iBirani 11:3 - ɛWee ne ìTsɛm iHywas

³ I lenɛ ne ìnang ne itin de, njwɛɛn seng wu ɛTaanggbey ya kɛ ryɔng ɛzay ya nɛ nikɔn na gbik lenɛ ne ibol ɛbhɛ. ɛKɔn na ne i yaang ngo, kɛ ryɔng ɛbhɛ ne ɛkɔn ne i sang yaang.

iBirani 11:3 ပူးပေါင်းရင်းမြစ်များ

2 ɛBiturus 3:5

Ninaa ne bol ɛlɛ wo i yɛɛ nibhɛ mbaray wu ɛTaanggbey ya kaa ryɔng ɛzay ya ne ile de lenɛ ne ibol ɛTaanggbey. Kaa tul ivel ɛzay da ndɔ inɛn, ifɛ ne so ɛceree inɛn da.

ɛYohana 1:3

Kaa lenɛ ne ɛbhɛ ɛTaanggbey ya ne ryɔng nikɔn na gbik; sɔng ɛdɛ ɛkɔn na sonɛ ne kaa ryɔng sang lenɛ ne ɛbhɛ wo nang.

iRooma 4:17

Kɛ haa i bo, “Nggɛ yɛk kɛ nɛ ɛ teyɛ ɛkyɛɛ ne igbagha ɛzay yo gbom.” ɛBaraying nga so ɛkyɛɛ njwɛɛn ɛnu ɛyisɛ ɛTaanggbey ya. ɛTaanggbey ya ne ɛBaraying nga kɛ nang ne itin nɛ ne ɛbhɛ wo, ɛTaanggbey ya ne ɛ nang ninyi na nibhɛ kɛ kus so iken de, ɛ ta yɛk ne ɛkɔn na ne ɛ kɛ sang ku sonɛ wo ɛ te wo.

ɛTomɛ 17:24

“ɛTaanggbey ya ne ɛ kɛ ryɔng ɛzay ya nɛ nikɔn na nɛ nibhɛ sonɛ wo, ɛbhɛ so ɛDaray ɛzay ya ne ɛdaa ne irywa wo gbik. Sɔng ɛ ne shɛɛ ndɔ ne idweng nɛ niten nisii kɛ ryɔng nang.

Nikɔn ne kɛ Phaal 4:11

“ɛDaray ɛTaanggbey mos, ˆɛ kɛ hɔn ɛ sɛ say ndiinday, ne igbom, ne ito. Daa ɛli ne ˆɛ kɛ ryɔng nikɔn na gbik, kɛ lenɛ ne sim mo i ryɔng nibhɛ, nibhɛ sonɛ, nibhɛ so niken.”

iBirani 1:2

ɛLyilyɛghaa, ndɔ nituk ɛtsim mɛnaa wo, ɛTaanggbey ya i ne bol ne njwɛɛn lenɛ ne ɛNgɔn ɛbhɛ ne kɛ lenɛ ne ɛbhɛ i ryɔng ɛzay ya. Ɛbhɛ ne ɛTaanggbey ya kɛ ta kasa ɛbhɛ ɛ tek ɛbhɛ nɛ nikɔn na gbik.

ɛTomɛ 14:15

“Ninyi ne iLisitira! iKyee iphɛ kɛ te ɛɛ mɔn ɛn ɛkɔn neghaa woo? Njwi ma so niten nisii tɛ nyinɛn. Njwi kɛ yɛɛs nyini ne ibol iyɛnɛng, njwii bok nyini te ɛ hyere ɛn nyini ɛ tek ɛn nikɔn nibuu yɛnaa nggyɛ wo, ɛ yaa re ɛn ɛTaanggbey ne iken ne ntsong ne ɛbhɛ kɛ ryɔng ɛdaa ne irywa ne ndɔ ɛzay, nɛ nirenes gbik nɛ nikɔn na nɛ nibhɛ sonɛ ndɔ yɛ.

1 iKɔrɔntos 2:7

Ntsɛntsɛng ngge ne nzi bol lɛ wo so ntsɛntsɛng igying ɛTaanggbey ne ɛ kɛ rɛɛ ɛten ɛsii nɛ, ntsɛntsɛng ngge ne ɛ kaa ku ryɔng ɛli ne kɛ tang ryɔng ɛzay ya te ihywɛ te i nang njwɛɛn ne ndiinday.

1 ɛTimɔti 4:5

Daa ɛli ne i te ire de teye ɛkɔn ne say lenɛ ne ibɔrɔk ne ibol ɛTaanggbey ne kɛ boote ne ɛTaanggbey.

iBirani 6:5

Ninaa nɛ nibhɛ kɛ ne ta phɔwɔ ɛnggɔnggɔɔt ne ibol ɛTaanggbey yo, gbik ne ihwet nten da ne ɛTaanggbey ya bok ne ihwet da,