ɛYakub 3:2 - ɛWee ne ìTsɛm iHywas

² Njwɛɛn no gbik i ibenes gbom. ɛNyi gha ne ɛ sang ben ndɔ ne ivol ɛbhɛ da ne ɛ so hyɔrɔ, ɛɛ ne ta yɛɛ ne boos ibek de ɛbhɛ byirik.

ɛYakub 3:2 ပူးပေါင်းရင်းမြစ်များ

ɛMacu 12:34

Nyinɛn no ne ɛ so ɛn te izɔ igywebhe de! Aa mɔn ɛn ɛli ɛ bol ɛn ivol iywɛnɛng ngga nɛ so ɛn nibebhe ninyi naa? Nzi shii bo ɛnu gha ɛbhɛ bol ɛkɔn na ne ɛ so ndɔ ne irway da.

ɛMacu 12:37

Daa ɛli ne ivol mon da ifɛ sɛ ne i phɔt nyini, ifɛ ifɛ ne ta te i rop nyini.”

iRooma 3:10

Te ɛli ne kɛ ku haa ndɔ ne ɛWee ɛWɛwɛy yo i bo, “Wɛlɛng ɛnyi ne ɛ so icik, wɛlɛng ɛnyi ɛdaan.

iRooma 7:21

iPhɛ kɛ te te ibek nge, i sɛ nzi sim na mɔn ɛkɔn ɛyɛnɛng nga, ibebhe de ne jung sonɛ.

1 iKɔrɔntos 9:27

Nzi ne gbaat ibek nge de gbom, nggɛ bo iphɛ te ɛkpuru nge, ɛlɔ ne yaa yung sɛ ɛtsim mɛ ne nggɛ sanga nidɛng ibol iyɛnɛng ngge, ji kyi bhɛ ring me ne say ilong nge.

iGalatiya 3:22

Sɔng ɛlɛy ne iphɛ ne so nang, ɛWee ne bol ɛTaanggbey yo i bo wu ɛfɔt to bok ito da ɛzay ya gbik, te ibol de ne kaa ku sim-mɛ wo, lenɛ ne ìnang ne itin ndɔ ɛYɛso ɛKiriti gha te nang ninaa nɛ nibhɛ kɛ nang ne nang ne itin nɛ wo.

iGalatiya 5:17

Daa ɛli nɛ nikɔn ne ɛfɔt ta ne ibek ge i sim mo, sɔng nibhɛ ne iKabyik ɛTaanggbey de ne sim mang. Nikɔn na ne iKabyik ɛTaanggbey ne ma sim mo, sɔng nibhɛ nɛ nikɔn ne ɛfɔt ta ne ma sim mang. Nikɔn ne ɛfɔt ta ne ibek ge i sim mo ne bok iphup iKabyik ɛTaanggbey de, iphɛ ne ring nyini ne mɔn ɛkɔn na ne ɛ sim aa mɔn ɛn no nang.

iKɔlɔsi 1:28

iPhɛ ɛlɛy, njwii ne tɔng ninyi na gbik ibol ɛKiriti de, njwii sin ninyi na itoro, njwii mɛmɛ nibhɛ nɛ ndɔ ne ntsɛntsɛng ne ɛTaanggbey kɛ nang njwii, te njwi nang ɛTaanggbey yegha ɛrɔngɔ hyɔrɔ tang ɛkɔn ne tok ndɔ ne ìtsɛm nibhɛ de ne ɛKiriti gha.

iKɔlɔsi 4:12

ɛPafaras ne ɛ so ɛdaan ndɔ mon, ɛ ta soye ɛkpuru ɛYɛso ɛKiriti gha i kyiisi nyini. Ɛ kyangase ne bol ne ɛTaanggbey ya gbom ɛlɔ mon na te ɛ kyinak ɛn gɛgɛy ndɔ ne ìnang ne itin mon de, ɛ te ɛn hyɔrɔ ndɔ nikɔn na ne ɛTaanggbey ya sim gbik, wɛlɛng ito irway.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

ɛYakub 1:26

Wu ɛdɛ ɛnyi gha i wɛɛ te ɛ so ɛhaa ne roos ɛTaanggbey ye byirik ɛ kyi sang wum ɛnu ɛbhɛ, ɛ ne luk ito ɛbhɛ, iroos ɛbhɛ da ne so buu.

ɛYakub 1:4

Te irop iku de ne mɔn ɛtomɛ ndɔ mon, te ˆɛ hɔn ɛn, ˆɛ te ɛn hyɔrɔ ˆɛ sang wɔs ɛn ɛkɔn.

ɛYakub 2:10

Gbik ɛnyi gha ne ɛ kɛ roos iMɛmɛ ɛMuusaa da gbyak ne ɛ kyii te idaan tsaan, ɛ kɛ ne te ifɛ tsaan gbik.

1 ɛBiturus 3:10

Kɛ haa ndɔ ne ɛWee ne iBol ɛTaanggbey yo i bo, “ɛNyi gha ne ɛ sim aa phok iyɛnɛng ne ishwɛɛ da, ɛnyi gha ne ɛ sim aa yaang nituk niyɛnɛng nga, te ɛ ring ilem ɛbhɛ ne ivol ikpɛɛ ɛ ta ring ɛnu ɛbhɛ ne bol irywɛɛk.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.