhɛ wu sɛ nang ɛbhɛ ɛzay, sɔng daa ɛli ne ɛ kɛ roos ibol ɛshara nang, iphɛ kaa yang le daa ne ìnang ne itin nɛ ne ɛbhɛ ɛTaanggbey ya kɛ bo ɛbhɛ wu ɛ so cik.

iBirani 11:17

Kaa lenɛ ne ìnang ne itin de, ɛBaraying nga ne nang ɛngɔn ɛdaan ɛbhɛ te hap ɛTaanggbey ye ne itsanga, nten de ne kaa tɛɛsek ɛbhɛ ɛBaraying nge gha. ɛBaraying nga ɛ kaa say ibol ne ɛTaanggbey kɛ rop ne ɛbhɛ, gbik ne iphɛ ɛlɛy, ne ɛ jung yɛk ne iyɔk kɛ aa nang ɛngɔn ɛbhɛ gha.

iBirani 7:1

ɛMakyisɛdɛk kɛghaa nggyɛ wo kaa soye ɛgɔm ne iSalɛm ne ɛ ta soye ɛbo ɛTaanggbey ɛDaa ne Nyu ne irywa. Kaa ne sɛ ɛBaraying nga kɛ bhɛ kyii ne itsom be ne ɛ kaa bhɛ re nigɔm nwaas sa, ɛMakyisɛdɛk ka ne sɛme ne ɛbhɛ, ɛ sit ɛBaraying nge gha ne ɛwɛng.

iGalatiya 3:16

ɛTaanggbey ya kaa sim-mɛ ne ɛBaraying nga ne ɛngɔn ɛbhɛ. Sɔng ɛWee bo “Ninɔn,” ne i bo ninyi gbarang nang. Ɛbhɛ bo icwaang, te so i bo ɛnyi ɛdaan, ɛbhɛ soye ɛKiriti gha.

iRooma 9:4

Nibhɛ bhɛ so niSɛrɛla. Nibhɛ ne ɛTaanggbey ya kɛ ne bo nibhɛ teye ninɔn ɛbhɛ, ɛ tɔɔrek nibhɛ ndiinday ɛbhɛ, ɛ rop ibol nɛ nibhɛ, ɛ nang nibhɛ iMɛmɛ ɛMuusaa, ɛ tɔɔrek nibhɛ ɛnkiinɛ ne re ntsong ntin, ɛ nang nibhɛ nikɔn na ne ɛ kɛ ku sim-mɛ.

ɛTomɛ 3:25

Nyinɛn ɛ so ɛn ninɔn ninabawa na, ɛ ta so ɛn ninɔn ne ìtsɛm ma ne ɛTaanggbey ya kaa ne ta rop nɛ nikyɛɛ mon na nten de ne ɛ kaa yaak ɛkyɛɛ mon ɛBaraying ngegha, ‘Sɛ ne lenɛ ne ihywee mo, ɛzay ya sɛ ne sɛ ɛwɛng gbigbik.’

iBirani 11:13

Gbik ninyi yɛnaa wo kaa ne kus ndɔ ne ìnang ne itin nibhɛ de. Sɔng nibhɛ kaa say nikɔn na ne ɛTaanggbey ya kaa rop nɛ nibhɛ wo nang. Nibhɛ kaa yang yaang nikɔn nɛ kyakyak. Nibhɛ ne phok yɛnɛng ngɛ, nibhɛ ne nang ishɛɛda yɛ wɛsɛrɛk wu nibhɛ soye ninaa ne ikpoo ndɔ ɛzay ya, sɔng ninaa ne ivel lɛ nang.

iBirani 7:7

Sɔng iphɛ so ibol ne to irway nang, ɛndiinday ya ɛbhɛ ɛ sit ɛshɛɛrɛng nga ne ɛwɛng nga.