ɛYakub 4:12 - ɛWee ne ìTsɛm iHywas

¹² ɛTaanggbey ya zɔng ɛbhɛ ɛ so ɛhaa ne nang ikpii da ne ɛhaa ne bol ɛshara gha. Ɛbhɛ zɔng ɛ nang iphɔrɔt da ɛ ta bunga ninyi na. Ne ˆɛ ji soyɛ ɛhay ne ˆaa hyɛ ɛnyi gha ɛshara ghaa?

ɛYakub 4:12 ပူးပေါင်းရင်းမြစ်များ

ɛMacu 10:28

Sɔng ne ɛ phok ɛn ɛnik ninyi wo nɛ nibhɛ sɛ phoo ibek ge, nibhɛ sang ji yɛɛ ne phoo iken de nang. Yang phok ɛn ɛnik ɛnyi ne aa yɛɛ ne bees ibek ge gbik ne iken de ndɔ ne ijwee ne igboo wo.

ɛLuka 12:5

Naa ne mɔng nyini ɛnyi gha ne ˆaa phok ɛn ɛnik ɛbhɛ wo: phok ɛn ɛnik ɛTaanggbey, ɛbhɛ ɛ bok ito ne ɛ sɛɛ phoo ibek ge ɛ ji cwaak ndɔ ne ijwee ne igboo. Ɛbhɛ ne nzi ne bok nyini wu te ɛ tel ɛn!”

iRooma 14:13

iPhɛ ɛlɛy, nɛ njwɛɛn kɔɔng hyɛghɛ nigwaa njwɛɛn na ɛshara gha. Yang ku ryɔng ɛn irway mon ɛli ne hame aa te ɛn ɛnyi gha ɛ kyibhɛ ɛ ta mɔn ɛfɔt.

iRooma 14:4

Ɛ soyɛ ɛhay ne aa hyɛ ɛkpuru ɛhak ɛnyi gha ɛshara gha? Wu ɛkpuru gha kɛ mɔn ɛkɔn ɛyɛnɛng, hang ɛ kɛ taasek yoo iphɛ so ɛlɔ ɛkyɛɛ ne ijwee ɛbhɛ. iPhɛ ku so ɛ sɛ re ɛshara gha daa ɛli ne ɛDaray ya bok ito ne ɛ te ɛbhɛ ɛ re ɛshara gha.

iRooma 2:1

iPhɛ ɛlɛy, igyɛ wo ne ɛ kɛ hyɛghɛ ɛhak ɛnyi na ɛshara gha sɔng ɛ bok ɛkɔn ne aa yɔngɔ nang, hang ɛ sɛ kyi soyɛ ɛhay yo. Wu ɛ kɛ hyɛ ɛhak ɛnyi gha ɛshara gha, ɛɛ robhos ito mo, daa ɛli ne ɛ ma kyii mɔn ɛkɔn na ne ɛ kɛ hyɛ ɛhak ɛnyi gha ɛshara gha ne ɛdak kɛwo.

iRooma 9:20

Ɛ soyɛ ɛhay igyɛ ɛten ɛsii wo ne aa kyii ɛTaanggbey yegha ne ibol dee? Sɔng iron de i yɛɛ ne phom ɛnyi gha ne ɛ kɛ ryɔng iphɛ wo iphɛ yɔngɔ, “iKyee iphɛ kɛ te ɛ ryɔng me ɛlɛ woo?”

iBirani 7:25

iPhɛ ɛlɛy, aa ne yɛɛ ne phɔt ninyi na wɛlɛng ɛgak. Ninyi na nɛ nibhɛ kɛ yɛɛs ɛlɔ ɛTaanggbey ya lenɛ ne ɛbhɛ wo, daa ɛli ne ɛ ku so ɛken, ɛɛ bol ne ɛTaanggbey ya ɛlɔ nibhɛ cɛcɛɛy.

ɛYakub 5:9

Nigwaa en, tek ɛn ivol mumuk ga ne ɛrɔngɔ i bol daa ɛrɔngɔ gha, daa ɛli ne sɛ yung hyɛ nyini ɛshara. iPhɛ dee ɛhaa ne hyɛ ɛshara gha yek cɛcɛk ne yɛɛs, ɛ ma yung so ɛnu ne izuk.