iBirani 3:1 - ɛWee ne ìTsɛm iHywas

¹ iPhɛ ɛlɛy, nigwaa nge ne kɛ tul kang, ne ɛTaanggbey kɛ ma yel-le nyini, sit ɛn irwisɛ daa ɛYɛso gha ne ɛbhɛ so ɛNgɔn ne Tom ma ne ɛGɔm nibo gha ne njwi tɔng ibol ɛbhɛ de.

iBirani 3:1 ပူးပေါင်းရင်းမြစ်များ

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

iFilibi 3:14

Nzi kyangas me nɛ te mbɛ sɛ ɛwɛng ɛdaa ne irywa gha. ɛWɛng nga ne ɛTaanggbey ya kɛ yel-le me nɛ wo lenɛ ne ɛYɛso ɛKiriti gha.

iBirani 7:26

ɛYɛso gha ɛbhɛ ne ɛ soye ihywee ne ɛGbaang ɛGɔm Nibo gha ne njwɛɛn i sim. iHywee de ne aa nang njwɛɛn nikɔn na nɛ nibhɛ yaa hɔn njwɛɛn. Ɛ ku so kang, wɛlɛng ɛfɔt, ne ɛkɔn ne tok, kɛ tul ɛbhɛ ndɔ ninaa ne ɛfɔt ta, kɛ nang ɛbhɛ ne ndiinday i phyin irywa gbik.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

iBirani 2:17

iPhɛ ɛlɛy, iphɛ ne so nggbinggbing i ma te ɛbhɛ ɛ te tɛ nigwaa ɛbhɛ na ndɔ nikɔn na gbik, te ɛ teye ɛgɔm nibo ɛTaanggbey, ɛhaa ne ɛ so sɛ kyinak daa ne ibol ɛbhɛ, ɛhaa ne san iyɔm ndɔ ɛtomɛ gha ne ɛ mɔn ɛTaanggbey yegha nɛ wo, te ɛ teye ɛkɔn ne hap itsanga te ɛTaanggbey ya han ninyi ne ɛfɔt.

iBirani 10:21

Njwɛɛn ne bok ɛGɔm Nibo ne ɛbhɛ ɛ wɛɛ ninyi ɛTaanggbey ya.

iFisus 4:4

Ɛ so ɛn ibek idaan, iKabyik ɛTaanggbey idaan nɛ iphɛ so ndɔ mon. ɛLɛy dɔng sit ne irwisɛ ijwaan nɛ ne ta sonɛ ne kɛ yel-le nyini nɛ.

1 iTasɔlɔnika 2:12

Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

1 iKɔrɔntos 9:23

Nggɛ mɔn ɛlɛ wo gbik ɛlɔ ne bol iyɛnɛng ngge, te nzɛ ɛhaa nge ɛwɛng ndɔ ne sanga ibol iyɛnɛng ngge.

2 ɛTimɔti 2:7

Tas daa ɛkɔn na ne nggɛ tɔng ngɛ wo, daa ɛli ne ɛDaray ya yaa nang ngɛ ishweng ngga ne ˆaa seng gbik.

1 ɛTimɔti 6:12

Tel nggbiy ne ìnang ne itin da yɛnɛng. Wum ibol ne iken ne inat de ne kɛ yel-le yɛnɛ wo ne ihwet. iBol de ne ɛ kɛ ku nang ishɛɛda iyɛnɛng ngɛ ɛnu ɛyisɛ nishɛɛda na gbom mo.

iRooma 15:8

Nzi tɔng nyini, ɛKiriti gha kaa ne mɔn ɛtomɛ gha ndɔ niYahodawa na te tɔɔrek wu ɛTaanggbey ya so ɛhaa ne shwaak ɛkɔn na ne ɛ kɛ ku ibol, te ne ta shwaak ɛkɔn na ne kaa sim nikyɛɛ-nikyɛɛ nibhɛ na nɛ wo.

iBirani 2:11

ɛYɛso gha ne ɛbhɛ ɛ so ɛhaa ne te ninyi na wɛwɛy, ɛbhɛ wo nɛ ninyi na ne ɛ kɛ te nibhɛ wɛwɛy yo soye ninɔn ɛkyɛɛ ɛdaan. iPhɛ phɛ kɛ te sɔng ɛYɛso gha ne bok ncwa ne yaak nibhɛ nigwaa ne nang.

ɛYohana 20:21

ɛYɛso gha ne ta yaak nibhɛ, “Te irway ne laal shɛɛ ne nyinɛn! ɛLi ne ɛkyɛɛ gha kɛ tom me wo, nzi ne ma tomos nyini.”

ɛYahuza 1:1

ɛWee yɛwoo wo le ɛlɔ ɛYahuza ne ɛ so ɛkpuru ɛYɛso ɛKiriti, ɛ ta so ɛgwaa ɛYakub. Ɛbhɛ phɛɛs ɛlɔ ninyi na ne ɛTaanggbey kɛ yel-le, nɛ nibhɛ shɛɛ ndɔ ne ishwim ɛTaanggbey ne ɛ so ɛTaa, ninaa ne ɛYɛso i hyep nibhɛ.

iBirani 3:14

Njwɛɛn kɛ ne byinki ito njwɛɛn ne ɛKiriti gha wu njwɛɛn kɛ boos ìnang itin ne ibol njwɛɛn da gɛgɛy ɛli ne njwɛɛn kaa tsa wo phyii bhɛ taal.

1 ɛTimɔti 6:2

Nikpuru na nɛ nikyɛɛ ne ijwee nibhɛ na soye ninaa ne roos sa, sɔng nibhɛ shɛɛ tang kyi nang nikyɛɛ ne ijwee nibhɛ na ne ndiinday de daa ɛli nɛ nibhɛ so nigwaa na ndɔ ne roos da nang. Tɛ nikpuru na yang hante ne nang nikyɛɛ ne ijwee nibhɛ na ne ndiinday daa ɛli nɛ nikyɛɛ ne ijwee nibhɛ na nɛ nibhɛ sɛ ɛkɔn daa ɛtomɛ nikpuru na soye ninaa ne roos, i ne sim nibhɛ. iPhɛ so nggbinggbing ˆɛ mɛmɛ ninyi na nɛ nikɔn nɛnaa wo ˆɛ ta kpɛng nibhɛ.

2 iTasɔlɔnika 2:14

ɛTaanggbey kɛ yel-le nyini ɛbɛ wo, lenɛ ne iBol iYɛnɛng ngge ne njwi kɛ tɔng nyini wo te ɛ sɛ ɛn ito-ndiinday ɛDaray ɛYɛso ɛKiriti njwɛɛn de.

2 iTasɔlɔnika 1:11

ɛKɔn nɛghaa wo ɛbhɛ kɛ ne te njwii bol ne ɛTaanggbey ya cɛcɛɛy ɛlɔ mon na. Njwii roro ne ɛTaanggbey mos sa te ɛ yaang ˆɛ kɛ jam ɛn ne yel-le ɛbhɛ da ne ɛ kɛ yel-le nyini wo. Te ne lenɛ ne ihwet ɛbhɛ, ɛ shwaak gbik icwas iywɛnɛng mon da, ɛ ta shwaak gbik ɛtomɛ gha ne ɛ le ne ìnang ne itin mon de.

1 iTasɔlɔnika 5:27

Nzi roro ne nyinɛn ndɔ ne irywɛɛk ɛDaray, tɔng ɛn gbik nigwaa na ɛwee yɛwoo wo.

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

iKɔlɔsi 1:22

ɛlyilyɛghaa wo, ne lenɛ ne iku ne ibek ɛKiriti de ne iphɛ soye inwam ba nɛ neyi na, ɛTaanggbey ya kɛ ne te ˆɛ te ɛn nyini nitaay ɛbhɛ. ɛKiriti gha kɛ ne phɛ ne nyinɛn, ˆɛ so ɛn kang, wɛwɛy tang ɛkɔn ne tok ɛnu ɛyisɛ ɛTaanggbey ya.

iKɔlɔsi 1:12

Nzi bol ne ɛTaanggbey ya te ˆɛ tɔɔsel ɛn ɛTaa yegha irway ihwala daa ɛli ne ɛbhɛ kɛ te njwɛɛn kɛ hɔn sɛ ma yɛk ne ihop njwɛɛn ne isha de ne kɛ ryɔng ninyi ɛbhɛ na nɛ, nɛ nibhɛ so ndɔ ne igbɔm iwɛwɛy da.

2 iKɔrɔntos 1:7

Sɔng njwii to irway ne nyinɛn nang, daa ɛli ne njwii yɛɛ ihywee ne nggbang mos da ne ɛ sɔ ɛn, ɛlɛy ne aa ne ma sɛ ɛn ihywee ne iwɔrɔp ba ne kɛ wɔrɔp njwii nɛ wo.

1 iKɔrɔntos 1:2

Ɛbhɛ phɛɛs ɛlɔ ninaa ne roos ɛgarang iKɔrɔntos, ne ɛlɔ ninyi ne kɛ tek ɛTaanggbey ye nɛ ndɔ ɛYɛso ɛKiriti. Ne ɛlɔ ninyi ne kɛ yel-le nibhɛ tɛ nibhɛ teye ninaa ɛTaanggbey gbik nɛ ninyi nilɔ na kang-ka-kang nɛ nibhɛ yeres daa ne irywɛɛk ɛDaray ɛYɛso ɛKiriti ne ɛ so ɛDaray nibhɛ gha gbik ne ɛhaa njwɛɛn na.

iRooma 15:27

Ninyi ne iMakyidɔniya na kɛ mɔn ɛlɛ wo ndɔ ne irway ihwala, ibol lɛ kaa yung so nibhɛ nggbinggbing. Wu ninyi na ne hame nibhɛ so niYahodawa na kaa sɛ ɛwɛng ne iKabyik ɛlɔ niYahodawa na, iphɛ kɛ ne te nibhɛ nggbinggbing nibhɛ ma phyik niYahodawa na nɛ Niwɛng nikɔn iryat ta nɛ nibhɛ kɛ ma sɛ wo.

iRooma 11:17

Kɛ ne hyɛghɛ ɛbyin ne ilaak ɛphaa de ne kɛ tup i ryɔng ne ji bo ilaak ɛphaa ne ɛ kɛ wuru ɛhay i sang ryɔng ɛbhɛ, i byinki ne ɛphaa gha ne kɛ tup po ɛli ne i rop ɛlɛɛmu ɛwɛrɛ. Nyinɛn no ne hame ɛ so ɛn niYahodawa na ne ɛ so ɛn te ilaak ɛphaa ɛhay de, nyinɛn ne kɛ ne byinki ne itin nɛdee nggyɛ wo. Kaabi i bokɛ byinki nyini nɛ niYahodawa na ninaa ne lenɛ nɛ nibhɛ ɛ sɛɛs ɛn Niwɛng ɛTaanggbey ya.

iRooma 9:24

Njwɛɛn ne ma so ndɔ ninaa ne ɛTaanggbey ya kɛ yel-le wo, sɔng niYahodawa zɔng nang, gbik nɛ ninaa ne hame nibhɛ soye niYahodawa na.

ɛYohana 20:27

Ne ɛ ji yaak ɛToma yegha, “Sɔɔl ikɛn ne iwɔ mo ɛbɛ ɛ yaang ibɔ nge de; te ne ɛ ji bo iwɔ mo ɛ dat ne itsan nge de. Sɔng ɛ tɔ to irway da nang, nang ne itin nɛ.”

Nikɔn ne kɛ Phaal 18:20

Yɛk ɛn irway ihwala daa ɛbhɛ, nyinɛn ninyi ɛdaa ne irywa! Yɛk ɛn irway ihwala daa ɛbhɛ nyinɛn ne kɛ tul nyini kang, nɛ ninɔn ne tom, nɛ ninabawa! Daa ɛli ne ɛTaanggbey ya kɛ hyɛ ɛBabila wo ɛshara, daa ɛkɔn na ɛ kɛ mɔn nyini nɛ wo.”

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

1 ɛYohana 1:3

Njwii tɔng nyini ibol ɛkɔn de ne njwi kɛ yaang, njwi ta phok, te ɛ ma byinki ɛn ìtsɛm be ne njwit. ìTsɛm mos de ne so ne ɛTaa gha gbik ne ɛNgɔn ɛbhɛ ɛYɛso ɛKiriti.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

1 ɛBiturus 5:1

Mee wo ne nzo ɛnu ne ikɔɔn na, ɛgwaa mon ɛhaa ne roos sa, nzi ne bol nɛ nigwaa ninu ne ikɔɔn na nɛ nibhɛ so ndɔ mon no. Nggɛ yaang ne irwisɛ nge nggbang ngga ne ɛKiriti gha kɛ sɔ wo, nzɛ ne ma sɛ ihop ndɔ ne ndiinday ɛbhɛ de ɛtuk ka ne ɛ sɛ yɛɛs so.

1 ɛBiturus 3:5

ɛLɛ wo nɛ nikuk ne ile na nɛ nibhɛ kaa so kang ngo, nibhɛ soye ninaa ne sit irwisɛ da daa ɛTaanggbey ya kaa gyura en. Nibhɛ kaa roos ibol niras nibhɛ de.

iBirani 9:11

ɛKiriti gha kɛ yɛɛs ɛ soye ɛGɔm Nibo ɛTaanggbey. Ɛ kɛ ne yɛɛs nɛ nikɔn niyɛnɛng nga nɛ nibhɛ so ɛbɛ wo ɛlyilyɛghaa wo. Kaa ne sɛ ɛ kɛ yɛɛs ɛlɛ wo, ne ɛbhɛ lel ndɔ ne ipho de ne iphɛ phyin ne igbom, iphɛ ta phyin ne iyɛnɛng. Sɔng ɛten ɛsii ɛbhɛ kɛ ryɔng iphɛ nang, sɔng iphɛ ne so idee ɛzay yɛdee nang.

iBirani 6:20

ɛYɛso gha ɛbhɛ kɛ ne tsa ɛbhɛ lel ɛlɔ yɛghaa nggyɛ wo. Ɛ kɛ ne bhɛ lel ɛlɔ njwɛɛn, ne ɛ teye ɛGbaang ɛGɔm Nibo ɛTaanggbey, ɛhaa ne inat te ɛMakyisɛdɛk.

iFisus 3:6

ɛKɔn ɛgying ɛTaanggbey ya so ɛlɛ, te lenɛ ne iBol iYɛnɛng ɛYɛso ɛKiriti de, tɛ ninaa nɛ nibhɛ sang so niYahodawa na teye ninaa ne re isha ɛTaanggbey de gbik nɛ niYahodawa na. Nibhɛ teye ibap ne ibek idaan nɛ, nibhɛ sɛ ihop ndɔ ɛkɔn na ne ɛTaanggbey ya kɛ sim-mɛ lenɛ ne ɛKiriti gha.

1 iKɔrɔntos 10:17

ɛLi ne ibɛrɛdi de so iphɛ idaan de, njwɛɛn no ne so maa wo, ne ma so ibek idaan, daa ɛli ne ibɛrɛdi idaan nɛ ne njwɛɛn ne i re.

ɛYohana 17:3

iKen ne inat de ne so ɛlɛ: tɛ ninyi na seng ngɛ wu igyɛ zɔng ɛ soyɛ ɛTaanggbey ntin na gbik ne ɛYɛso ɛKiriti yegha ne ɛ kɛ tom mo.

ɛTomɛ 1:15

Kaa ne sɛ ɛdɛ ɛtuk kɛ ninaa ne roos sa ne tumɛ ɛn. Nibhɛ kaa ne hɔn ninyi ikɔl idaan ne nzuwubɔ ifaa gbik. ɛBiturus sa ne yilitsik ɛ yɔngɔ,

2 iKɔrɔntos 9:13

Yaa ne lenɛ ne ishɛɛda ɛtomɛ mon de, ninyi na gbom yaa ne nang ɛTaanggbey yegha ne ndiinday daa ɛli ne ɛ kɛ roos ɛn iBol iYɛnɛng ɛKiriti ne ɛ bo ɛn ɛ kɛ nang ɛn ne itin nɛ wo. Yaa ne ta lenɛ ne iphyik walala mon da ne ɛ kɛ phyik ɛn nibhɛ gbik ne ɛbyin ninyi na ne irway ihwala da.

iBirani 3:12

Nigwaa nge ninaa ne roos, wɛɛ ɛn nyini, sɔng ɛdɛ mon sim iyɔm ne ìnang ne itin de, ne irway ivebhe da te ɛbhɛ ɛ hyereey, ɛ tek ɛTaanggbey ne iken na nang.

iBirani 7:28

Ndɔ ne iMɛmɛ ɛMuusaa da, kaa i kasa ɛgbaang ɛgɔm nibo gha ndɔ niten nisii gbik ne itaasek ɛbhɛ. Kaa ne sɛ́ ɛtsim mɛ ne kɛ nang iMɛmɛ ɛMuusaa da, ɛTaanggbey ya ne kasa ɛNgɔn ɛbhɛ gha ne lɛlɛm ihywa, i te ɛNgɔn ɛbhɛ gha hyɔrɔ, ɛGbaang ɛGɔm Nibo ne inat ta.

iBirani 9:15

iPhɛ ɛlɛy, ɛKiriti gha ɛbhɛ ne so ɛhaa ɛceree ne ibol ne rop ìtsɛm ihywas de ne ihywɛ kɛ byinki ninyi na ne ɛTaanggbey ya, tɛ ninaa ne kɛ ku yel-le wo say isha ne inat de ne ɛTaanggbey kɛ ku sim-mɛ wo. iPhɛ kɛ te ɛlɛ wo daa ɛli ne ɛKiriti gha kɛ ku te ɛ phɔt ninyi na ndɔ ne ɛfɔt to nɛ nibhɛ kaa mɔn nten de ne ibol ne rop ìtsɛm itsɛl de kaa sonɛ wo.

iBirani 10:19

iPhɛ ɛlɛy nigwaa en, njwɛɛn kɛ ne te tɔrɔk ɛli ne yaa yɛɛ ne bhɛ lel ɛLɔ gha ne Tul Kang i Shɛs so lenɛ nɛ neyi ɛYɛso na.

iBirani 10:23

Nɛ njwɛɛn ta kyinak gɛgɛy daa ne sit irwisɛ yɛdaa nggyɛ wo ne njwɛɛn ku bok ko, i ta bol lo, daa ɛli ne ɛTaanggbey ya ne ɛbhɛ kɛ ku sim njwɛɛn nɛwo so sɛ kyinak daa ne ibol ɛbhɛ.

iBirani 13:22

Nigwaa ɛn, nzi roro ne nyinɛn, nggɛ shii haal ɛwee yɛwoo wo ncɛt te n kpɛngke nyini, ne ˆɛ bo ɛn ɛbɔk, sɔng ivol lɛ kɛ ne kat nang.