iBirani 5:7 - ɛWee ne ìTsɛm iHywas

⁷ Nten de ne ɛYɛso gha kaa ne so ndɔ ɛzay ya, ɛ kaa ne bol ne ɛTaanggbey ya ne ɛbhɛ ɛ so ɛhaa ne aa yɛɛ ne phɔt ɛbhɛ ɛlɔ ne iku de. Ɛ kaa ne bol, ɛɛ roro ne ishwin gbom nɛ niyilis. ɛTaanggbey ya kaa ne phok ɛbhɛ daa ɛli ne ɛ so ɛhaa ne nang ɛTaanggbey ye ne ndiinday, ɛɛ roos ɛbhɛ nɛ.

iBirani 5:7 ပူးပေါင်းရင်းမြစ်များ

ɛYohana 17:1

Kɛ ne sɛ ɛYɛso gha kɛ taal ivol lɛbaa wo, ne ɛ waal ito ɛ yɛɛn daa ne irywa ɛ roo ɛ yɔngɔ: “ɛTaa nten nɛ kɛ tuu. Tɔɔrek ito-ndiinday mo daa ɛNgɔn mo gha, te ɛNgɔn na ne ma tɔɔrek kɛ ito-ndiinday.

ɛMacu 27:46

Ne ji sɛ igyɔs ɛtat, ɛYɛso gha ne boote ne ɛgbaang ne izɔlɔs, ɛ yɔngɔ, “Ɛlɔy, Ɛlɔy, lama sabatani?” Kaabi ɛ bo, “ɛTaanggbey nge, ɛTaanggbey nge, ikyee iphɛ kɛ te ɛ kɛ nang me ɛtsim maa?”

ɛMarakus 15:34

Kɛ ne sɛ nten de kɛ hɔn igyɔs itwat, ɛYɛso gha ne ji boote ne ɛgbaang ne izɔlɔs ɛ yɔngɔ, “Ɛlɔy, ɛlɔy, lama sabatani?” Kaa so ɛ bo, “ɛTaanggbey nge, ɛTaanggbey nge! iKyee iphɛ kɛ te ɛ kɛ hyere me ɛtsim maa?”

iBirani 12:28

iPhɛ ɛlɛy, te njwɛɛn teye ninaa ne irway ihwala, daa ɛli ne njwɛɛn i saasel igbɔm ba ne hame i ta sungki wo. Te njwɛɛn i re ɛTaanggbey yegha ntsong ngga ɛli ne ɛ sim, ndɔ ne ndiinday ne ɛnik.

ɛYohana 11:35

ɛYɛso gha ne sit niyilis.

ɛMacu 27:50

ɛYɛso gha ne ta boote ne ɛgbaang ne izɔlɔs so dɔng ji tek ifɔng ɛbhɛ ifɛ wuru.

ɛMarakus 15:37

ɛYɛso gha ne kyangkey ɛ salan, ifɔng ɛbhɛ da ne ji wuru.

iBirani 2:14

ɛLi nɛ ninɔn na so inwam ba nɛ neyi na, ɛYɛso gha kɛ ne ma teye ɛten ɛsii tɛ nibhɛ. Ɛ kɛ mɔn ɛlɛ wo te ne lenɛ ne iku ɛbhɛ de ɛ bunga ɛnyi ne ɛ bok igbɔm ne iku da, kaabi ɛShɛtan na.

ɛLuka 23:46

ɛYɛso gha ne yel-le ne ɛgbaang ne izɔlɔs, ɛ yɔngɔ, “ɛTaa, nggɛ tek iken nge de ndɔ ne iwɔ mo.” Kɛ ne sɛ ɛ kɛ boote ɛlɛ wo nang, ifɔng ɛbhɛ da ne ji wuru.

iBirani 13:20

ɛTaanggbey ne irway ne laal la kɛ yiisik ɛDaray njwɛɛn ɛYɛso yegha ne ikpuu. Ɛ mɔn ɛlɛ wo lenɛ nɛ neyi ne ìtsɛm ne inat ne kɛ rop. ɛYɛso yeghaa wo ɛbhɛ ɛ soye ɛGbaang ɛHaa ne Hyep ntsabhak ge.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

2 ɛYohana 1:7

Nidɛng ninaa ne wul irywɛɛk ka, nɛ nibhɛ i bo wu hang ɛYɛso ɛKiriti gha kɛ yɛɛs ɛzay ndɔ ne ibek ɛten ɛsii de, kɛ ne shwalat ndɔ ɛzay ya ɛlyilyɛghaa wo. iHywee ninyi yɛdee nggyɛ wo nɛ nibhɛ luk ninyi na soye ninaa ne iphup ɛKiriti na.

1 ɛYohana 4:3

Gbik ɛnyi ne ɛ kɛ ne sang nang ishɛɛda yɛdee wo daa ɛYɛso ɛKiriti gha, sɔng ne ɛ bok iKabyik ɛTaanggbey nang. iKabyik ge ne ɛ bok ko soye idee ɛhaa ne iphup ɛKiriti de. iKabyik ge ne ˆɛ kaa ku phok ɛn wu iphɛ yaaso wo, ne iphɛ ku so ndɔ ɛzay ya ɛlyilyɛghaa wo.

iGalatiya 4:4

Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.

ɛYohana 11:42

Nzi ku yɛɛ ɛ phoghos me, nggɛ ne yɔng ɛlɛ wo tɛ ninyi na nɛ nibhɛ sos ɛbɛ wo ne nang ne itin nɛ wu igyɛ ɛ kɛ tom me.”

iRooma 8:3

ɛKɔn na ne iMɛmɛ ɛMuusaa da kɛ sang yɛɛ ne mɔn nɛ daa ɛli ne ɛten ɛsii gha kɛ taasek, ɛTaanggbey ya kɛ ne mɔn. ɛTaanggbey ya kɛ phoo ihwet ne ɛfɔt to ndɔ ne ibek ɛten ɛsii de lenɛ ne ɛ kɛ tom ɛNgɔn ɛbhɛ ndɔ ne ibek ɛten ɛsii ne iphɛ so cɛcɛɛy idee ne ɛfɔt, te ɛ bunga ɛfɔt to.

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

iBirani 10:5

iPhɛ phɛ kɛ te kaa sɛ ɛKiriti gha yaaso ndɔ ɛzay ya, ne ɛ yɔngɔ: “Sɔng nikɔn ne hap itsanga, ne izɛɛng ngge ne ɛ sim nang, ˆɛ kɛ ryɔng me ibek nge te hap ne itsang de.

iBirani 10:10

Daa ɛli ne ɛKiriti gha kɛ mɔn ɛkɔn na ne ɛTaanggbey ya i sim mo, kɛ ne tul njwɛɛn kang lenɛ ne ɛYɛso ɛKiriti gha i nang ibek ɛbhɛ de te hap ne itsanga de ɛdaan na zɔng ngo.

iBirani 11:7

Kaa lenɛ ne ìnang ne itin ɛNuhu de ne ɛ roos ibol ne ɛTaanggbey kɛ mɔng ɛbhɛ daa nikɔn ne hame i yaang. Ɛ kaa lɔl ɛgyirigyi te ɛ phɔt ijwee ɛbhɛ. Kaa ne lenɛ ne ìnang ne itin ɛbhɛ de ne i hyɛ ɛzay ya ɛshara ne ku, ɛbhɛ ɛ ji say ɛwɛng ne icik ne i lenɛ ne ìnang itin de.