ɛYakub 4:4 - ɛWee ne ìTsɛm iHywas

⁴ Nyinɛn no ne ˆɛ kɛ sang kyinak ɛn daa ibol de ne ɛ kɛ sim ɛn ɛTaanggbey yegha nɛ wo! ˆƐ doo ɛn ɛli ne isaa de ne ɛzay ya soye iphup be ne ɛTaanggbey ya naa? Gbik ɛnyi gha ne ɛ kɛ kasa aa wum isaa de ne ɛzay ya, ɛ kɛ ne teye ɛhaa ne iphup ɛTaanggbey ya.

ɛYakub 4:4 ပူးပေါင်းရင်းမြစ်များ

ɛMacu 12:39

ɛYɛso gha ne kyii nibhɛ nɛ ne ɛ yɔngɔ, “Ninyi izam mɛnaa wo so nibebhe, nibhɛ bok ngguk, nibhɛ ne ji sim tɛ nibhɛ sɛɛ yaang nyu ɛkɔn ne kparat. Sɔng yaa ne tɔɔrek nibhɛ idɛ nyu ɛkɔn ne kparat de kang ne idee ɛnɛbi ɛYunana de nang.

ɛMacu 16:4

Ninyi ne izam mɛnaa wo so nibebhe, nibhɛ bok nggyuk. Nibhɛ sim tɛ nibhɛ sɛɛ yaang nyu ɛkɔn ne kparat, sɔng yaa ne tɔɔl nibhɛ idɛ nyu ɛkɔn ne kparat ta kang ne ibol ɛYunana de nang. ɛYɛso gha ne tek nibhɛ ɛ hyel.”

ɛMacu 6:24

“Sɔng ɛnyi gha yaa yɛɛ ne boos nikyɛɛ ne ijwee na ifaa nang, aa sim ɛdaan ne ɛ ji mbaray ɛdɛng; aa roos ɛdaan nɛ ɛ ji bɛɛs ɛdɛng. Sɔng aa ne yɛɛ ne i roos ɛTaanggbey yegha ɛ kyii ta i sim ijam be nang.

ɛLuka 19:27

ɛLyilyaghaa wo, ninaa ne iphup nge na, nɛ nibhɛ bo wu hang naa te me ɛgɔm nibhɛ gha, yɛɛs ɛn nɛ nibhɛ ɛbɛ, te ɛ phobho ɛn nibhɛ ɛnu ɛyisɛ nge.”

ɛYohana 15:19

Wu ɛ so ɛn ninaa ɛzay ya, aa ne sim nyini tɛ ninyi ɛbhɛ. Ɛli ne ɛ ku yɛɛ ɛn no, sɔng ɛ so ɛn ninaa ɛzay ya nang, nggɛ yang kasa nyini ndɔ ɛzay, iphɛ phɛ kɛ ne te ɛzay ya yaa ne mbaray nyini wo.

ɛYohana 17:14

Nggɛ tɔng nibhɛ ibol mo de, ɛzay ya kɛ ne mbaray nibhɛ daa ɛli ne hame nibhɛ soye ninaa ɛzay ya ɛli ne hame ma nzo me ɛhaa ɛzay ya.

ɛYohana 7:7

Nyinɛn no nang, sɔng ɛzay ya yaa ne yɛɛ mbaray nang, ɛ mbaray mee daa ɛli ne nzi tɔng ɛbhɛ wu ɛkɔn ne ɛ mɔn ɛ so ɛkpɛɛ yɛ.

iRooma 5:10

Kaa kyii ryɔng njwɛɛn ne ɛTaanggbey ya nten de ne njwɛɛn kaa tɔ ninaa ne iphup ɛbhɛ lenɛ ne iku ɛNgɔn ɛbhɛ. ɛLyilyɛghaa wo, njwɛɛn kɛ ne ji teye nitaay ɛbhɛ, njwɛɛn sɛ ne phɔrɔt lenɛ ne iken ɛNgɔn ɛbhɛ de!

iRooma 8:7

Gbik ɛnyi gha ne ɛ kɛ nang ihywɛɛ ɛbhɛ de daa nikɔn na ne icwas ne irway ɛten ɛsii da i sim mo ɛ kɛ ne teye ɛhaa ne iphup ɛTaanggbey ya, daa ɛli ne sɔng ɛ roos iMɛmɛ ɛTaanggbey da nang, sɔng aa ne ma yɛɛ nɛ nang.

1 iKɔrɔntos 1:20

Ninaa ne ntsɛntsɛng nga so ɛbi? Ninaa ne kpɛl iMɛmɛ ɛMuusaa ba ne so ɛbii? Ninaa nɛ nibhɛ wɛɛ te nibhɛ yɛɛ nikɔn na gbik ko ne so ɛbii? ɛTaanggbey ya kɛ ku tɔɔrek wu ntsɛntsɛng ɛzay yɛdaa wo so iwamang.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

iGalatiya 1:10

Ɛ wɛɛ ɛn te nzi mɔn ɛlɛ wo tɛ ninyi ton me naa? Yɛwɛy, nzi sim te ɛTaanggbey ɛbhɛ aa sim ɛkɔn na ne nzi mɔn no. Ɛ wɛɛ ɛn te nzi sim naa laasek niten irway ye? Yɛwɛy, sɛ yɔng ɛlɛy, sɔng nzɛ ne te me ɛkpuru ɛKiriti gha nang.

ɛYakub 1:27

iRoos da ne ɛTaanggbey ya ne ɛ so ɛTaa gha kɛ say wu ifɛ so itin nɛ wo ne kɛ ta tul kang ngo so ɛlɛ: te i wɛɛ nicwɛɛn nɛ nikusang ndɔ ne nggbang nɛ nibhɛ i sɔ, te ɛnyi yɛ ne tul ito ɛbhɛ ndɔ ne ishwɛɛ ivebhe ɛzay da.