ɛYakub 5:17 - ɛWee ne ìTsɛm iHywas

¹⁷ ɛNɛbi ɛLiya gha kaa ma soye ɛten ɛsii te njwɛɛn. Ɛ kaa ne boote ne ɛTaanggbey ya ndɔ ɛkyukyum ne irway ɛbhɛ wu te inɛn shɛɛ tang reey. iNɛn da ne shɛɛ tang reey yo ishay itat ne ngguk.

ɛYakub 5:17 ပူးပေါင်းရင်းမြစ်များ

ɛLuka 4:25

Ɛ ta yɔngɔ, “Phok ɛn mɛɛn! iPhɛ so itin nɛ! Nten ɛLiya de, nikusang nga kaa sonɛ gbom ndɔ niSɛrɛla de, nten de ne ɛlom ma kaa ne re ɛgarang nga ishay itat ne iphɛl ɛtaraa de, iyɔm be lel ɛgarang nga gbik ko.

ɛTomɛ 10:26

ɛBiturus sa ne wum ɛKɔnɛliyas segha ɛ yiisik ɛbhɛ tsik ɛ yaak ɛbhɛ, “Yilitsik! Ma nzo ɛten ɛsii ne mang.”

ɛTomɛ 14:15

“Ninyi ne iLisitira! iKyee iphɛ kɛ te ɛɛ mɔn ɛn ɛkɔn neghaa woo? Njwi ma so niten nisii tɛ nyinɛn. Njwi kɛ yɛɛs nyini ne ibol iyɛnɛng, njwii bok nyini te ɛ hyere ɛn nyini ɛ tek ɛn nikɔn nibuu yɛnaa nggyɛ wo, ɛ yaa re ɛn ɛTaanggbey ne iken ne ntsong ne ɛbhɛ kɛ ryɔng ɛdaa ne irywa ne ndɔ ɛzay, nɛ nirenes gbik nɛ nikɔn na nɛ nibhɛ sonɛ ndɔ yɛ.

iRooma 11:2

Sɔng ɛTaanggbey ya kɛ mbaray ninyi ɛbhɛ na ne ɛ kaa ku yɛɛ ne ile de nang. Ɛ yɛɛ ɛn ɛkɔn na ne ɛWee ne iBol ɛTaanggbey yo i bol daa ne ito ɛLiya de ɛli ne ɛ kaa phɛ ne ishwin ɛbhɛ da ɛlɔ ɛTaanggbey ya daa ne ito niSɛrɛla de ɛ bo,

Nikɔn ne kɛ Phaal 11:6

Ninyi yɛnaa nggyɛ wo bok ito ne rop irywa inɛn shɛɛ tang reey nten de nɛ nibhɛ tɔng ibol ɛTaanggbey. Nibhɛ bok ito ne hyere inɛn da mpɛ teye neyi, nibhɛ bok ito ne yɛk ngɛ isha hywee-hywee lel ɛzay ya ɛli nɛ nibhɛ i sim.