ɛYakub 5:11 - ɛWee ne ìTsɛm iHywas

¹¹ ɛTsak, njwɛɛn i yeres ninaa nɛ nibhɛ kɛ rop iku de ninaa ɛwɛng. ˆƐ kɛ phok ɛn ihywee ne rop iku de ne ɛYuba gha kaa rop po, ne ˆɛ ta seng ɛn ɛli ne ɛDaray ya kɛ sit ɛbhɛ ne ɛwɛng nga ne ɛtsim mɛ wo. Daa ɛli ne ɛDaray ya so hyɔrɔ ne rɔ-irway gbik ne san iyɔm.

ɛYakub 5:11 ပူးပေါင်းရင်းမြစ်များ

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

ɛMacu 10:22

Gbik ninyi na sɛ ne yaa mbaray nyini ɛlɔ me wo, ɛhiha ɛnyi ne ɛ kɛ ne kyinak ne ihwet, ɛbhɛ ɛ sɛ ne iphɔrɔt.

2 ɛBiturus 2:9

iPhɛ ɛlɛy, nikɔn nɛnaa wo kɛ ne tɔɔrek njwɛɛn wu te njwɛɛn seng wu ɛTaanggbey ya i yɛɛ ne phɔt ninaa ne tel ɛnik ɛbhɛ na nɛ nibhɛ so ndɔ ne tɛrɛk ga ihywee-ihywee de. ɛTaanggbey ya ne ta yɛɛ ɛli ne aa hyep nibebhe na phyii bhɛ hɔn ɛtuk ne hyɛ ɛshara gha.

1 ɛBiturus 1:13

iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.

ɛLuka 6:36

Te ɛn nyini ninaa ne san iyɔm, ɛli ne ɛKyɛɛ mon na soye ɛhaa ne san iyɔm ma.”

iBirani 10:39

Sɔng njwɛɛn ne so ndɔ ninyi na nɛ nibhɛ kyisi ne ɛtsim ma nibhɛ phɛɛs ne bees se wo nang, njwɛɛn yang so ndɔ ninyi na nɛ nibhɛ kɛ nang ne itin nɛ nibhɛ phɔrɔt.

iBirani 3:14

Njwɛɛn kɛ ne byinki ito njwɛɛn ne ɛKiriti gha wu njwɛɛn kɛ boos ìnang itin ne ibol njwɛɛn da gɛgɛy ɛli ne njwɛɛn kaa tsa wo phyii bhɛ taal.

iFisus 2:4

Gbik ne iphɛ ɛlɛy, ɛTaanggbey ya ne soye ɛhaa ne san iyɔm gbom, ishwim ɛbhɛ da daa njwɛɛn no ne so gbogbom.

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

iFisus 1:6

Ɛ kɛ mɔn ɛlɛ wo te njwɛɛn dɛp ito-ndiinday ne izɛɛng ɛbhɛ ne ɛ kɛ nang njwɛɛn walala lenɛ ne ɛNgɔn ɛbhɛ ne ɛ sim.

iRooma 2:4

Hang ɛ bɛɛs izɛɛng, ne ɛbɔk gbik ne iyɔm ne sang te njenjek ɛTaanggbey de ne ɛ bok ne igyɛ wo naa? Ɛ doo te izɛɛng ɛTaanggbey de ihywɛ te nyini ɛ hyere ɛn nyini ɛ tek ɛn ɛfɔt to naa?

ɛLuka 1:50

iSan iyɔm ɛTaanggbey de so daa ninaa nɛ nibhɛ naas ɛbhɛ ne ndiinday, lenɛ ne izezee izam, i phɛɛs nɛ ne izezee izam.

ɛYakub 1:2

Nigwaa en, bo ɛn nggbang ngga ne ˆɛ sɔ ɛn ihywee-ihywee de te mpɛ teye ɛkɔn ne irway ihwala,

1 ɛBiturus 3:14

Gbik ne iphɛ ɛlɛy, wu ɛ kɛ sɔ ɛn nggbang ngga daa ɛli ne ɛ so ɛn cik ko, aa ne sɛ ɛn ɛwɛng. iPhɛ ɛlɛy, sɔng ne ɛ phok ɛn ɛnik ko nang, sɔng ne ɛ sap ɛn ɛkɔn nang.

ɛLuka 11:10

Gbik ɛnyi gha ne ɛ kɛ phom mo, yaa ne nang ɛbhɛ. ɛHaa ne ɛ kɛ ne tɔk ko, aa ne sɛ, ɛhaa ne ɛ kɛ ne hal ɛnu ne izuk ka, yaa ne phaal ɛbhɛ nɛ.