20 Ne ˆɛ seng ɛn ɛbɛ, gbik ɛnyi gha ne ɛ kɛ ban ɛhaa ne ɛfɔt ta ɛ kyii ne ɛbhɛ ne ɛnkiinɛ wo, aa ne phɔt iken ɛhaa ne ɛfɔt tɛghaa nggyɛ wo ɛlɔ ne iku, ɛ ta te i han ɛbhɛ ne ɛfɔt da gbom.
“Nzi tɔng nyini itin nɛ, gbik ɛnyi gha ne ɛ kɛ phok ibol nge de ɛ kyii ta nang ne itin nɛ ne ɛhaa ne ɛ kɛ tom me wo, ne ɛ bok iken ne inat. Sɔng i sɛ ne bol nibhɛ ɛshara nang; nibhɛ kɛ ku phee ibol ne iku de nibhɛ so ndɔ ne iken.
ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.
I ne sɛ nzo ɛlɔ ninaa ne ìnang ne itin nibhɛ da so kyɔkyɔt to, ne ma n te te ɛhaa ne ìnang ne itin ɛbhɛ so kyɔkyɔt te nzɛ n hɔ nibhɛ. Nggɛ tes me nikɔn na gbik ɛlɔ ninyi na gbik, te n yaang nggɛ phɔt ɛbyin nɛ.
Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.
iPhɛ ɛlɛy, ne ˆɛ hana ɛn ishwɛɛ ne ishis da ne ibebhe de gbik. Te ɛ say ɛn ibol de ne kɛ tup ndɔ ne irway mon da ne irway lyaak. iBol de ne iphɛ i yɛɛ ne phɔt nyini wo.
iBoote yɛdaa wo ne kɛ boote ne ɛTaanggbey ya ndɔ ne ìnang ne itin de, i ne te ɛnyi ɛsha gha ɛken. ɛDaray ya yaa ne ta te ɛbhɛ ɛken. Wu ɛ kɛ ne ta mɔn ɛfɔt, yaa ne hana ɛbhɛ nɛ.
Ninaa ɛwɛng ngaa nggyɛy, nɛ ninaa ne kɛ tul kang, nɛ nibhɛ sɛ́ so ndɔ ne yilitsik ɛyisɛ da. Sɔng iku ne ifaa de sɛ bok ihwet daa nibhɛ nang. Nibhɛ sɛ yang tes en nibo ɛTaanggbey nɛ ninaa ɛKiriti, nibhɛ re igbɔm ne ɛbhɛ ishay ɛnom ɛdaan.