iBirani 1:9 - ɛWee ne ìTsɛm iHywas

⁹ Ɛɛ sim icik ne ɛ mbaray yɛ ibebhe! iPhɛ iphɛ kɛ te ɛTaanggbey ya, ne ɛ so ɛTaanggbey mo gha, kɛ tul lɛ kang, ɛ sit tɛ ne nɔɔy ne irway ihwala. Ɛ nang ngɛ ne ndiinday ne iphɛ phyin idee nitɛɛrɛk mo.”

iBirani 1:9 ပူးပေါင်းရင်းမြစ်များ

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

ɛLuka 4:18

“iKabyik ɛDaray de so daa mee, daa ɛli ne ɛbhɛ kɛ kasa me, te n tɔng nihala ninyi ibol iyɛnɛng ngge. Ɛ kɛ ne tom me te n yaak ninyi na ne kɛ robhos so, wu yaa biisi nibhɛ. Wu yaa ne phaasel niwil la irwisɛ. Te n phyik ninyi na ne i kɛ nggbɛɛt to.

1 ɛYohana 1:3

Njwii tɔng nyini ibol ɛkɔn de ne njwi kɛ yaang, njwi ta phok, te ɛ ma byinki ɛn ìtsɛm be ne njwit. ìTsɛm mos de ne so ne ɛTaa gha gbik ne ɛNgɔn ɛbhɛ ɛYɛso ɛKiriti.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

iBirani 7:26

ɛYɛso gha ɛbhɛ ne ɛ soye ihywee ne ɛGbaang ɛGɔm Nibo gha ne njwɛɛn i sim. iHywee de ne aa nang njwɛɛn nikɔn na nɛ nibhɛ yaa hɔn njwɛɛn. Ɛ ku so kang, wɛlɛng ɛfɔt, ne ɛkɔn ne tok, kɛ tul ɛbhɛ ndɔ ninaa ne ɛfɔt ta, kɛ nang ɛbhɛ ne ndiinday i phyin irywa gbik.

iFilibi 2:9

iPhɛ ɛlɛy ɛTaanggbey ya ne nang ɛbhɛ ndiinday ne phɛ phyin gbik, ɛ ta nang ɛbhɛ ne irywɛɛk ko ne ifɛ phyin irɛɛk ge gbik.

iFisus 1:3

Te dɛp ɛTaanggbey ye ne ɛ soye ɛKyɛɛ ɛDaray njwɛɛn ɛYɛso ɛKiriti. Te dɛp ɛbhɛ wo daa ɛli ne ɛ kɛ nang njwɛɛn gbik Niwɛng ne iKabyik nɛ nibhɛ so ne igbɔm ɛzay ɛdaa ne irywa lenɛ ne ɛYɛso ɛKiriti gha.

1 iKɔrɔntos 1:9

ɛTaanggbey ya so ɛhaa ne sɛ kyinak daa ne ibol ɛbhɛ, ɛ kɛ yel-le nyini te ɛ rop ɛn ìtsɛm ne ɛNgɔn ɛbhɛ ɛDaray njwɛɛn ɛYɛso ɛKiriti.

ɛYohana 20:17

ɛYɛso gha ne yɔngɔ, “Sɔng ɛ wum me nang, daa ɛli ne nggyi tɔ tang kyii mbɛ daa ɛlɔ ɛkyɛɛ gha. Yang cwi ɛlɔ nigwaa nge na ɛbhɛ mɔng nibhɛ ɛ yaak nibhɛ, ɛYɛso gha bo, ‘Naa kyii daa ɛlɔ ɛKyɛɛ ngɛ gha ne ɛ ma so ɛKyɛɛ mon na, ɛlɔ ɛTaanggbey nge gha ne ɛ ma so ɛTaanggbey mon na.’ ”

ɛYohana 1:41

ɛNdarawus sa ne bhɛ sɛ ɛgwaa ɛbhɛ ɛSimɔn ne ɛ yaak ɛbhɛ, “Njwi kɛ ji sɛ ɛKiriti yegha,” ne i ta bok ɛbhɛ, “ɛMɛsaya gha.”

Nikɔn ne kɛ Phaal 2:15

ɛLɛy dɔng, ne ɛ ta bok nidɛng ninyi na nɛ nibhɛ roos imɛmɛ ninyi ne iNikɔla ndɔ mon no.

2 iKɔrɔntos 11:31

ɛTaanggbey i yɛɛ sɔng irywɛɛk ne nzi tɔng nang. ɛTaanggbey ya ne ɛbhɛ so ɛKyɛɛ ɛDaray ɛYɛso ɛKiriti gha. Te ne dɛp irywɛɛk ɛbhɛ cɛcɛɛy.

iRooma 12:9

Te ishwim mon da teye ivaa ne itin nɛ. Mbaray ɛn nyini ɛkɔn na ne ɛ so ɛbebhe te ɛ wum ɛn ɛkɔn na ne ɛ kɛ jam gɛgɛy.

ɛTomɛ 10:38

Ɛ yɛɛ ɛn ɛli ne ɛTaanggbey ya kaa sit ɛYɛso ne iNazarat tegha ne iKabyik ɛTaanggbey ne ihwet da. ɛYɛso gha kaa ne roos nilɔ na gbik ɛɛ mɔn nikɔn niyɛnɛng ɛ ta tes ninaa ne ɛShɛtan na kaa bok ito de daa nibhɛ wo niken, daa ɛli ne ɛTaanggbey kaa so ne ɛbhɛ.

ɛTomɛ 4:27

Ɛtsak, ɛHyiridus sa ne ɛBuntus ɛBilatus sa kaa byinkit nɛ ninyi na ne hame nibhɛ so niYahodawa na, nɛ niSɛrɛla na ndɔ ɛgarang ngɛghaa wo. Nibhɛ yɛk iphup ne ɛKpuru mo ɛYɛso gha ne ɛ so kang ngo, ɛhaa ne ɛ kɛ sit ɛbhɛ ne nɔɔy da.

ɛYohana 3:34

ɛNyi gha ne ɛTaanggbey ya kɛ tom mo nang, ɛ ne bol ivol ɛTaanggbey daa ɛli ne ɛTaanggbey ya kɛ nang ɛbhɛ iKabyik wɛlɛng ɛgak.

iBirani 2:11

ɛYɛso gha ne ɛbhɛ ɛ so ɛhaa ne te ninyi na wɛwɛy, ɛbhɛ wo nɛ ninyi na ne ɛ kɛ te nibhɛ wɛwɛy yo soye ninɔn ɛkyɛɛ ɛdaan. iPhɛ phɛ kɛ te sɔng ɛYɛso gha ne bok ncwa ne yaak nibhɛ nigwaa ne nang.

ɛYohana 10:17

ɛKyɛɛ gha sim me wo daa ɛli ne nzi naas iken nge, nzɛ ne kyii ta bo iphɛ dɔng.

ɛTomɛ 4:26

Nigɔm ɛzay ya kɛ ku ryɔng en ɛli nɛ nibhɛ aa ta itsom. Nindiinday nibhɛ na kɛ ne byinki ito nibhɛ bok iphup ne ɛDaray ya gbik ne ɛKiriti gha.’ ”

iBirani 2:9

Njwi yang yaang ɛYɛso yegha ne kaa yɛk ngɛ igbɔm ɛbhɛ taasek ivaa nimalɛka da. ɛLyilyɛghaa wo, kɛ ne nang ɛbhɛ ne ndiinday ne igbom, daa ɛli ne ɛ kɛ sɔ nggbang ne iku. Ɛ kaa mɔn ɛlɛ wo te lenɛ ne izɛɛng ɛTaanggbey de ɛ ku ɛlɔ ninyi na gbik.