iBirani 2:3 - ɛWee ne ìTsɛm iHywas

³ Wu iphɛ ne so ɛlɛ wo, njwɛɛn yaa mɔn ɛlii i phɔrɔt to wu njwɛɛn kɛ mbaray ibol ne igbaang ne iphɔrɔt da, ne ɛDaray ya ne ito ɛbhɛ de ɛbhɛ kɛ tsa ɛ tɔng ngoo? Ninyi na nɛ nibhɛ kaa ne phok ibol lɛdee wo kɛ mɔng kɛ ne tɔɔl njwɛɛn wu iphɛ so itin nɛ.

iBirani 2:3 ပူးပေါင်းရင်းမြစ်များ

ɛMacu 23:33

“Ɛ so ɛn te izɔ, nɛ ninɔn ne izɔ igywebhe! Ɛ sɛ mɔn ɛn ɛli ɛ sang bhɛ lel ɛn ndɔ ne ijwee ne igboo woo?

ɛMacu 4:17

Ne lenɛ nten nɛdee nggyɛ wo ne ɛYɛso gha ne tsa sanga ibol ɛbhɛ de ɛ bo, “San ɛn ɛbɔk, daa ɛli ne igbɔm ɛdaa ne irywa da yek cɛcɛk.”

ɛMarakus 1:14

Kɛ ne sɛ ɛli ne ɛgɔm ɛHyiridus sa kɛ wum ɛYohana yegha ɛ cwaal ɛbhɛ ndɔ ne ijwee ne inyang ngo nang ɛYɛso gha ne phɛ ne ivel ne iGalili, ɛ yaa bhɛ tɔng ninyi na ibol iyɛnɛng ɛTaanggbey de.

ɛLuka 1:2

Nibhɛ kɛ haa nikɔn na ne njwi kɛ phok ɛnu ninaa nɛ nibhɛ kaa yaang ɛli nɛ nibhɛ kɛ tes so, nibhɛ ji tɔng ibol lɛ wo.

ɛLuka 1:69

Ɛ kɛ ne nang njwɛɛn ɛgbaang ɛnyi ne phɔt, ne ɛ le ne icwaang ɛkpuru ɛbhɛ ɛDoda.

ɛLuka 24:19

ɛYɛso gha ne phom ɛ yɔngɔ, “ɛYakɔn ɛbhɛ ɛ tes lɛɛ?” Nibhɛ ne kyii nɛ, nibhɛ yɔngɔ, “Nikɔn na nɛ nibhɛ kɛ tes ne ɛYɛso ne iNazarat ta. Ɛ kaa so ɛNɛbi ne ɛ bok ito daa ne nikɔn na ne ɛ bol ɛ ta i mɔn ɛnu ɛyisɛ ɛTaanggbey ya gbik nɛ ninyi na,

ɛYohana 15:27

Nyinɛn no ne mang, ɛ sɛ ne tɔng ɛn ibol nge de daa ɛli ne ɛ ku so ɛn ne mee ne ile ne itsa yɛ.”

ɛTomɛ 1:22

iPhɛ kɛ jam mɛ te ɛnyi yɛ so ɛhaa ne njwɛɛn ku sonɛ nibhɛ lenɛ nten de ne ɛYohana gha kaa yɛk ɛYɛso yegha ne iBatisima de, phyin bhɛ hɔn nten de ne kɛ bo ɛbhɛ i phɛ nɛ dak ne irywa wo. ɛNyi gha ne yaa ne kasa wo nang, njwɛɛn ne yaa ne tɔng ibol ne yilitsik ne ikpuu ɛYɛso da ne nibhɛ.”

ɛTomɛ 2:22

“Nyinɛn niSɛrɛla wo, tenes ɛn ibol lɛdee wo. ɛYɛso ne iNazarat ta so ɛnyi ne ɛTaanggbey ya kaa ku tɔɔl nyini wu iyee kɛ tom ɛbhɛ. ɛTaanggbey ya kaa tɔɔl nyini ndɔ ne igbaang nitomɛ da nɛ nikɔn ne kparat ta gbik ne nyu nikɔn ne ɛnik ge ne ɛ kaa mɔn ndɔ mon no lenɛ ne ɛYɛso gha. Nyinɛn no ɛ yɛɛn iphɛ ɛlɛy.

ɛTomɛ 4:12

“ɛYɛso gha zɔng ɛbhɛ so ɛhaa ne phɔt ninyi na, daa ɛli ne irywɛɛk ɛbhɛ wo zɔng ndɔ ɛzay ya nɛ ninyi sɛ ne iphɔrɔt da.”

iRooma 11:14

Nzi mɔn ɛlɛ wo, te nzɛ n yaang nigwaa nge niYahodawa na kɛ yɛk ɛnkyis te ne lenɛ ɛlɛy i phɔt nidɛng ndɔ nibhɛ.

iRooma 2:3

iGyɛ ninyi wo! iPhɛ dee igyɛ ne ito mo ɛ ne ma kyi mɔn ɛkɔn na ne ɛ kɛ hyɛ ɛhak ɛnyi gha ɛshara gha daa ɛbhɛ wo! Ɛ ne ji wɛɛ te aa phɔrɔt ndɔ ɛshara gha ne ɛTaanggbey ya sɛ hyɛ woo?

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

1 iTasɔlɔnika 5:3

Sɛ́ sɛ ninyi na i bo, “Ncaang sonɛ, irway ne laal sonɛ,” nggbang ngga ne sɛ nibhɛ dirik, te ɛkuk ne isik ne ɛngɔn kɛ yaa rɔ ɛbhɛ. Sɔng iphɔrɔt sɛ sonɛ nang.

1 ɛTimɔti 1:15

iBol lɛdee wo ne so itin nɛ sɛ kyinak daa ne iphɛ, iphɛ kɛ hɔn sɛɛ say iphɛ gbik. iBol de ne iphɛ bo, “ɛYɛso ɛKiriti gha kaa yɛɛs ndɔ ɛzay ya te ɛ phɔt ninaa ne ɛfɔt.” Mee wo ne n bok ɛfɔt to n shɛs ndɔ ninaa ne ɛfɔt ta.

ɛTitus 2:11

Daa ɛli ne ɛTaanggbey ya kɛ tɔɔrek izɛɛng ɛbhɛ de tɛ ninyi na gbik sɛ iphɔrɔt.

iBirani 1:1

Ne ile de ɛTaanggbey ya kaa bol nɛ nikyɛɛ-nikyɛɛ njwɛɛn na ndɔ ne nkpiinɛ da ihywee-ihywee ne nten de kang-ka-kang lenɛ nɛ ninabawa na.

iBirani 1:14

ɛTsak, gbik nimalɛka na soye ikpabyik ne ifɛ mɔn ɛTaanggbey ye ɛtomɛ, ɛTaanggbey ya ne tomos nibhɛ tɛ nibhɛ phyik ninaa nɛ nibhɛ aa say iphɔrɔt da.

iBirani 1:2

ɛLyilyɛghaa, ndɔ nituk ɛtsim mɛnaa wo, ɛTaanggbey ya i ne bol ne njwɛɛn lenɛ ne ɛNgɔn ɛbhɛ ne kɛ lenɛ ne ɛbhɛ i ryɔng ɛzay ya. Ɛbhɛ ne ɛTaanggbey ya kɛ ta kasa ɛbhɛ ɛ tek ɛbhɛ nɛ nikɔn na gbik.

iBirani 12:25

Wɛɛ ɛn yɛnɛng, sɔng ˆɛ mbaray ɛn nyini tang tenes ɛn ɛnyi gha ne ɛ bol lo nang. Seng ɛn, ninyi na nɛ nibhɛ kɛ mbaray tang tenes ibol ɛnyi de ne ɛ kaa kpɛng nibhɛ ndɔ ɛzay ya, sɔng nibhɛ kɛ ne phɔrɔt nang. Yaa ne ji mɔn ɛlii njwɛɛn phɔrɔt to wu njwɛɛn kɛ mbaray tang tenes ɛnyi gha ne ɛ kpɛng njwɛɛn daa ne irywa woo?

iBirani 4:1

ɛTaanggbey ya kɛ nang njwɛɛn ibol ne iphɔrɔt de ne ɛ kɛ ku sim-mɛ wo, iphɛ ɛlɛy nɛ njwɛɛn ne wɛɛ ɛn hywɛɛ ɛlɔ ne ɛdɛ mon sɛ yung bhɛ wɔs.

iBirani 4:11

iPhɛ ɛlɛy, te njwɛɛn kyangkey yɛ gbom te bhɛ lel ndɔ ne ìfɔng ngɛdaa nggyɛ wo. Sɔng ɛdɛ ɛnyi shɛɛ tang bhɛ lel daa ɛli ne ɛ kɛ roos ngkɔɔl ninaa ne mbaray ibol ɛTaanggbey de nang.

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

1 ɛYohana 1:1

Njwii haa nyini ibol ɛYɛso ɛKiriti de ne ɛ soye iBɔrɔk ne iBol de, ne ɛ ku sonɛ ne ile ne tum ɛzay de, iBɔrɔk ne iBol de ne njwi kɛ phok, njwi yaang ne irwisɛ mos njwi ta dat ɛbhɛ ne ibɔ mos de. iBɔrɔk ne iBol de ne iphɛ i nang iken de.

ɛYahuza 1:17

Nyinɛn nigwaa en ne nzi sim, ne ˆɛ taate ɛn ne ɛkɔn na nɛ ninɔn ne tom ɛDaray njwɛɛn ɛYɛso ɛKiriti gha kaa ku tɔng wu ɛ sɛ te wo.

Nikɔn ne kɛ Phaal 7:10

Nibhɛ ne ji kyangkey nibhɛ boote ne ɛgbaang ne izɔlɔs nibhɛ bo, “iPhɔrɔt da le ɛlɔ ɛTaanggbey mos ne ɛ kɛ soos ɛcuruu ne igbɔm, ne ɛNgɔn ne Pharak ka.”