iBirani 13:9 - ɛWee ne ìTsɛm iHywas

⁹ Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

iBirani 13:9 ပူးပေါင်းရင်းမြစ်များ

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iFisus 5:6

Sɔng ɛdɛ ɛnyi gha luk nyini ne ivol ɛbuu da nang. Nzo ihywee nikɔn nɛnaa wo bhɛ hɔ njenjek ɛTaanggbey de daa nisang-phok ka.

iRooma 14:6

ɛNyi gha ne ɛ kɛ bo ɛdɛ ɛtuk ka ɛ phyin ɛbyin nituk kɛwo, ɛ mɔn ɛlɛ wo, te ɛ nang ɛDaray ye ne ndiinday. ɛNyi gha ne ɛ re nikɔn na gbik ko, ɛ mɔn ɛlɛ wo te ɛ nang ɛDaray ye ne ndiinday, daa ɛli ne ɛ tɔɔrek ɛDaray yegha irway ihwala da ne ire de nyɛɛn. ɛNyi gha ne ɛ sang re ɛbyin nikɔn na, ɛ mɔn ɛlɛ wo te ɛ nang ɛDaray ye ne ndiinday daa ɛli ne ɛ ma tɔɔrek ɛDaray yegha irway ihwala.

1 ɛYohana 4:1

Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.

ɛTomɛ 20:30

Ndɔ mon no ne mang, sɛ ne ma sɛ nidɛng nɛ nibhɛ sɛ wuru nibhɛ tusup itin de, tɛ nibhɛ sɛ nibhɛ hɔ ihywɛɛ ninaa ne roos de ɛlɔ nibhɛ.

ɛYahuza 1:12

Ninyi yɛnaa nggyɛ wo ne soye ishis ndɔ ìtsɛm mon de, nibhɛ i re nibhɛ i sɔ tang ncwa. Nibhɛ so tɛ ninaa ne hyep ᐩigyol nɛ nibhɛ sal itso nibhɛ zɔng, nibhɛ so te inɔp ne iphɛ i tumɛy igbil kyii te iphɛ shwaa, sɔng inɛn nɛ kyii reey nang. Nibhɛ so tɛ nihon ne ilwing ngɛ kɛ howoso en nibhɛ kus tang yɛk ikpam.

1 ɛTimɔti 6:20

ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

ɛYahuza 1:3

Nigwaa nge ne nzi sim, nggɛ ku bok icwas ne haa nyini nɛ daa ne ibol ne iphɔrɔt njwɛɛn de, ne nggyi yaang iphɛ kɛ jam mɛ nzɛ kyii haal nyini nɛ te n te nyini itsɔngɔl gɛgɛy ɛli ne ˆaa kyinak ɛn daa ne imɛmɛ ne itin ɛYɛso de ne ɛTaanggbey ya kɛ nang ninaa ne roos ɛbhɛ na ɛdaan na zɔng ngo.

2 iTasɔlɔnika 2:17

te nyini itsɔngɔl gɛgɛy, ɛ nang nyini ihwet ne mɔn nikɔn niyɛnɛng gbik ne bol ivol iywɛnɛng.

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

ɛMacu 24:4

ɛYɛso gha ne kyii nɛ ɛ yaak nibhɛ, “Wɛɛ ɛn nyini iyɛnɛng, sɔng ɛ sim ɛn ɛnyi luk nyini nang.

iKɔlɔsi 2:4

Nzi tɔng nyini ibol lɛdee wo, ɛlɔ ne ɛdɛ ɛnyi yaa yung luk nyini ne ɛnu ɛbel.

2 iKɔrɔntos 1:21

ɛTaanggbey ya ɛbhɛ kɛ te njwit to ne nyinɛn no kɛ kyinak gɛgɛy ndɔ ɛKiriti gha. Ɛbhɛ kɛ ne ta kasa njwɛɛn ndɔ ɛtomɛ yɛghaa wo.

1 iKɔrɔntos 8:8

Sɔng ire de iphɛ yɛɛs ne njwɛɛn cɛcɛk ne ɛTaanggbey ya nang. Wu njwɛɛn kɛ sang re, sɔng njwɛɛn yaa ne tɛ ye nang, wu njwɛɛn kɛ ne re, sɔng njwɛɛn yaa ne hantey yɛ nang.

iRooma 14:17

Daa ɛli ne sɔng igbɔm ɛTaanggbey ba so daa ne ibol ne re i sɔ nang, ifɛ yang so daa ne ibol icik, ne irway ne laal, ne irway ihwala ne iKabyik ɛTaanggbey i naas.

iRooma 14:2

ìNang ne itin ɛdɛ ɛnyi da sɛɛ yɛɛ ne sim ɛbhɛ nɛ ɛ re gbik ɛkɔn na ne ɛ sim, ɛnyi gha ne ìnang ne itin ɛbhɛ da ne so ikyɔkyɔt to nang, icwas ɛbhɛ da ne i bok ɛbhɛ te ɛ re ivee zɔng.

ɛTomɛ 20:32

“ɛLyilyɛghaa wo, nzi ne bo te ɛTaanggbey hyep nyini. Te bol ne izɛɛng ɛbhɛ de hyep nyini, te iphɛ nang nyini ihwet iphɛ yɛk ngɛ ɛwɛng ɛbhɛ sɛ nyini, ɛwɛng nga ne ɛ sɛ teye isha ninaa ne roos ɛbhɛ na.

2 iTasɔlɔnika 2:2

sɔng ɛ shii te ɛn buruburu ɛ kpaate ɛn ndɔ ne irway mon daa ne idɛ bol de ne iphɛ kɛ yaak nyini wu ɛtuk ɛDaray ɛYɛso gha kɛ ku tuu nang. Yaa rɔk ɛdɛ ɛnyi gha sɛ boote ɛlɛ wo, hang ndɔ ne ibol yɔɔ, hang ndɔ ne ikabyik yɔɔ, hang ndɔ ne ɛwee yɔɔ, ɛ yɔng wu iphɛ le ɛlɔ mos.

1 iKɔrɔntos 6:13

“Kɛ ryɔng ire de ɛlɔ ne iphul, kɛ ne ma ryɔng iphul de ɛlɔ ne re,” ɛTaanggbey ya sɛ ne bunga iphul de ne ire de gbik. Sɔng kɛ ne ryɔng ibek ge ɛlɔ ne nzangas sang, kɛ ryɔng ibek ge te iphɛ nang ɛDaray ye ne ndiinday, ɛDaray ya ɛbhɛ ne hyep ibek ge.

iGalatiya 6:1

Nigwaa en, wu kɛ sɛ ɛnyi gha mɔn ɛfɔt to, nyinɛn no ne ɛ so ɛn ndɔ ne ikabyik ge, ne ɛ kyi ɛn ne ɛbhɛ ne nkiinɛ wo hywɛɛ. Tɛ ne ɛ ma wɛɛ ɛn nyini yɛnɛng, ɛlɔ ne aa ma yung kyibhɛ ɛn daa ne tɛrɛk kɛ ne mang.

ɛLuka 5:38

I yang banas iguut de ndɔ ne izong ne ifɛ tɔ ne ihwet!