iBirani 7:1 - ɛWee ne ìTsɛm iHywas

¹ ɛMakyisɛdɛk kɛghaa nggyɛ wo kaa soye ɛgɔm ne iSalɛm ne ɛ ta soye ɛbo ɛTaanggbey ɛDaa ne Nyu ne irywa. Kaa ne sɛ ɛBaraying nga kɛ bhɛ kyii ne itsom be ne ɛ kaa bhɛ re nigɔm nwaas sa, ɛMakyisɛdɛk ka ne sɛme ne ɛbhɛ, ɛ sit ɛBaraying nge gha ne ɛwɛng.

iBirani 7:1 ပူးပေါင်းရင်းမြစ်များ

iBirani 6:20

ɛYɛso gha ɛbhɛ kɛ ne tsa ɛbhɛ lel ɛlɔ yɛghaa nggyɛ wo. Ɛ kɛ ne bhɛ lel ɛlɔ njwɛɛn, ne ɛ teye ɛGbaang ɛGɔm Nibo ɛTaanggbey, ɛhaa ne inat te ɛMakyisɛdɛk.

ɛMarakus 5:7

Ne ɛ ji boote ne ɛgbaang ne izɔlɔs ɛ yɔngɔ, “ɛYɛso ne ɛ so ɛNgɔn ɛHaa ne Ndiinday gbik. iKyee iphɛ kɛ byinki yɛ ne me woo? Nzi ne roro ne igyɛ ndɔ ne irywɛɛk ɛTaanggbey, sɔng ɛ bak me nggbang nang!”

ɛTomɛ 16:17

ɛNgɔn ɛlyilyap pɛghaa wo ne yaa kungus njwii nɛ niBulus se na ɛ rɛrɛ, ɛ bo, “Ninyi yɛnaa wo so nikpuru ɛTaanggbey ɛdaa nyu ne irywa! Nibhɛ tɔng nyini ɛnkiinɛ ne phɔrɔt!”

iBirani 7:2

ɛBaraying nga ne nang ɛbhɛ ɛzaka nikɔn no gbik. ɛNting ne irywɛɛk ɛMakyisɛdɛk ko ne so, “iCik.” ɛMakyisɛdɛk ka kaa ne soye ɛgɔm ne iSalɛm ne i yeres ɛgarang ngɛ ɛgarang ne irway ne laal, ɛdɛ ɛnting ne irywɛɛk kɛ ne ta so, “ɛGɔm ne irway ne laal.”

iBirani 7:3

Sɔng ɛMakyisɛdɛk ka bok ɛkyɛɛ nang, sɔng ne ɛ bok ɛgyinɛ nang, sɔng ne ɛ bok icwaang nang. Sɔng ishwɛɛ ɛbhɛ da kaa ne bok ɛtum ne ɛgak nang. Ɛ kaa ku so te ɛNgɔn ɛTaanggbey, ɛ soye ɛbo ne inat.

iBirani 7:6

Gbik ɛli ne ɛMakyisɛdɛk ka kaa sang le ne icwaang ɛLawi wo, ɛ kaa ne jung say ɛzaka wo ɛlɔ ɛBaraying nga ɛ sit ɛbhɛ ne ɛwɛng. ɛBaraying nga ne ɛbhɛ ɛ soye ɛnyi gha ne ɛTaanggbey ya kaa sim-mɛ ɛ rop ibol de ne ɛbhɛ wo.