iBirani 2:2 - ɛWee ne ìTsɛm iHywas

² iBol de nɛ nimalɛka na kaa tɔng nikyɛɛ-nikyɛɛ njwɛɛn na kaa so itin nɛ ɛtsak, iphɛ ne ta so itin nɛ wu gbik ɛnyi gha ne ɛ kaa mbaray tang roos iphɛ wo ɛ kaa sɔ nggbang ngga ne mpɛ so kacɛng ne ɛkɔn na ne ɛ kɛ mɔn no.

iBirani 2:2 ပူးပေါင်းရင်းမြစ်များ

ɛTomɛ 7:53

Nyinɛn ɛ kɛ ne say ɛn ɛShara ɛTaanggbey ya ne iwɔ nimalɛka wo, sɔng ɛ kɛ ne kyi ta roos ɛn nang!”

iGalatiya 3:19

iKyee iphɛ kaa ne te i yɛɛs ɛShara ghaa? Kaa hante ɛShara gha te tɔɔl ninyi wu ɛkɔn wu nibhɛ mɔn ɛfɔt. Kaa yɛɛs nɛ te kyi shɛɛ nɛ i hyep nten de ne ɛNgɔn na kɛ sim sim-mɛ ɛBaraying nga yaa tuu. Kaa nang nimalɛka ɛShara gha ne lenɛ ne ɛhaa ɛceree, ɛShara gha ne ji hɔn ɛlɔ ninyi na.

iBirani 10:28

Gbik ɛnyi gha ne ɛ kɛ mbaray imɛmɛ ɛMuusaa da, wu kɛ sɛ nishɛɛda ifaa hang itwat yɔɔ, yaa ne phoo ɛbhɛ, wɛlɛng san iyɔm.

ɛYahuza 1:5

Nzi yɛɛ ɛ ku yɛɛ ɛn ibol lɛdee wo, nzi ne sim na ne taate nyini nɛ wu ɛTaanggbey ya kaa phɔt ninyi ɛbhɛ na ne ivel ne iMasad da, ne ɛ kyii mɔɔng ɛ bunga ninaa nɛ nibhɛ sang nang ne itin nɛ wo.

iBirani 11:26

Ɛ kaa kasa ncwa da ne aa sɔ ɛlɔ ɛKiriti gha phyin iryat ne iMasad de ne iyɛnɛng gbom, daa ɛli ne ɛ kaa sit irwisɛ ɛbhɛ ne iyɛnɛng ngge ne sɛ bhɛ mɔn ɛbhɛ nɛ gɔɔ ɛyisɛ gha.

iBirani 10:35

iPhɛ ɛlɛy, ne ɛ hante ɛn ne irway nviit mon da, sɛ mɔn nyini iyɛnɛng gbom.

iBirani 11:6

Wɛlɛng ɛnyi ne aa te ɛTaanggbey yegha phok iyɛnɛng tang ɛ kɛ nang ne itin nɛ. Daa ɛli ne gbik ɛnyi gha ne ɛ yaaso ɛlɔ ɛTaanggbey ya, iphɛ so nggbinggbing ɛ nang ne itin nɛ wu ɛTaanggbey ya sonɛ. Wu ɛ mɔn ninyi na nɛ nibhɛ tɔk ɛbhɛ wo iyɛnɛng.

iBirani 1:1

Ne ile de ɛTaanggbey ya kaa bol nɛ nikyɛɛ-nikyɛɛ njwɛɛn na ndɔ ne nkpiinɛ da ihywee-ihywee ne nten de kang-ka-kang lenɛ nɛ ninabawa na.

iBirani 12:25

Wɛɛ ɛn yɛnɛng, sɔng ˆɛ mbaray ɛn nyini tang tenes ɛn ɛnyi gha ne ɛ bol lo nang. Seng ɛn, ninyi na nɛ nibhɛ kɛ mbaray tang tenes ibol ɛnyi de ne ɛ kaa kpɛng nibhɛ ndɔ ɛzay ya, sɔng nibhɛ kɛ ne phɔrɔt nang. Yaa ne ji mɔn ɛlii njwɛɛn phɔrɔt to wu njwɛɛn kɛ mbaray tang tenes ɛnyi gha ne ɛ kpɛng njwɛɛn daa ne irywa woo?

2 ɛBiturus 1:19

iPhɛ ɛlɛy, njwi kɛ ne hante ne yɛk ihwet daa ne ivol ninabawa de nɛ nibhɛ kaa tɔng ngo. iPhɛ kɛ ne jam mɛ ɛ kyii ɛn ne ihywɛɛ mon yɛnɛng daa ne iphɛ, daa ɛli ne iphɛ so te igboo ne ifɛ tol i ndɔ gbyik ihwɛlɛ phyii wuru. iWɛwɛy ɛDaray de i ne tol ndɔ ne irway mon da te ɛli ne ɛyuyɔrɔ ɛraam ne ihwɛlɛ gha i tol ɛzay ya.