ɛYakub 5:16 - ɛWee ne ìTsɛm iHywas

¹⁶ iPhɛ ɛlɛy, te ɛrɔngɔ ne i tɔng ɛrɔngɔ ɛfɔt ɛbhɛ, te ɛrɔngɔ i boote ne ɛTaanggbey ya daa ɛrɔngɔ, te i tes nyini niken. iBoote ne ɛTaanggbey ya ne ɛnyi ɛcik ka kɛ boote wo bok ihwet, ifɛ i ne ta mɔn ɛtomɛ gbom.

ɛYakub 5:16 ပူးပေါင်းရင်းမြစ်များ

ɛMacu 21:22

Wu ˆɛ kɛ nang ɛn ne itin nɛ, aa ne sɛ ɛn gbik ɛkɔn na ne ɛ kɛ roo ɛn.”

ɛMacu 3:6

Nibhɛ ne i tɔng ɛfɔt nibhɛ wo, ɛYohana gha ne yaak nibhɛ ne ibatisima de ndɔ ne iHywel ne iWurudun no.

ɛMarakus 1:5

iDira ninyi de kaa ne wuru gbom, nibhɛ phɛ ɛlɔ ɛYohana gha. Nibhɛ kaa ne les ne ivel ne iYahudiya, gbik ne iYɛrushɛlɛm nibhɛ bhɛ san ɛbɔk ka ɛlɔ ɛYohana gha. ɛYohana gha ne ji yaak nibhɛ ne ibatisima de. Ɛ kaa ne yaak nibhɛ nɛ ndɔ iHywel ne iWurudun.

ɛLuka 9:6

iPhɛ ɛlɛy, nibhɛ ne roos nigarang nga gbik, nibhɛ tɔng ibol iyɛnɛng ngge, nibhɛ ne ta i tes nishwa na niken ndɔ nilɔ na nɛ nibhɛ kɛ roos so gbik.

ɛYohana 9:31

Njwɛɛn ne yɛɛ sɔng ɛTaanggbey ya tenes ninaa ne ɛfɔt ta nang, ɛɛ tenes ɛnyi ɛcik, ɛhaa ne ɛ mɔn ɛkɔn na ne ɛɛ sim.

ɛTomɛ 10:38

Ɛ yɛɛ ɛn ɛli ne ɛTaanggbey ya kaa sit ɛYɛso ne iNazarat tegha ne iKabyik ɛTaanggbey ne ihwet da. ɛYɛso gha kaa ne roos nilɔ na gbik ɛɛ mɔn nikɔn niyɛnɛng ɛ ta tes ninaa ne ɛShɛtan na kaa bok ito de daa nibhɛ wo niken, daa ɛli ne ɛTaanggbey kaa so ne ɛbhɛ.

ɛTomɛ 19:18

Ninyi na gbom nɛ nibhɛ kɛ nang ne itin nɛ wo ne wuru nibhɛ tɔng nikɔn nibebhe na nɛ nibhɛ kɛ mɔn no kpas.

ɛTomɛ 8:24

ɛSimɔn na ne kyii nɛ, ne ɛ yaak nibhɛ, “Roo ɛn mɛɛn ɛTaanggbey yegha ɛli ne hame ɛdɛ ɛkɔn nɛghaa wo ne ɛ bol ɛn no yaa sɛ me.”

iRooma 3:10

Te ɛli ne kɛ ku haa ndɔ ne ɛWee ɛWɛwɛy yo i bo, “Wɛlɛng ɛnyi ne ɛ so icik, wɛlɛng ɛnyi ɛdaan.

iRooma 5:19

Ɛli ne kɛ lenɛ nɛ ɛnyi ɛdaan na ne ɛ kɛ sang roos ibol ɛTaanggbey de ninyi na gbom teye ninaa ne mɔn ɛfɔt to, ɛlɛy ne kɛ ne ma lenɛ ne ɛnyi ɛdaan ne ɛ kɛ roos ibol ɛTaanggbey de kɛ ne say ninyi na gbom wu nibhɛ so cik ɛnu ɛyisɛ ɛTaanggbey ya.

iKɔlɔsi 1:9

iPhɛ phɛ kɛ te, kaa sɛ ɛtuk ka ne njwi kɛ phok ibol mon de, sɔng njwi kɛ ne kɔɔng nge i bol ne ɛTaanggbey ya ɛlɔ mon na nang. Njwii roro ne ɛTaanggbey ya wu te ɛ yɛk nyini ne ntsɛntsɛng ne iKabyik ɛbhɛ hyɔrɔ, te iphɛ te ˆɛ seng ɛn ɛkɔn na ne ɛ sim.

1 iTasɔlɔnika 5:17

Bol ɛn ne ɛTaanggbey cɛcɛɛy.

1 iTasɔlɔnika 5:23

Te ɛTaanggbey ya ne ito ɛbhɛ ne ɛ soye ɛhaa ne irway ne laal la, tul nyini kang yɛnɛng-yɛnɛng, ɛ te ikabyik mon, ne iken mon, ne ibek mon de shɛɛ wɛlɛng ɛkɔn ne tok, ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 iTasɔlɔnika 5:25

Nigwaa en, bol ɛn ne ɛTaanggbey daa ne ito mos.

iBirani 11:4

Kaa lenɛ ne ìnang ne itin de, ɛHabila gha ne nang ɛTaanggbey ye ɛkɔn ne hap itsanga ne ɛ phyin ɛhaa ɛKɛɛnu. Kaa ne lenɛ ne ìnang ne itin ɛbhɛ de, ɛTaanggbey ya say ɛbhɛ wu ɛ so icik daa ɛli ne ɛTaanggbey ka say ɛkɔn na ne ɛ kɛ nang ngo. ɛHabila gha kaa ku, ìnang ne itin ɛbhɛ kɛ ne te ɛ tɔɔ bol.

iBirani 11:7

Kaa lenɛ ne ìnang ne itin ɛNuhu de ne ɛ roos ibol ne ɛTaanggbey kɛ mɔng ɛbhɛ daa nikɔn ne hame i yaang. Ɛ kaa lɔl ɛgyirigyi te ɛ phɔt ijwee ɛbhɛ. Kaa ne lenɛ ne ìnang ne itin ɛbhɛ de ne i hyɛ ɛzay ya ɛshara ne ku, ɛbhɛ ɛ ji say ɛwɛng ne icik ne i lenɛ ne ìnang itin de.

iBirani 12:13

Hyel ɛn ne nkpiinɛ mon da cik, ɛlɔ ne ita mon de ne iphɛ rɔ wo yaa yung hante ne te kyɔkyɔt, te iphɛ yang te iken.

iBirani 13:18

Boote ɛn ne ɛTaanggbey daa ne ito mos. Njwi yɛɛ ncɛncɛng, sɔng irway mos da bok ɛkɔn ne tok nang, daa ɛli ne njwi sim te njwi sɛɛ ku i mɔn ɛkɔn na ne ɛ so cik.

1 ɛBiturus 2:24

ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”

1 ɛYohana 3:22

njwɛɛn i ne ta sɛ gbik ɛkɔn na ne njwɛɛn kɛ phom ɛbhɛ, daa ɛli ne njwɛɛn i roos ikpii ɛbhɛ da, njwɛɛn i ta mɔn ɛkɔn na ne ɛ nang ɛbhɛ irway ihwala.