iBirani 11:4 - ɛWee ne ìTsɛm iHywas

⁴ Kaa lenɛ ne ìnang ne itin de, ɛHabila gha ne nang ɛTaanggbey ye ɛkɔn ne hap itsanga ne ɛ phyin ɛhaa ɛKɛɛnu. Kaa ne lenɛ ne ìnang ne itin ɛbhɛ de, ɛTaanggbey ya say ɛbhɛ wu ɛ so icik daa ɛli ne ɛTaanggbey ka say ɛkɔn na ne ɛ kɛ nang ngo. ɛHabila gha kaa ku, ìnang ne itin ɛbhɛ kɛ ne te ɛ tɔɔ bol.

iBirani 11:4 ပူးပေါင်းရင်းမြစ်များ

iBirani 12:24

ˆƐ kɛ yɛɛs ɛn ɛlɔ ɛYɛso ne ɛbhɛ ɛ kɛ kyinak ɛceree ninyi ne ɛTaanggbey ndɔ ne ìtsɛm ihywas de ne kɛ rop. ˆƐ kɛ yɛɛs ɛn ɛlɔ neyi ɛYɛso ne kɛ phyimɛ. Neyi nɛ nibhɛ bol ivol ne ifɛ phyin ivaa neyi ɛHabila na.

ɛYahuza 1:11

iPhɛ so nibhɛ ɛkɔn ne ɛnik! Nibhɛ kɛ hyel ihywel ɛKɛɛnu. iRisɛ ne ijam kɛ te nibhɛ mɔn ɛkɔn na ne ɛBalamu kaa mɔn. Nibhɛ bɛɛs nindiinday ɛli ne ɛKɔɔra kaa mɔn, ne bunga nibhɛ gbik te ɛKɔɔra gha.

ɛMacu 23:35

Sɛ ne tɔk neyi ninyi ne cik ɛzay ya ne kɛ phobho wo gbik daa ne ito mon. Sɛ tsa nɛ neyi ɛHabila, ne ɛ kaa so ɛnyi ɛcik, ne hɔn nɛ ninaa ɛZakaraya, ɛngɔn ɛBaraciya, ne ɛ kaa phoo ɛn ɛbhɛ ɛlɔ gha ne ɛ so ɛceree ne iDeng nga ne ɛraa ne hap itsanga nga.

iBirani 9:22

ɛTsak, iMɛmɛ ɛMuusaa da i bo wu nggbinggbing te phyimɛ nikɔn na gbik nɛ neyi i te nibhɛ wɛwɛy, wu hang yaa yɛɛ ne hana ne ɛfɔt tang kɛ lok neyi.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

ɛLuka 11:51

Sɛ lenɛ neyi ɛHabila bhɛ hɔn nɛ ninaa ɛZakaraya, ne kaa phoo ɛceree ɛraa ne hap itsanga ne ɛlɔ ne kɛ Tul Kang ne iDeng ngge. Ɛɛy! Nzi tɔng nyini, ninaa ne izam mɛnaa wo sɛ ne ma sɔ nggbang ngɛ.”

ɛTitus 1:16

Nibhɛ bo wu nibhɛ i yɛɛ ɛTaanggbey ye, ɛtomɛ nibhɛ gha i ne kyi ton iyɛɛ ɛTaanggbey yeda. Nibhɛ soye ɛkɔn ne ishis, nisang-phok, sɔng nibhɛ kɛ ma yung jam mɛ nibhɛ sɛɛ mɔn ɛkɔn ɛyɛnɛng nga nang.

iBirani 5:1

I kasa ɛgbaang ɛgɔm nibo gha ndɔ n ninyi te ɛ mɔn ɛTaanggbey ye ɛtomɛ ɛlɔ ɛbyin ninyi na. Ɛbhɛ ne ɛ so ɛhaa ne ɛ naas ɛTaanggbey ye nikɔn na nɛ ninyi na i yɛɛset nɛ wo, ɛ ta i hap itsanga ne han ɛfɔt.

iBirani 11:2

Kaa lenɛ ne ìnang ne itin de ninaa ne ile na sɛ idɛp ɛTaanggbey.

2 ɛBiturus 2:8

ɛNyi ɛcik kɛghaa nggyɛ wo kaa i shɛɛ ndɔ nibhɛ, irway ɛbhɛ ne i shɛɛ righitik gbom daa ɛli ne ɛ kaa i tenes ɛ ta i wɛɛ ihywee ne ibebhe nibhɛ de izenge ne ihwɛlɛ.