ɛYakub 4:3 - ɛWee ne ìTsɛm iHywas

³ I sɛ ˆɛ kɛ phom ɛn no, sɔng ne ˆɛ sɛ ɛn nang, daa ɛli ne ˆɛ kɛ phom ɛn ne icwas ne sim ito. ˆƐɛ phom ɛn nikɔn na ne ˆaa phok ɛn ne iyɛnɛng ne ibek mon.

ɛYakub 4:3 ပူးပေါင်းရင်းမြစ်များ

1 ɛYohana 5:14

Njwi i kyinak ɛnu ɛyisɛ ɛTaanggbey wɛlɛng ito irway, daa ɛli ne njwii yɛɛ wu njwi kɛ phom ɛbhɛ ɛkɔn na ne aa nang ɛbhɛ irway ihwala, aa ne phok njwii.

1 ɛYohana 3:22

njwɛɛn i ne ta sɛ gbik ɛkɔn na ne njwɛɛn kɛ phom ɛbhɛ, daa ɛli ne njwɛɛn i roos ikpii ɛbhɛ da, njwɛɛn i ta mɔn ɛkɔn na ne ɛ nang ɛbhɛ irway ihwala.

ɛYakub 4:1

iKyee iphɛ yɛɛs ne irywen da gbik ne ishamas de ndɔ mon noo? Sang so ihyop ne ibek mon ihywee-ihywee ne ᐩihywɛ lɛng ɛn ndɔ mon ne i?

ɛLuka 15:13

Ne phyɔngɔle ncɛt, ɛngɔn ɛshɛɛrɛng nga ne kpuru nikɔn ɛbhɛ gbik ɛ phɛ ɛhak ɛgarang ne ɛ so kyakyak. ɛNggyɛy yo ne ɛbhɛ bees iryat ɛbhɛ de ndɔ ne ishwɛɛ ɛbuu.

ɛMarakus 10:38

ɛYɛso gha ne kyii nibhɛ nɛ ɛ yɔngɔ, “Sɔng ɛ yɛɛ ɛn ɛkɔn negha ne ɛ kɛ phom ɛn mɛɛn no nang, aa yɛɛ ɛn ne sɔ ɛn ndɔ ɛhyihyangas sa ne naa sɔ nɛ woo? Aa ne sim ɛn i yɛk nyini ihywee ne ibatisima de ne yaa yɛk me nɛ woo?”

ɛMacu 20:22

ɛYɛso gha ne kyii nɛ ɛ yaak ninɔn na, “Sɔng ɛ yɛɛ ɛn ɛkɔn na ne ɛ roro ɛn nang, aa yɛɛn ne sɔ ɛn ɛhyihyangas sa ne na sɔ nɛ woo?” Nibhɛ ne kyii nɛ, nibhɛ yɔngɔ, “Njwi yaa yɛɛ nɛ.”

ɛLuka 15:30

Kɛ ne ji sɛ ɛngɔn mo yɛghaa wo, ne ɛ kɛ bhɛ sanga iryat mo de, ɛlɔ nikuk ka kɛ bhɛ kyii, ɛ kɛ ne phoo ɛbhɛ ɛgbaang ɛngɔn ne irwandɔng!”

ɛLuka 11:10

Gbik ɛnyi gha ne ɛ kɛ phom mo, yaa ne nang ɛbhɛ. ɛHaa ne ɛ kɛ ne tɔk ko, aa ne sɛ, ɛhaa ne ɛ kɛ ne hal ɛnu ne izuk ka, yaa ne phaal ɛbhɛ nɛ.