iBirani 12:3 - ɛWee ne ìTsɛm iHywas

³ Yung tas ɛn ne ɛYɛso gha ne ihywee ɛbɔk ge ne ɛ kɛ bo daa ne mbaray da nɛ ninaa ne ɛfɔt ta kɛ mbaray ɛbhɛ wo! iPhɛ ɛlɛy sɔng ne ɛ te ɛn kpos, ɛ tul ɛn irway nang.

iBirani 12:3 ပူးပေါင်းရင်းမြစ်များ

iGalatiya 6:9

Sɔng njwɛɛn te kpos ne mɔn nikɔn ne yɛnɛng nga nang, daa ɛli ne nten nɛ yaaso ne njwɛɛn sɛ bhɛ pha nikɔn na ne njwɛɛn kɛ tubhus so, wu njwɛɛn kɛ sang te kpos kɔp.

2 iKɔrɔntos 4:16

iPhɛ ɛlɛy, sɔng njwi kɛ ne tul irway nang. Gbik ɛli ne ibek mos sɛ de wo i bees se wo, ikabyik mos de ne tes se iphas sɛ izenge ne ihwɛlɛ.

Nikɔn ne kɛ Phaal 2:3

Nzi yɛɛ ɛ bok ɛbɔk, ɛ kɛ ne sɔ nggbang gagak ɛlɔ ne irywɛɛk nge wo, sɔng ɛ kɛ ne te kpos nang.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

iBirani 12:2

Nɛ njwɛɛn sit irwisɛ daa ɛYɛso gha ne ɛbhɛ ɛ kɛ phaal ɛnkiinɛ ne ìnang ne itin de, ɛ ta so ɛhaa ne te ìnang ne itin njwɛɛn de te hyɔrɔ wo. Kaa lenɛ ne irway ihwala da ne ifɛ hyep ɛbhɛ wo, ne ɛ rop iku daa ne ihon ne gangat to, sɔng ne ɛ bo ncwa yɛ te mpɛ ɛkɔn nang. Ɛ kɛ ne ji bhɛ soos ne iwɔ ne irwye ɛcuruu ne igbɔm ɛTaanggbey ya.

iBirani 3:1

iPhɛ ɛlɛy, nigwaa nge ne kɛ tul kang, ne ɛTaanggbey kɛ ma yel-le nyini, sit ɛn irwisɛ daa ɛYɛso gha ne ɛbhɛ so ɛNgɔn ne Tom ma ne ɛGɔm nibo gha ne njwi tɔng ibol ɛbhɛ de.

2 iKɔrɔntos 4:1

iPhɛ ɛlɛy, daa ɛli ne njwii mɔn ɛtomɛ yɛghaa wo lenɛ ne isan iyɔm ɛTaanggbey, sɔng njwi aa ne tul irway nang.

ɛYohana 5:16

iPhɛ ɛlɛy, nindiinday niYahodawa na ne yaa tak ɛYɛso yegha iyɔm, daa ɛli ne ɛ kɛ te ɛnyi ɛken ɛTuk ne iWɛsɛ gha.

iBirani 12:5

Hang ˆɛ kɛ yung te ɛn bap ne ibol ne te itsɔngɔl de gɛgɛy yo ne ɛTaanggbey ya kɛ bol nɛ nyinɛn ninɔn ɛbhɛ na naa? iBol de ne ɛ kaa yɔngɔ, “ɛNgɔn nge, kyii ne ihywɛɛ mo ɛlɔ ɛdaan. Yaa ne sɛ ɛDaray ya kɛ teyɛ tsik ko, sɔng ne ˆɛ tul irway, sɔng ne ˆɛ tul irway nten de ne ɛ nep pɛ wo nang.

ɛLuka 14:1

ɛDɛ ɛtuk ne iWɛsɛ niYahodawa na, ɛYɛso gha ne lel ndɔ ne ijwee ɛdɛ ɛndiinday niFarisawa na aa bhɛ re ire, ninyi na ne sit ɛbhɛ ne irwisɛ ntinting.

2 iTasɔlɔnika 3:13

Nyinɛn no nigwaa en, sɔng ne ˆɛ te ɛn kpos ne mɔn iyɛnɛng ngge nang.

ɛYohana 18:22

Kɛ ne sɛ ɛYɛso gha kɛ boote ɛlɛ wo, ɛdɛ ɛhaa ne hyep ideng nga ne ɛ kaa so ɛnggyɛ wo ne cwɛɛl ɛbhɛ ɛyisɛ, ɛ yaak ɛbhɛ, “ɛHay ɛbhɛ bok kɛ te ɛ bol ne ɛgɔm nibo na ɛlɛ woo?”

ɛYohana 8:52

niYahodawa ne yaak ɛbhɛ, “ɛLyilyɛghaa ne njwi kɛ ji seng wu ɛphoo gha so ndɔ mo ɛtsak! ɛBaraying nga kaa ku, ninabawa na kaa ne ma kus, iphɛ dee ɛɛ ne bo wu ɛnyi gha ne ɛ kɛ roos ibol mo, wu hang ɛ sɛ ne ku.

ɛYohana 8:59

iBol lɛ ne te nibhɛ ji tang ikpɛɛ tɛ nibhɛ phengɛ ɛbhɛ nɛ, ɛYɛso gha ne ree ye, ɛ byangaret ɛ wuru, ɛ tek iDeng ngge.

ɛYohana 8:13

niFarisawa na ne yaak ɛbhɛ, “iGyɛ ɛ bol ivol ne ito mo. Sɔng ivol mo da ne so itin nɛ nang.”

ɛYohana 7:12

Ndɔ ne idira ninyi de, kaa ne bol ɛYɛso yegha. ɛByin nɛ ne yɔngɔ, “Ɛ so ɛnyi ɛyɛnɛng.” ɛByin nɛ ne yɔngɔ, “iRywɛɛk, ɛɛ luk ninyi.”

ɛLuka 16:14

niFarisawa na nɛ nibhɛ ku so ninaa ne sim ijam be ne phok ivol lɛdaa wo, nibhɛ te ɛYɛso yegha ncoop.

ɛLuka 15:2

niFarisawa na nɛ Ninaa ne Kpɛl ɛShara gha ne yaa wunga ndɔ nibhɛ, nibhɛ bo, “ɛNyi yɛghaa wo kɛ wum ìtsɛm nɛ ninaa ne ɛfɔt, ɛɛ re ire nɛ nibhɛ.”

ɛLuka 5:21

niFarisawa na nɛ Ninaa ne Kpɛl ɛShara gha ne yaa bol ndɔ nibhɛ, nibhɛ bo, “ɛYa ɛnyi ghaa woo ne ɛɛ bol ivol ne bɛɛs ɛTaanggbey yeghaa? ɛTaanggbey zɔng ɛbhɛ so ɛhaa ne hana ɛnyi gha ne ɛfɔt ɛbhɛ wo!”

ɛLuka 2:34

ɛSimiyɔn na ne ji sit nibhɛ ne ɛwɛng, ɛ yaak ɛgyinɛ ɛbhɛ, ɛMɛri yegha, “ɛTaanggbey ya kɛ kasa ɛngɔn neghaa wo te ɛ teye ɛnkiinɛ ne kyibhɛse, ne ɛwoo ne iphɔrɔt nidɛng gbom ndɔ niSɛrɛla na. Ɛ sɛ́ ne teye ɛkɔn ne ɛ le daa ɛlɔ ɛTaanggbey nɛ ninyi sɛ́ mbaray.

ɛMacu 22:15

Kɛ ne so ɛnggyɛ wo, niFarisawa na ne bhɛ bol lenɛ ɛli nɛ nibhɛ yaa ten ɛYɛso yegha daa ne ivol ɛbhɛ.

ɛMacu 21:46

Nibhɛ ne i tɔk ɛli nɛ nibhɛ sɛɛ wum ɛYɛso yegha, nibhɛ ne kyii phok ɛnik ne idira ninyi wo, daa ɛli nɛ ninyi na ku bo wu ɛYɛso gha soye ɛnɛbi.

ɛMacu 21:23

ɛYɛso gha ne lel ndɔ ne ideng ngge, kɛ ne ɛ so ndɔ ne imɛmɛ ninyi na nɛ wo, nindiinday nibo na nɛ ninu nikɔɔn ne igbagha na ne yɛɛs ɛlɔ ɛbhɛ, nibhɛ yaak ɛbhɛ, “Ne ncwincway ɛhay ne ɛ mɔn nɛ nikɔn nɛnaa woo? ɛHay ɛbhɛ kɛ tom mɛɛ?”

ɛMacu 15:2

“iKyee phɛ kɛ te ninɔn ne icwam mo na sang roos ikpii nikyɛɛ-nikyɛɛ mos daa? Sɔng nibhɛ kuus ibɔ nyɛɛn nibhɛ kyi re ire nang!”

ɛMacu 12:24

Ne sɛ niFarisawa na kɛ phok ɛlɛ wo, nibhɛ ne yɔngɔ, “ɛNyi yɛghaa wo tuul niphoo na daa ɛli ne ɛBɛlizɛbul, ne ɛ so ɛgɔm niphoo, ɛbhɛ kɛ nang ɛbhɛ ihwet tɛ.”

ɛMacu 11:19

ɛNgɔn ɛNyi gha kɛ ne yɛɛs, ɛ re ɛ ta i sɔ, ninyi na kɛ ne yaa bo wu ɛ bok idɔ ɛphiri, wu ɛ so ɛtaay ninaa ne saasel ijam ne ivel gbik nɛ ninaa ne ɛfɔt. Gbik ne iphɛ ɛlɛy, i ne seng ntsɛntsɛng ɛTaanggbey de so itin nɛ ɛlɔ ninyi na nɛ nibhɛ bok ko lenɛ ne nitomɛ na nɛ nibhɛ mɔn.”

ɛYohana 9:40

Nidɛng niFarisawa na nɛ nibhɛ kaa sonɛ nibhɛ ɛnggyɛ wo ne phok ɛli ne ɛ kɛ boote ɛlɛ wo, nibhɛ ne phom nibhɛ yɔngɔ, “iKyee lɛɛ, njwi ma so niwil la ne mang ngee?”

ɛYohana 10:20

iDay nibhɛ ne yaa bo, “Ɛ bok ɛphoo! Ɛɛ hoghɛse nisan! iKyee iphɛ kɛ te ɛɛ tenes ɛn ɛbhɛ woo?”

1 ɛBiturus 2:23

Kaa sɛ ninyi na i towos ɛbhɛ wo, sɔng ne ɛ kyii ne ɛkɔn nang. Kaa ne sɛ ɛ sɔ nggbang, sɔng ne ɛ yɔng wu yaa tal nang. Ɛ kaa yang ku sit irwisɛ ɛbhɛ daa ɛTaanggbey ne ɛbhɛ so ɛhaa ne bol ɛshara cik.