ɛYakub 5:13 - ɛWee ne ìTsɛm iHywas

¹³ ɛDɛng ndɔ mon no i sɔ nggbang nge? Te ne ɛ boote ne ɛTaanggbey. ɛDɛng ndɔ mon no bok irway ihwala? Te ne ɛ yɛk ne iywel ne dɛp ɛTaanggbey ye.

ɛYakub 5:13 ပူးပေါင်းရင်းမြစ်များ

ɛMacu 26:30

Ne sɛ nibhɛ kɛ yaak ne iywel, nibhɛ ne wuru nibhɛ phɛ daa ne iGol Niphaa.

ɛLuka 22:44

ɛYɛso gha kaa ne so ndɔ nggbang gbom ne ɛ hante ne roro ne ɛTaanggbey ya. iLong ne ɛbhɛ ne yaa wuusi iphɛ tongot tɛ ᐩihyɔn neyi.

ɛLuka 23:42

Ne ɛ ji yaak ɛYɛso yegha, “ɛYɛso! Yaa sɛ ɛ kɛ bhɛ wara ne igbɔm mo da te ɛ ne taate ne mee.”

1 iKɔrɔntos 14:15

iKyee ne naa ne mɔn ne? Naa boote ne ɛTaanggbey ya ne ikabyik, ne n da boote ne ɛbhɛ ne irway nge dɔng. Na yɛk ne iywel ne tɔɔk ɛTaanggbey ye ne ikabyik nge, ne n da yɛk ngɛ ne irway nge dɔng.

1 iKɔrɔntos 14:26

Nigwaa en, ɛkɔn na ne nzi bol lo ɛbhɛ ghaa lɛ, i sɛ ɛ kɛ sɛm ɛn nyini ɛlɔ ne re ntsong ngga, ɛdɛng yaa ne bok iywel, ɛdɛng ne i mɛmɛ ninyi nɛ, ɛdɛng ne tɔɔl ɛkɔn na ne ɛTaanggbey kɛ phaal ɛbhɛ nɛ, ɛdɛng ne bol ne ihak ilem, ɛdɛng ne ji kpɛl ɛkɔn na ne i bol ne ihak ilem be. iPhɛ ne so nggbinggbing te mɔn nikɔn nɛnaa wo gbik ɛli nɛ nibhɛ yaa phyik ninaa ne roos sa.

iFisus 5:19

Bol ɛn ndɔ mon ndɔ ne ighel, ne ighel ne dɛp ɛTaanggbey ye gbik ne ighel ikabyik. Yaak ɛn ne ighel te ˆɛ dɛp ɛn ɛTaanggbey ye ndɔ ne irway mon.

iBirani 5:7

Nten de ne ɛYɛso gha kaa ne so ndɔ ɛzay ya, ɛ kaa ne bol ne ɛTaanggbey ya ne ɛbhɛ ɛ so ɛhaa ne aa yɛɛ ne phɔt ɛbhɛ ɛlɔ ne iku de. Ɛ kaa ne bol, ɛɛ roro ne ishwin gbom nɛ niyilis. ɛTaanggbey ya kaa ne phok ɛbhɛ daa ɛli ne ɛ so ɛhaa ne nang ɛTaanggbey ye ne ndiinday, ɛɛ roos ɛbhɛ nɛ.

ɛYakub 5:10

Nigwaa en, taate ɛn nɛ ninabawa na nɛ nibhɛ kaa boote ndɔ ne irywɛɛk ɛDaray yo. Roos ɛn ngkɔɔl nibhɛ daa ne rop iku nibhɛ de ndɔ ne nggbang ngga.

Nikɔn ne kɛ Phaal 14:3

Nibhɛ ne i yaak ne idɛ iywel lo ifas sɛ ɛnu ɛyisɛ ɛcuruu ne igbɔm ma nɛ nikɔn niken nwaas sa gbik nɛ ninu nikɔɔn na. Sɔng ɛnyi i ne yɛɛ ne mɛmɛ ne iywel lɛwoo nggyɛ wo kang nɛ ninyi ninom ikɔl ne nzuwubɔ nwaas nɛ nibhɛ nwaas (144,000) sa nang. Ninyi na ne kɛ ku say nibhɛ ndɔ ninaa ɛzay ya.

Nikɔn ne kɛ Phaal 7:10

Nibhɛ ne ji kyangkey nibhɛ boote ne ɛgbaang ne izɔlɔs nibhɛ bo, “iPhɔrɔt da le ɛlɔ ɛTaanggbey mos ne ɛ kɛ soos ɛcuruu ne igbɔm, ne ɛNgɔn ne Pharak ka.”