ɛYakub 4:11 - ɛWee ne ìTsɛm iHywas

¹¹ Nigwaa en, sɔng ˆɛ bol ɛn ivol ne bees daa nigwaa nɛ nibhɛ so ninaa ne roos nang. Gbik ɛnyi gha ne ɛ kɛ bol ivol ne bees daa ɛgwaa ɛbhɛ gha, hang ɛ kɛ hyɛ ɛbhɛ ɛshara gha yɔɔ, ɛ kɛ ne bol ivol ne bees daa ne iMɛmɛ ɛMuusaa da, ɛ ta hyɛ imɛmɛ yɛ ɛshara. Wu ˆɛ kɛ ne bol ivol ne bees iMɛmɛ ɛMuusaa da, sɔng ˆɛ kɛ ne roos imɛmɛ yɛ nang, ˆɛ kɛ yang hyɛ imɛmɛ da ɛshara.

ɛYakub 4:11 ပူးပေါင်းရင်းမြစ်များ

1 ɛBiturus 2:1

iPhɛ ɛlɛy, ne ɛ hosop ɛn nyini ne ibebhe de, ne irywɛɛk ga, ne iluk ga, ne waa irway da, gbik ne ivol ikpɛɛ da.

iRooma 2:1

iPhɛ ɛlɛy, igyɛ wo ne ɛ kɛ hyɛghɛ ɛhak ɛnyi na ɛshara gha sɔng ɛ bok ɛkɔn ne aa yɔngɔ nang, hang ɛ sɛ kyi soyɛ ɛhay yo. Wu ɛ kɛ hyɛ ɛhak ɛnyi gha ɛshara gha, ɛɛ robhos ito mo, daa ɛli ne ɛ ma kyii mɔn ɛkɔn na ne ɛ kɛ hyɛ ɛhak ɛnyi gha ɛshara gha ne ɛdak kɛwo.

ɛYakub 5:9

Nigwaa en, tek ɛn ivol mumuk ga ne ɛrɔngɔ i bol daa ɛrɔngɔ gha, daa ɛli ne sɛ yung hyɛ nyini ɛshara. iPhɛ dee ɛhaa ne hyɛ ɛshara gha yek cɛcɛk ne yɛɛs, ɛ ma yung so ɛnu ne izuk.

ɛLuka 6:37

“Sɔng ɛ hyɛ ɛn nigwaa mon na ɛshara gha nang, sɔng yaa ne ma hyɛ nyini nɛ nang. Sɔng ɛ hyɛ ɛn nigwaa mon na ɛshara nang, sɔng yaa ne ma hyɛ nyini nɛ nang. Han ɛn nigwaa mon na nɛ, sɛ ne ma han nyini nɛ.

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

iFisus 4:31

Hosop ɛn nyini ne irway icway da, ne njenjek ge, ne irway njɛt da, ne irywen da, ne ibees ninyi na irywɛɛk ga gbik ne waa irway da.

2 iKɔrɔntos 12:20

N bok ɛnik ɛlɔ ne ya sɛ nggɛ yɛɛs so sɔng na ne sɛ nyini ɛ so ɛn ɛli ne nzi sim nang, sɔng naa ne ma so nyini ɛli ne ɛ sim ɛn nang. N bok ɛnik ɛli ne naa yung i sɛ nidɛng ndɔ mon no nɛ nibhɛ bok ishamas, ne ɛnkyis, ne njenjek, ne sim ito, ne bees ivol, ne ivol mumuk, ne ito ihet, ne ihywel shwalala.

2 ɛTimɔti 3:3

Nɛ ninaa ne sang tɔɔl ishwim. Nɛ ninaa ne boos ninyi ne irway. Nɛ ninaa ne bees ninyi irywɛɛk. Nɛ ninaa ne sang wum ito nibhɛ. Nɛ ninaa ne tɔk irywen. Nɛ ninaa ne mbaray iyɛnɛng.

1 ɛTimɔti 3:11

ɛLɛy nɛ nikuk ne mɔn ɛtomɛ ne idira ninaa ne roos ne mang, tɛ nibhɛ so ihywɛɛ, sɔng ninaa ne bol ivol ne bees irywɛɛk nang. Tɛ nibhɛ so lyaak, ninaa ne sɛ kyinak daa ne ibol nibhɛ ndɔ nikɔn na gbik.

iRooma 7:7

Njwɛɛn yaa ne ji yɔng ɛli da mɛɛ? iMɛmɛ ɛMuusaa da so ɛfɔt naa? Kwa! Yang so ikpii ne iMɛmɛ da ifɛ i te ɛfɔt to kpas. Sɛɛ yɔng iMɛmɛ ɛMuusaa da kɛ sang yɔngɔ, “Sɔng ɛ phok ihyop ɛkɔn ɛnyi nang,” sɔng nzɛɛ ne seng ɛkɔn na ne bok ɛbhɛ ihyop be nang.

iRooma 2:13

Sɔng i tenes ɛShara gha zɔng iphɛ te i say ɛnyi gha wu ɛ so cik ɛlɔ ɛTaanggbey ya nang, i yang say ɛnyi gha ne ɛ kɛ roos ikpii ɛShara da gbik.

ɛYakub 1:25

ɛNyi gha ne ɛ kɛ kyii ne ihywɛɛ ɛbhɛ de daa ne phɛl imɛmɛ yɛdaa wo ne ifɛ so hyɔrɔ wo, ifɛ i nang ɛnyi gha ishwɛɛ ne ito ɛbhɛ da, yaa ne sit ɛbhɛ ne ɛwɛng daa nikɔn na ne ɛ mɔn no. Yaa sit ɛbhɛ ne ɛwɛng nga wu ɛ kɛ sang teye ɛhaa ne phok zɔng ɛ tenɛ bap, ɛ yang kyii teye ɛhaa ne ɛ kɛ yɛk ne ito ndɔ ne mɔn ɛtomɛ ne iphɛ.

ɛTitus 2:3

Nɛ ma mɛmɛ nikuk nihelem ma nɛ tɛ nibhɛ shɛɛ ishwɛɛ da ne ifɛ yaa nang ɛTaanggbey ye ne ndiinday, ne ifɛ so kancɛng nɛ nikuk ninaa ne roos sa. Sɔng nibhɛ teye ninaa ne bees ivol nang, sɔng nibhɛ teye nikpuru ne isɔ igbuut nang. Tɛ nibhɛ yang mɛmɛ ninyi na nɛ nikɔn niyɛnɛng.

ɛYakub 1:16

Nigwaa nge ne nzi sim, sɔng ˆɛ sim ɛn luk nyini nang.

ɛYakub 1:19

Nigwaa nge ne nzi sim, seng ɛn ɛlɛ, te ɛrɔngɔ so cwacwat ne tenes ivol da, sɔng ne ɛ so hywarat ne boote nang. Sɔng ne ɛ ta so hywarat ne te njenjek nang.

ɛYakub 2:8

Wu ˆɛ kɛ ne ɛ roos ɛn iMɛmɛ ne igbɔm ɛTaanggbey da ne kɛ haa ndɔ ɛWee ne iBol ɛTaanggbey de i bo, “Sim ɛhaa ɛcɛcɛk mo gha ɛli ne ɛ sim ito mo,” ˆɛ kɛ ne mɔn ɛn ɛkɔn ɛyɛnɛng.

ɛYakub 5:7

iPhɛ ɛlɛy nigwaa en, bo ɛn ɛbɔk te ˆɛ hyep ɛn nten ne yɛɛs ɛDaray de. Yaang ɛn ɛli ne ɛhaa ne ihwap pa i bo ɛbɔk ka ɛ hyep ire de ne iphɛ kɛ jam iphɛ shɛs so ne ihwap ba. Ɛ bo ɛbɔk ɛ hyep inɛn ne kang ne ihwap ne mbaa ɛlɔ ne iphɛl.

ɛYakub 5:10

Nigwaa en, taate ɛn nɛ ninabawa na nɛ nibhɛ kaa boote ndɔ ne irywɛɛk ɛDaray yo. Roos ɛn ngkɔɔl nibhɛ daa ne rop iku nibhɛ de ndɔ ne nggbang ngga.