iBirani 2:9 - ɛWee ne ìTsɛm iHywas

⁹ Njwi yang yaang ɛYɛso yegha ne kaa yɛk ngɛ igbɔm ɛbhɛ taasek ivaa nimalɛka da. ɛLyilyɛghaa wo, kɛ ne nang ɛbhɛ ne ndiinday ne igbom, daa ɛli ne ɛ kɛ sɔ nggbang ne iku. Ɛ kaa mɔn ɛlɛ wo te lenɛ ne izɛɛng ɛTaanggbey de ɛ ku ɛlɔ ninyi na gbik.

iBirani 2:9 ပူးပေါင်းရင်းမြစ်များ

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

ɛMacu 6:28

“Ɛya ɛkɔn ɛbhɛ kɛ ne te nyini ɛ sap ɛn ibol ne itsura daa? Wɛɛ ɛn nggbay ne ivee ɛhay da ɛli ne ifɛ hɔnɔs so, sɔng ifɛ mɔn ɛtomɛ nang, sɔng ifɛ ne ryɔng ne itsura ne ifɛ nang.

ɛMarakus 9:1

ɛYɛso gha ne ta yaak nibhɛ, “iTin nɛ ne naa mɔng nyini, ɛbyin mon so ɛbɛ wo ne sɔng nibhɛ sɛ kus sang nyɛɛn nibhɛ yaang igbɔm ɛTaanggbey da yaaso ndɔ ne ito-ndiinday de nang.”

ɛLuka 9:27

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang igbɔm ɛTaanggbey ba.”

ɛYohana 1:29

Kɛ ne cwiil ne ihwɛlɛ ɛYohana gha ne yaang ɛYɛso yegha ɛ yaaso ɛlɔ ɛbhɛ, ne ɛ yaak ninyi na, “Yaang ɛn ɛNgɔn ne ɛpharak ɛTaanggbey yɛghaa nggyɛ ne ɛ kɛ bo ɛfɔt ɛzay yo.

ɛYohana 10:17

ɛKyɛɛ gha sim me wo daa ɛli ne nzi naas iken nge, nzɛ ne kyii ta bo iphɛ dɔng.

ɛYohana 12:32

Yaa sɛ kɛ yinɛ me ndɔ ne ivel da, naa ne hɔ ninyi gbik ɛlɔ nge.”

ɛYohana 3:16

“Daa ɛli ne ɛTaanggbey ya kɛ sim ɛzay ya gbom mo nang, ɛ kɛ ne nang ɛNgɔn ɛDaan ɛbhɛ te gbik ɛnyi gha ne ɛ kɛ nang ne itin nɛ ne ɛbhɛ wo nang, sɔng aa ne ku nang, aa yang sɛ iken ne inat.

ɛYohana 8:51

Nzi tɔng nyini itin nɛ, ɛhiha ɛnyi ne ɛ kɛ roos ibol nge de, sɔng ɛ sɛ ne ku nang.”

ɛYohana 8:52

niYahodawa ne yaak ɛbhɛ, “ɛLyilyɛghaa ne njwi kɛ ji seng wu ɛphoo gha so ndɔ mo ɛtsak! ɛBaraying nga kaa ku, ninabawa na kaa ne ma kus, iphɛ dee ɛɛ ne bo wu ɛnyi gha ne ɛ kɛ roos ibol mo, wu hang ɛ sɛ ne ku.

ɛTomɛ 2:33

Kɛ nang ɛYɛso yegha ne ndiinday, ɛbhɛ so ne iwɔ ne irwye ɛTaanggbey. Ɛ kɛ ne say iKabyik ɛTaanggbey de ne ɛlɔ ɛKyɛɛ gha ɛli ne ku sim-mɛ wo, iphɛ ne ɛ kɛ ne ji sit daa ninyi yɛnaa wo ne ɛ yaang ɛn no, ɛ ta phok ɛn no.

ɛTomɛ 3:13

ɛTaanggbey ɛBaraying ne ɛShaaku, ne ɛYakub, ɛTaanggbey nikyɛɛ-nikyɛɛ njwɛɛn na kɛ nang ɛkpuru ɛbhɛ ɛYɛso yegha ne ndiinday. ɛYɛso gha ne ɛ kaa nang ɛn ɛbhɛ te i phoo wo. Ɛ kaa ne mbaray ɛn nyini ɛbhɛ ɛnu ɛyisɛ ɛBilatus ɛli ne ɛ kaa jung i sim te aa tek ɛbhɛ ɛ hyel.

iRooma 5:18

iPhɛ ɛlɛy, ɛli ne ɛfɔt ɛnyi ɛdaan no kɛ yɛɛs ne iku de daa ninyi na gbik ko ɛlɛy ne ihywel icik ɛnyi ɛdaan da kɛ ne ma te kɛ say ninyi na gbik wu nibhɛ so cik ɛnu ɛyisɛ ɛTaanggbey, iphɛ kɛ ne te nibhɛ bok iken.

iRooma 5:8

ɛTaanggbey ya kɛ yang tɔɔrek ishwim ɛbhɛ daa njwɛɛn daa ɛli ne njwɛɛn kɛ tɔ ninaa ne ɛfɔt, ɛKiriti gha ne ku ɛlɔ njwɛɛn!

iRooma 8:3

ɛKɔn na ne iMɛmɛ ɛMuusaa da kɛ sang yɛɛ ne mɔn nɛ daa ɛli ne ɛten ɛsii gha kɛ taasek, ɛTaanggbey ya kɛ ne mɔn. ɛTaanggbey ya kɛ phoo ihwet ne ɛfɔt to ndɔ ne ibek ɛten ɛsii de lenɛ ne ɛ kɛ tom ɛNgɔn ɛbhɛ ndɔ ne ibek ɛten ɛsii ne iphɛ so cɛcɛɛy idee ne ɛfɔt, te ɛ bunga ɛfɔt to.

iRooma 8:32

Ɛbhɛ ɛTaanggbey ya ne kɛ ring njwɛɛn ne ɛNgɔn ɛbhɛ gha, ɛ yang kyii nang ɛbhɛ ɛlɔ njwɛɛn na gbik ko. Wu ɛ kɛ ne mɔn ɛlɛ wo ɛ sɛɛ ne mɔn ɛli ɛ sang nang njwɛɛn nikɔn na gbik ne irway ijwaan daa?

2 iKɔrɔntos 5:15

ɛKiriti gha kɛ ne ku ɛlɔ ninyi na gbik, te gbik ninaa nɛ nibhɛ bok iken de, sɔng nibhɛ tɔ shɛɛ ishwɛɛ ne ito nibhɛ nang, tɛ nibhɛ yang yaa shɛɛ ishwɛɛ ɛKiriti da ne ɛ kɛ ku ɛlɔ nibhɛ gha kyii ta yiisik ɛbhɛ ɛlɔ nibhɛ gha.

2 iKɔrɔntos 5:21

Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.

iGalatiya 4:4

Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.

1 ɛTimɔti 2:6

Ɛbhɛ ɛ kɛ nang ito ɛbhɛ te ɛ say ninyi na gbik. ɛNggyɛ wo bhɛ ne soye ishɛɛda ne kaa tɔɔl cɛcɛɛy nten de ne ɛTaanggbey ya i sim tɛ sɛ phɔt ninyi na gbik ko.

iBirani 1:9

Ɛɛ sim icik ne ɛ mbaray yɛ ibebhe! iPhɛ iphɛ kɛ te ɛTaanggbey ya, ne ɛ so ɛTaanggbey mo gha, kɛ tul lɛ kang, ɛ sit tɛ ne nɔɔy ne irway ihwala. Ɛ nang ngɛ ne ndiinday ne iphɛ phyin idee nitɛɛrɛk mo.”

iBirani 10:5

iPhɛ phɛ kɛ te kaa sɛ ɛKiriti gha yaaso ndɔ ɛzay ya, ne ɛ yɔngɔ: “Sɔng nikɔn ne hap itsanga, ne izɛɛng ngge ne ɛ sim nang, ˆɛ kɛ ryɔng me ibek nge te hap ne itsang de.

iBirani 11:5

Kaa lenɛ ne ìnang ne itin de ne i bo ɛNɔk ghe ɛken nɛ, te ɛ sang yaang iku. Sɔng ne tang sɛ ɛbhɛ nang, daa ɛli ne ɛTaanggbey ya kaa bo ɛbhɛ ɛ hyel lɛ. ɛWee ne ibol ɛTaanggbey yo i bo wu ɛTaanggbey ya kaa phok iyɛnɛng ɛNɔk ge nten de ne kaa tang bo ɛbhɛ wo.

iBirani 12:2

Nɛ njwɛɛn sit irwisɛ daa ɛYɛso gha ne ɛbhɛ ɛ kɛ phaal ɛnkiinɛ ne ìnang ne itin de, ɛ ta so ɛhaa ne te ìnang ne itin njwɛɛn de te hyɔrɔ wo. Kaa lenɛ ne irway ihwala da ne ifɛ hyep ɛbhɛ wo, ne ɛ rop iku daa ne ihon ne gangat to, sɔng ne ɛ bo ncwa yɛ te mpɛ ɛkɔn nang. Ɛ kɛ ne ji bhɛ soos ne iwɔ ne irwye ɛcuruu ne igbɔm ɛTaanggbey ya.

iBirani 2:7

ˆƐ kaa yɛk ngɛ igbɔm ɛbhɛ da taasek ivaa nimalɛka da, ne ˆɛ nang ɛbhɛ ne ndiinday gbik ne igbom,

iBirani 7:25

iPhɛ ɛlɛy, aa ne yɛɛ ne phɔt ninyi na wɛlɛng ɛgak. Ninyi na nɛ nibhɛ kɛ yɛɛs ɛlɔ ɛTaanggbey ya lenɛ ne ɛbhɛ wo, daa ɛli ne ɛ ku so ɛken, ɛɛ bol ne ɛTaanggbey ya ɛlɔ nibhɛ cɛcɛɛy.

iBirani 8:3

I kasa ɛGɔm Nibo na te ɛ hap itsanga nɛ izɛɛng nɛ ninyi i yɛɛset nɛ, nɛ nikɔn ne hap itsanga yɛ. ɛLɛy iphɛ ne ma so nggbinggbing ɛGɔm Nibo njwɛɛn na ma bok ɛkɔn na aa hap ne itsanga de.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 ɛYohana 2:2

ɛYɛso ɛKiriti gha ɛbhɛ ɛ soye itsanga de ne kɛ hap mɛ te ɛTaanggbey ya hana njwɛɛn ne ɛfɔt njwɛɛn no, sɔng ma yung so ɛfɔt njwɛɛn zɔng nang, gbik ne ɛfɔt ninaa ɛzay yo.

Nikɔn ne kɛ Phaal 19:12

iRwisɛ ɛbhɛ da so te ilem ne igboo, nikɔn ne ito ne igbɔm gbom ne so daa ne ito ɛbhɛ. Kɛ ne haa ɛbhɛ ne idɛ irywɛɛk ko ne wɛlɛng ɛnyi ne ɛ yɛɛ ɛnting ngɛ kang ne ɛbhɛ wo.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.