ɛYakub 5:7 - ɛWee ne ìTsɛm iHywas

⁷ iPhɛ ɛlɛy nigwaa en, bo ɛn ɛbɔk te ˆɛ hyep ɛn nten ne yɛɛs ɛDaray de. Yaang ɛn ɛli ne ɛhaa ne ihwap pa i bo ɛbɔk ka ɛ hyep ire de ne iphɛ kɛ jam iphɛ shɛs so ne ihwap ba. Ɛ bo ɛbɔk ɛ hyep inɛn ne kang ne ihwap ne mbaa ɛlɔ ne iphɛl.

ɛYakub 5:7 ပူးပေါင်းရင်းမြစ်များ

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

ɛMacu 24:27

ɛTuk ne yɛɛs ɛNgɔn ɛNyi gha so te irywa ne te derep ne ifɛ te derep ifɛ tolte ɛzay gbik, ifɛ le daa ne iwap ɛdak ifɛ bhɛ hɔn iwap ɛkɔrɔk.

ɛMacu 24:44

iPhɛ ɛlɛy, iphɛ ne so nggbinggbing ɛ ryɔng ɛn nyini daa ɛli ne ɛNgɔn ɛNyi gha sɛ yɛɛs nten de ne hame ɛ yɛɛn ɛn.

ɛLuka 18:8

Nzi tɔng nyini, aa nang nyini ɛbhɛ na nikɔn nɛ nibhɛ so ninaa nibhɛ na dodooy. Sɛ́ ne sɛ ɛNgɔn ɛNyi gha kɛ bhɛ kyii, ɛ sɛ ne sɛ ɛhaa ne ìnang ne itin ndɔ ɛzay ya bɛ?”

ɛLuka 21:27

Nten nɛdee nggyɛ wo ne sɛ ne ji yaang ɛNgɔn ɛNyi gha yaaso ndɔ ne inɔp, ne igbɔm gbik ne ito-ndiinday gbom.

ɛLuka 8:15

iHywee de ne ihywɛ kɛ ne ho ne ivel nyɛnɛng ngga ne ji so tɛ ninyi nɛ nibhɛ kɛ phok ibol de, nibhɛ say iphɛ, nibhɛ boos iphɛ yɛnɛng ne irway ilyaak, nibhɛ kyinak ngɛ nting, nibhɛ phyii yɛk ibɔrɔk.”

ɛYohana 21:22

ɛYɛso gha ne kyii nɛ ɛ yɔngɔ, “Nzɛ kyi yɔng nzi sim aa shɛɛ ɛken n phyii bhɛ kyii, inɛn moo? iGyɛ wo, roos me!”

ɛYohana 21:23

iBol lɛdee wo ne te i ku yaa raat ne ikpaa yɛ ndɔ ninaa ne roos sa wu hang ɛngɔn ne icwam mɛghaa nggyɛ sɛ ku. Sɔng ɛYɛso gha kaa yɔng wu hang ɛ sɛ ku nang. Ɛ kaa yɔngɔ, “Nzɛ yɔng nzi sim aa shɛɛ ɛken n phyii bhɛ kyii, inɛn moo?”

iRooma 15:4

Gbik nikɔn na ne kɛ haa ndɔ ne ɛWee ne iBol ɛTaanggbey yo kɛ haa te mɛmɛ njwɛɛn nɛ te njwɛɛn sit irwisɛ daa ɛli ne ɛWee ne iBol ɛTaanggbey yo kɛ nang njwɛɛn ɛbɔk, ɛbhɛ ne ta tes njwɛɛn itsɔngɔl gɛgɛy.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

1 iKɔrɔntos 1:7

iPhɛ ɛlɛy, sɔng ɛ kɛ ne wɔs ɛn ɛdɛ ɛwɛng ne ikabyik ka ɛli ne ɛ kɛ sit ɛn irwisɛ ɛ hyep ɛn ibhɛ kyii ɛDaray njwɛɛn ɛYɛso ɛKiriti yegha nang.

iGalatiya 5:5

Njwit to ne njwi shɛɛ ishwɛɛ ne iKabyik ga, njwi kɛ yɛk ne irway sɛ lenɛ ne ìnang ne itin ndɔ ɛKiriti gha; ɛTaanggbey ya say njwii wu njwi so cik ɛli ne ɛ kaa ku sim-mɛ wo.

iGalatiya 6:9

Sɔng njwɛɛn te kpos ne mɔn nikɔn ne yɛnɛng nga nang, daa ɛli ne nten nɛ yaaso ne njwɛɛn sɛ bhɛ pha nikɔn na ne njwɛɛn kɛ tubhus so, wu njwɛɛn kɛ sang te kpos kɔp.

iKɔlɔsi 1:11

Te ɛTaanggbey te nyini itsɔngɔl gɛgɛy ne ihwet da ne ifɛ le ne ndiinday ɛbhɛ, ɛli ne ˆaa yɛɛ ɛn ne rop ɛn iku, ˆɛ bo ɛn ɛbɔk ndɔ ne irway ihwala daa ne nikɔn na nɛ nibhɛ i tes so.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

1 iTasɔlɔnika 2:19

iKyee iphɛ ne so ɛkɔn ne sit irwisɛ mos, ne irway ihwala mos, ne ɛkɔn ne ito ne igbɔm mos, ne ɛkɔn ne hal ɛgyɛy mos ɛnu ɛyisɛ ɛDaray njwɛɛn ɛYɛso gha ɛtuk ne yɛɛs ɛbhɛ gha kang ne nyinɛn noo?

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

iBirani 6:15

ɛBaraying nga ne bo ɛbɔk ɛ hyep, ne ɛ say ɛkɔn na ne ɛTaanggbey ya kɛ ku sim-mɛ wo.

ɛYakub 4:11

Nigwaa en, sɔng ˆɛ bol ɛn ivol ne bees daa nigwaa nɛ nibhɛ so ninaa ne roos nang. Gbik ɛnyi gha ne ɛ kɛ bol ivol ne bees daa ɛgwaa ɛbhɛ gha, hang ɛ kɛ hyɛ ɛbhɛ ɛshara gha yɔɔ, ɛ kɛ ne bol ivol ne bees daa ne iMɛmɛ ɛMuusaa da, ɛ ta hyɛ imɛmɛ yɛ ɛshara. Wu ˆɛ kɛ ne bol ivol ne bees iMɛmɛ ɛMuusaa da, sɔng ˆɛ kɛ ne roos imɛmɛ yɛ nang, ˆɛ kɛ yang hyɛ imɛmɛ da ɛshara.

ɛYakub 5:10

Nigwaa en, taate ɛn nɛ ninabawa na nɛ nibhɛ kaa boote ndɔ ne irywɛɛk ɛDaray yo. Roos ɛn ngkɔɔl nibhɛ daa ne rop iku nibhɛ de ndɔ ne nggbang ngga.

ɛYakub 5:3

iZinariya mon de ne ɛzurufa mon no kɛ sa. iSa yɛ phɛ sɛ ne nang ishɛɛda daa ne ito mon, iphɛ re ibek mon de te igboo. ˆƐ kɛ tumɛ ɛn itso mon iryat ndɔ nituk ɛtsim mɛnaa wo.

2 ɛBiturus 3:4

Nibhɛ yɔngɔ, “Nzo ɛYɛso gha kaa yaak nyini wu sɛ bhɛ kyii nang? Ne ɛ so ɛbii? niKyɛɛ-niKyɛɛ njwɛɛn na kaa ku kus ne ile, nikɔn na ku tɔ ɛli ne nɛ nibhɛ kaa ku so ne ile ne tum ɛzay de, sɔng ɛkɔn kɛ hyereey nang.”