iBirani 1:2 - ɛWee ne ìTsɛm iHywas

² ɛLyilyɛghaa, ndɔ nituk ɛtsim mɛnaa wo, ɛTaanggbey ya i ne bol ne njwɛɛn lenɛ ne ɛNgɔn ɛbhɛ ne kɛ lenɛ ne ɛbhɛ i ryɔng ɛzay ya. Ɛbhɛ ne ɛTaanggbey ya kɛ ta kasa ɛbhɛ ɛ tek ɛbhɛ nɛ nikɔn na gbik.

iBirani 1:2 ပူးပေါင်းရင်းမြစ်များ

1 iKɔrɔntos 8:6

gbik ne iphɛ ɛlɛy, ɛlɔ njwɛɛn na, ɛTaanggbey ya ne so ɛdaan. Ɛbhɛ ɛ so, ɛTaa gha ne ɛ kɛ ryɔng nikɔn na gbik, ɛhaa ne ishwɛɛ njwɛɛn da lenɛ ne ɛbhɛ, ɛDaray ya ta so ɛdaan, ɛbhɛ ɛ so ɛYɛso ɛKiriti gha ne kɛ lenɛ ne ɛbhɛ i ryɔng nikɔn na gbik, i ta lenɛ ne ɛbhɛ njwɛɛn sonɛ wo.

ɛYohana 1:3

Kaa lenɛ ne ɛbhɛ ɛTaanggbey ya ne ryɔng nikɔn na gbik; sɔng ɛdɛ ɛkɔn na sonɛ ne kaa ryɔng sang lenɛ ne ɛbhɛ wo nang.

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

1 ɛBiturus 1:20

Ɛbhɛ ne ɛTaanggbey ya kaa ku kasa ɛli ne tang ryɔng ɛzay ya, kɛ ne ma ji phaal ɛbhɛ nten ɛtsim mɛdee wo daa ne ibol mon.

ɛMacu 28:18

ɛYɛso gha ne yɛɛs cɛcɛk, ne ɛ yaak nibhɛ, “Kɛ nang me igbɔm ɛdaa ne irywa da ne ivaa ndɔ ɛzay ya gbik.

ɛYohana 13:3

ɛYɛso gha kaa ne ku i yɛɛ ɛli ne ɛKyɛɛ gha kɛ nang ɛbhɛ igbɔm daa nikɔn na gbik, ɛ ta i yɛɛ ɛli ne ɛ le daa ɛlɔ ɛTaanggbey ya, aa ne ta kyii daa ɛlɔ ɛbhɛ gha;

ɛMacu 17:5

Kɛ ne sɛ ɛBiturus sa tɔ ndɔ ivol da, inɔp hala ne shii cwaal nibhɛ, izɔlɔs ne ji boote ndɔ ne inɔp be ihywɛ yɔngɔ, “Ɛngɔn nge gha wo, ɛbhɛ ne nzi ne sim, phok ɛbhɛ ɛn ɛbhɛ de.”

iBirani 11:3

I lenɛ ne ìnang ne itin de, njwɛɛn seng wu ɛTaanggbey ya kɛ ryɔng ɛzay ya nɛ nikɔn na gbik lenɛ ne ibol ɛbhɛ. ɛKɔn na ne i yaang ngo, kɛ ryɔng ɛbhɛ ne ɛkɔn ne i sang yaang.

iRooma 8:17

ɛLyilyɛghaa wo, wu njwɛɛn ne soye ninɔn ɛTaanggbey ya, njwɛɛn sɛ ne ma sɛ Niwɛng nga ne ɛ sɛ nang ninyi ɛbhɛ na, njwɛɛn sɛ ne ma ta sɛ Niwɛng nga ne ɛTaanggbey ya kɛ tek ɛKiriti yegha nɛ wo. Wu njwɛɛn kɛ sɔ nggbang ngga gbik ne ɛKiriti gha, sɛ ne ma ta bak njwɛɛn ndiinday ɛbhɛ de.

ɛYohana 3:16

“Daa ɛli ne ɛTaanggbey ya kɛ sim ɛzay ya gbom mo nang, ɛ kɛ ne nang ɛNgɔn ɛDaan ɛbhɛ te gbik ɛnyi gha ne ɛ kɛ nang ne itin nɛ ne ɛbhɛ wo nang, sɔng aa ne ku nang, aa yang sɛ iken ne inat.

ɛMacu 26:63

ɛYɛso gha ne i shɛɛ nggbyak. ɛGɔm nibo gha ne yaak ɛbhɛ, “Nzi bol ne igyɛ ndɔ ne irywɛɛk ɛTaanggbey, mɔng njwii, igyɛ so ɛKiriti ghaa, ne ɛ soye ɛNgɔn ɛTaanggbey yaa?”

ɛMacu 21:38

“Kɛ ne sɛ ninaa ne wɛɛ ihwap pa kɛ yang ɛngɔn ɛbhɛ gha, nibhɛ ne boote ndɔ nibhɛ, nibhɛ yɔngɔ, ‘ɛNgɔn ɛbhɛ ghaa wo ne ɛ sɛ re isha yɛdee wo, yɛɛs ɛn te njwɛɛn phoo ɛbhɛ, te isha yɛ teye izee njwɛɛn.’

iBirani 5:8

Gbik ɛli ne ɛYɛso gha kaa soye ɛNgɔn ɛTaanggbey ya, ɛ kaa ne mɛmɛ ne roos ne ibol ɛTaanggbey lenɛ ne nggbang ngga ne ɛ kaa sɔ wo.

iFisus 1:10

iCwas ɛbhɛ da so ɛlɛ, sɛ́ sɛ nten nɛ kɛ shwaak ghe, ɛ sɛ ne byingis nikɔn na gbik ndɔ ne igbɔm ɛKiriti ba, kaabi nikɔn ɛdaa ne irywa na nɛ ninaa ndɔ ɛzay ya gbik.

iBirani 7:3

Sɔng ɛMakyisɛdɛk ka bok ɛkyɛɛ nang, sɔng ne ɛ bok ɛgyinɛ nang, sɔng ne ɛ bok icwaang nang. Sɔng ishwɛɛ ɛbhɛ da kaa ne bok ɛtum ne ɛgak nang. Ɛ kaa ku so te ɛNgɔn ɛTaanggbey, ɛ soye ɛbo ne inat.

iBirani 2:3

Wu iphɛ ne so ɛlɛ wo, njwɛɛn yaa mɔn ɛlii i phɔrɔt to wu njwɛɛn kɛ mbaray ibol ne igbaang ne iphɔrɔt da, ne ɛDaray ya ne ito ɛbhɛ de ɛbhɛ kɛ tsa ɛ tɔng ngoo? Ninyi na nɛ nibhɛ kaa ne phok ibol lɛdee wo kɛ mɔng kɛ ne tɔɔl njwɛɛn wu iphɛ so itin nɛ.

iBirani 1:5

Daa ɛli ne hame ɛTaanggbey ya kɛ ku yaak ɛdɛ ɛmalɛka gha, “Ɛ soyɛ ɛngɔn nge, izenge wo nggɛ te me ɛkyɛɛ mo.” Sɔng ɛ kɛ ku boote daa ɛdɛng, ɛ yɔngɔ, “Naa te me ɛkyɛɛ ɛbhɛ, ˆaa ne teye ɛngɔn nge” mang.

iFisus 3:9

Te n da phaal ninyi na nɛ gbik icwas ne ibol igying ɛTaanggbey de, idee ne iphɛ ku so igying izam-izam be. iBol igying ɛTaanggbey de ne ɛbhɛ ɛ kɛ ryɔng nikɔn na gbik ko.

iGalatiya 4:4

Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.

ɛTomɛ 10:36

Ɛ yɛɛ ɛn ibol de ne ɛ kaa tom niSɛrɛla na nɛ wo, iphɛ phɛ so ibol iyɛnɛng ne irway ne laal da ne ɛYɛso ɛKiriti gha kaa yɛɛs nɛ wo. ɛYɛso ɛKiriti gha ɛbhɛ ne ɛ so ɛDaray ninyi na gbik.

ɛYohana 15:15

Sɔng naa yeres nyini nikpuru na nang, daa ɛli ne sɔng ɛkpuru i seng ɛduk ɛhaa ne ijwee ɛbhɛ gha nang. Naa yaa yeres nyini nitaay nge daa ɛli ne nggɛ tɔng nyini nikɔn na ne nggɛ phok ɛlɔ ɛKyɛɛ nge gha gbik.

ɛYahuza 1:18

Nibhɛ kaa yaak nyini, “Sɛ́ sɛ nten ɛtsim be kɛ tuu, nidɛng ninaa ne bɛɛs sa sɛ ne wuru nɛ, nibhɛ sɛ roos ihyop ne ibek nibhɛ nɛ ne hame ihywɛ so izee ne roos ɛTaanggbey ye.”

iRooma 1:4

Ndɔ ne ibol de ne ɛ le ɛlɔ ɛTaanggbey ya ne idee ne iwɛwɛy ɛbhɛ de nang, kaa ne tɔɔrek ɛli ne ɛ so ɛngɔn ɛTaanggbey ya nten de ne kaa yiisik ɛbhɛ tsik ndɔ ne ikpuu da lenɛ ne ihwet ne iKabyik ɛTaanggbey de. Ɛbhɛ ne ɛ so ɛYɛso ɛKiriti ɛDaray njwɛɛn.

ɛTomɛ 2:17

‘Sɛ́ ne sɛ nituk ne taal ɛzay ya kɛ tuu, nzɛ ne sit iKabyik nge daa ninyi na gbik. Ninɔn mon na, niras sɛ nɛ nikuk kɛ sɛ ne tɔng ibol ɛTaanggbey. Ninɔn niphas mon na sɛ ne yaang iyuwa, nibok se ne re ninu nikɔɔn mon na.

ɛYohana 17:2

Daa ɛli ne ɛ kɛ nang ɛbhɛ igbɔm daa ninyi na gbik, te ne ɛ nang gbik ninyi na ne ɛ kɛ nang ɛbhɛ wo iken ne inat.

ɛYohana 16:15

Gbik ɛkɔn na ne ɛ so ɛhaa ɛkyɛɛ gha ɛ so ɛhaa nge, iphɛ phɛ kɛ te nzi bo wu iKabyik ge sɛ bo ɛkɔn na ne ɛ so ɛhaa nge gha iphɛ tɔng nyini wo.”

ɛMarakus 12:6

ɛNyi yɛghaa nggyɛ wo kaa ne ji mak ne ɛnyi ɛdaan zɔng ne yaa tom ɛbhɛ wo. Ɛ kaa ne so ɛngɔn ɛbhɛ ne ɛ sim. ɛNyi gha ne ji bo ɛngɔn ɛbhɛ gha ɛ tom ɛbhɛ ɛlɔ ninaa ne wɛɛ ɛbhɛ ihwap ba, ɛɛ tas ɛ bo, “Nibhɛ yaa bhɛ nang ɛngɔn nge gha ne ndiinday.”

ɛMarakus 1:1

iBol iYɛnɛng ngɛdee wo so idee ɛYɛso ɛKiriti ne ɛ soye ɛNgɔn ɛTaanggbey.

2 ɛBiturus 3:3

Tsa ˆɛ seng ɛn iphɛ ɛlɛ, sɛ́ sɛ nten ɛtsim be, nidɛng ninyi na nɛ nibhɛ so ninaa ne bɛɛs sɛ ne wuru nɛ nibhɛ so ninaa ne roos ihyop igywebhe ne ibek zɔng.

iBirani 1:8

Daa ɛNgɔn na nang, ɛ kɛ ne yɔngɔ, “iGyɛ ne ɛTaanggbey yo, igbɔm mo da so ivaa ne inat! ɛNtsɛng ne igbɔm mo da, ne ku so icik.

iBirani 9:26

Sɛɛ yɔng ɛlɛy yo, ɛYɛso gha saa ne i ku ɛ kyi ta mɔɔng ɛ ku ne ile ne tum ɛzay de. ɛYɛso gha kaa yang tɔɔrek ito ɛbhɛ ɛdaan zɔng nten de ne ɛtuk ɛshara gha yungaa shwaak ghe, te ɛ ba ɛfɔt to lenɛ ne ɛ kɛ nang ito ɛbhɛ de.

ɛYohana 3:25

ɛByin ninɔn ne icwam ɛYohana gha kaa ne yaa dat ishamas ne ɛdɛ ɛnyi niYahodawa na, daa ne ibol ne kuus nikɔn ɛli ne ikpii da bol lo

ɛMacu 3:17

iZɔlɔs ne le dak ne irywa wo ihywɛ yɔngɔ, “ɛNgɔn nge gha wo ne nzi sim; n bok irway ihwala ne ɛbhɛ gbom.”

ɛMacu 13:39

ɛHaa ne iphup pa ne ɛ kɛɛ sanga idik ge, ɛbhɛ so ɛShɛtan na, nten ne pha de iphɛ phɛ ne so nten ne taal ɛzay de, ninaa ne pha na nibhɛ ne ji so nimalɛka ɛTaanggbey.

ɛMarakus 12:7

Ninaa ne wɛɛ ihwap ba ne ji yɔng, “Yɔɔ! Ji so ɛhaa ne ɛ sɛ re iryat ɛnyi yɛdee wo ɛbhɛ yaaso. Njwɛɛn te phoo ɛbhɛ te isha yɛdee wo ku teye izee njwɛɛn.”

ɛYohana 1:10

iBol de kaa ne so ndɔ ɛzay ya; kaa ryɔng ɛzay ya lenɛ ne ɛbhɛ, gbik ne iphɛ ɛlɛy sɔng ɛzay ya ne jung seng ɛbhɛ nang.

ɛYohana 5:26

ɛLi ne ɛKyɛɛ gha bok ito ne nang iken de ndɔ ɛbhɛ wo, ɛ kɛ ne ma nang ɛNgɔn na ito ne nang iken de ndɔ ɛbhɛ ne mang.

ɛYohana 5:27

Ɛ kɛ ne ta nang ɛbhɛ igbɔm ne bol ɛshara dɔng daa ɛli ne ɛbhɛ soye ɛNgɔn ɛNyi gha.

ɛYohana 9:29

Njwii yɛɛ, ɛTaanggbey ya kaa bol ne ɛMuusaa, ɛnyi yeghaa nggyɛ wo nang, sɔng njwii ma yung yɛɛ ɛlɔ gha ne ɛ le nang.”

1 iKɔrɔntos 2:7

Ntsɛntsɛng ngge ne nzi bol lɛ wo so ntsɛntsɛng igying ɛTaanggbey ne ɛ kɛ rɛɛ ɛten ɛsii nɛ, ntsɛntsɛng ngge ne ɛ kaa ku ryɔng ɛli ne kɛ tang ryɔng ɛzay ya te ihywɛ te i nang njwɛɛn ne ndiinday.

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

iBirani 4:14

iPhɛ ɛlɛy, nɛ njwɛɛn kyinak gɛgɛy daa ìnang ne itin ne njwɛɛn de ne njwɛɛn tɔng ngo. Te njwɛɛn mɔn ɛlɛ wo daa ɛli ne njwɛɛn bok ɛgbaang ɛgɔm nibo wo ne ɛ kɛ phɛ daa ne irywa wo, ɛnu ɛyisɛ ɛTaanggbey ya, ɛbhɛ so ɛYɛso ne ɛ so ɛNgɔn ɛTaanggbey.

iBirani 7:28

Ndɔ ne iMɛmɛ ɛMuusaa da, kaa i kasa ɛgbaang ɛgɔm nibo gha ndɔ niten nisii gbik ne itaasek ɛbhɛ. Kaa ne sɛ́ ɛtsim mɛ ne kɛ nang iMɛmɛ ɛMuusaa da, ɛTaanggbey ya ne kasa ɛNgɔn ɛbhɛ gha ne lɛlɛm ihywa, i te ɛNgɔn ɛbhɛ gha hyɔrɔ, ɛGbaang ɛGɔm Nibo ne inat ta.

ɛYohana 13:32

Yaa sɛ kɛ tɔɔl ito-ndiinday ɛTaanggbey de lenɛ ne ɛngɔn na nang, ɛTaanggbey ya yaa ne ma tɔɔl ito-ndiinday ɛbhɛ daa ɛNgɔn na, aa ne mɔn ɛlɛy dodooy.”