ɛYakub 3:17 - ɛWee ne ìTsɛm iHywas

¹⁷ Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

ɛYakub 3:17 ပူးပေါင်းရင်းမြစ်များ

ɛMacu 23:28

ɛLɛy ne ɛ so ɛn, ɛ wɛɛ yɛnɛng gɔɔ ne izay te ɛ kɛ jam ɛn, ndɔ ne irway mon de ne so hyɔrɔ ne iluk gbik nɛ nitomɛ nibebhe.

ɛMacu 5:8

Ninaa ɛwɛng ngaa nggyɛy nɛ nibhɛ bok irway iwɛwɛy da, daa ɛli nɛ nibhɛ sɛ ne yaang ɛTaanggbey ye.

ɛMacu 5:9

Ninaa ɛwɛng ngaa nggyɛy nɛ nibhɛ te i shɛɛ ncaang ngo, daa ɛli ne sɛ yaak nibhɛ ninɔn ɛTaanggbey.

ɛLuka 21:15

Nzɛ nang nyini ivol ne ntsɛntsɛng ɛli ne hame ɛdɛ ɛhaa ne iphup mon na sɛ yee ne hyere ibol mon de, ɛ ta re ishamas ne nyinɛn.

ɛLuka 6:36

Te ɛn nyini ninaa ne san iyɔm, ɛli ne ɛKyɛɛ mon na soye ɛhaa ne san iyɔm ma.”

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

ɛYohana 1:47

Kɛ ne sɛ ɛYɛso gha yaang ɛNatanyɛl legha ɛ hyel ɛ phɛɛs ɛlɔ ɛbhɛ gha, ne ɛ boote daa ne ito ɛNatanyɛl de ɛ yɔng ngo, “Ji so ɛnyi niSɛrɛla ɛririk kɛghaa ɛ yaaso. Sɔng sɛɛ ji ta rip ɛbhɛ ɛdɛ ɛkɔn nang.”

ɛTomɛ 11:24

ɛBanabas sa kaa ne ku so ɛnyi ɛyɛnɛng, hyɔrɔ ne iKabyik ɛTaanggbey gbik ne ìnang ne itin. Ninyi na gbom ne tes en ninaa ne roos ɛDaray yegha.

ɛTomɛ 9:36

ɛDɛ ɛhaa ne roos sa kaa ne sonɛ ne iYopa ne kaa bok ɛbhɛ ɛTabita, ne ta yeres ɛbhɛ ɛDokas ne ilem ne iGirik. ɛTabita gha kaa mɔn nikɔn niyɛnɛng cɛcɛɛy, ɛ ta phyighis ninyi nihala.

iRooma 12:18

Mɔn ɛn ɛkɔn na ne aa yɛɛ ne mɔn ɛn te ɛ shɛɛ ɛn ncaang nɛ ninyi na gbik.

iRooma 12:9

Te ishwim mon da teye ivaa ne itin nɛ. Mbaray ɛn nyini ɛkɔn na ne ɛ so ɛbebhe te ɛ wum ɛn ɛkɔn na ne ɛ kɛ jam gɛgɛy.

iRooma 15:14

Nigwaa ɛn, me ne ito nge nzi yɛɛ ɛli ne ɛ kɛ jam ɛn gbom, ɛ bok ɛn ishweng ngga gbik ɛli ne aa yɛɛ ne mɛmɛ ɛn nigwaa mon nɛ.

1 iKɔrɔntos 12:8

iKabyik ɛTaanggbey de kɛ nang ɛdɛng ivol ne ntsɛntsɛng, iKabyik idaan nɛ ne ma ta nang ɛdɛng ishweng.

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

2 iKɔrɔntos 6:6

Njwi kɛ ne tɔɔrek nyini na wu njwi soye ninaa ɛtomɛ ɛTaanggbey ya lenɛ ne iKabyik ɛTaanggbey de ne iphɛ so ndɔ mos, lenɛ ne ishwɛɛ kang mos, ne ishweng mos, ne ɛbɔk mos, ne iyɛnɛng mos, ne ishwim mos ivaa ne itin nɛ,

2 iKɔrɔntos 7:11

Yaang ɛn ɛkɔn na ne ibees irway da ne ɛTaanggbey ya i sim mo kɛ yɛk ndɔ ne irway mon da: Ifɛ kɛ te ɛ yɛk ɛn cwacwat ne hyere ishwɛɛ mon. Ifɛ kɛ te ɛ te ɛn njenjek, ɛ ta wum ɛn ɛnik. Ifɛ kɛ te ɛ yɛk ɛn ne irway, ɛ ta yel-le ɛn tsik ne ihwet. Ifɛ kɛ te ɛ yaa sim ɛn igbaat ne ifɛ kɛ jam. Daa nikɔn nɛnaa wo ɛtsak, ɛ kɛ ne tɔɔrek ɛn sɔng ɛ kɛ ben ɛn nang.

2 iKɔrɔntos 9:10

ɛTaanggbey ya ɛbhɛ nang ɛnyi gha ihywee de ne aa tup po ɛ ta nang ire de. Ɛbhɛ aa ne nang nyini ihywee de ne ihywɛ yaa hɔn nyini ɛ tubhus ɛn. Aa ne te ìnang walala mon da hante ne ɛwɛng ɛtomɛ ɛyɛnɛng mon na.

iFisus 5:9

Daa ɛli ne iwɛwɛy de iphɛ i yɛɛs nɛ nikɔn niyɛnɛng, ne ishwɛɛ cik, gbik ne itin ne ibol.

iFilibi 1:11

Te ishwɛɛ mon da te hyɔrɔ nɛ nitomɛ nicik nɛ nibhɛ i le ɛlɔ ɛYɛso ɛKiriti, te i sɛ nang ɛTaanggbey yegha ne ndiinday i ta dɛp ɛbhɛ.

iFilibi 4:8

ɛTsim mɛ gbik nigwaa nge, te icwas mon da kyii daa ɛkɔn na ne ɛ so itin, ne ɛkɔn na ne ɛ kɛ hɔn sɛ nang ɛbhɛ ne ndiinday, ne ɛkɔn na ne ɛ sɛ so kancɛng, ne ɛkɔn na ne ɛ so wɛwɛy, ne ɛkɔn na ne ɛ yɛɛs ne ishwim, ne ɛkɔn na ne ɛ kɛ jam wɛɛ. Wu ɛdɛ ɛkɔn na sonɛ ne ɛ kɛ jam ɛ shɛs, ne ɛhaa ne ɛ kɛ hɔn idɛp, te icwas mon da ne kyii ne ɛdak kɛ.

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

1 iTasɔlɔnika 2:7

Njwi kɛ boos nyini ihywɛɛ ɛli ne nikuk i boos ninɔn nishesheng nibhɛ.

1 ɛTimɔti 5:21

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti gbik nɛ nimalɛka ne kɛ kasa wu te ˆɛ roos ikpii ne bol lɛdaa wo wɛlɛng sim ito, ne i sim ɛdɛng ɛ phyin ɛdɛng.

2 ɛTimɔti 2:24

Sɔng ɛhaa ne mɔn ɛtomɛ ɛDaray ya teye ɛhaa ne boos izok ge nang; te ɛ yang teye ɛnyi ɛyɛnɛng ɛlɔ ninyi na gbik, ɛhaa ne yɛɛ ne mɛmɛ ninyi nɛ ne ɛhaa ɛbɔk.

ɛTitus 1:15

ɛLɔ ɛnyi gha ne irway ɛbhɛ da so wɛwɛy yo, gbik nikɔn na ne so wɛwɛy. ɛLɔ ɛnyi gha ne ɛ kɛ teye ɛkɔn ne ishis sa, ɛ ta sang bok ìnang ne itin de sɔng ɛdɛ ɛkɔn na ne so ɛwɛwɛy ɛlɔ ɛbhɛ nang. Daa ɛli ne irway nibhɛ da gbik ne icwas nibhɛ da kɛ ku bees se.

ɛTitus 3:2

Sɔng nibhɛ bol ivol ikpɛɛ daa ɛnyi nang. Tɛ nibhɛ bok irway ne laal, nibhɛ shɛɛ hywɛɛ, nibhɛ laasek itso nibhɛ ɛlɔ ninyi na gbik.

iBirani 12:11

Sɔng igbaat da i jam nten de ne i gbaat ɛnyi gha nang, ifɛ yang rɔ. Yaa ne sɛ ɛtsim mɛ, ifɛ yaa ne ji yɛɛs ne irway ne laal gbik ne icik daa ɛnyi gha ne ɛ kɛ mɛmɛ ne ɛkɔn daa ne igbaat tɛ.

iBirani 12:14

Mɔn ɛn gbik ɛkɔn na ne ˆaa yɛɛ ne mɔn ɛn te ˆɛ shɛɛ ɛn ncaang nɛ ninyi na gbik. iPhɛ ɛlɛy, tul ɛn nyini kang, daa ɛli ne sɔng ɛnyi sɛ yɛɛ ne yaang ɛDaray yegha wu ɛ kɛ sang tul le kang ngo nang.

ɛYakub 1:17

Gbik ɛdɛ ɛkɔn ɛyɛnɛng hyɔrɔ gha ne kɛ nang ɛ le daa ne irywa. Ɛ le ɛlɔ ɛTaanggbey ne ɛ so ɛTaa, ɛhaa ne ɛbhɛ ɛ kɛ ryɔng iroy, ne ifɛl gbik nɛ niyuyɔrɔ nɛ nibhɛ soye iwɛwɛy daa ne irywa. ɛHaa ne hame ɛ sunuuy, ɛ sang hyeeme te ɛlɔ ɛsirim.

ɛYakub 1:5

Wu ɛdɛ mon ne sang ntsɛntsɛng, te ne ɛ roo ɛTaanggbey ye ne ɛbhɛ ɛ so ɛhaa ne nang izɛɛng ngge walala tang kyii bol ivol ne ɛdak kɛ, ɛTaanggbey ya yaa ne nang ɛbhɛ.

ɛYakub 2:13

Daa ɛli ne nten ne bol ɛshara de, sɔng ɛTaanggbey ya sɛ ne san iyɔm ɛnyi gha ne ɛ kɛ sang san iyɔm ɛbyin ninyi na nang. iSan iyɔm be sɛ ne yang re ɛwɛng daa ne hyɛ ɛshara gha.

ɛYakub 2:4

Kaabi ˆɛ kɛ tɔɔrek ɛn sim ito ndɔ mon no, ˆɛ ta hyɛghɛ ɛn ɛshara ne icwas ivebhe.

ɛYakub 3:15

Sɔng ihywee ne ntsɛntsɛng ngɛdee wo so ihywee ne izee ne ihywɛ le daa ne irywa nang, ihywɛ yang so izee ɛzay. Sɔng ihywɛ ne ta so izee ne ikabyik nang, ihywɛ so izee niphoo.

ɛYakub 4:8

Yɛɛs ɛn cɛcɛk ne ɛTaanggbey ya aa ne ma yɛɛs cɛcɛk ne nyinɛn. Nyinɛn ninaa ne ɛfɔt ta, kuus ɛn ibɔ mon ndɔ ɛtomɛ ne ɛfɔt ta, nyinɛn niluk ka te ɛn irway mon wɛwɛy.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

1 ɛBiturus 2:1

iPhɛ ɛlɛy, ne ɛ hosop ɛn nyini ne ibebhe de, ne irywɛɛk ga, ne iluk ga, ne waa irway da, gbik ne ivol ikpɛɛ da.

1 ɛBiturus 2:18

Nyinɛn nikpuru na, roos ɛn ibol nikyɛɛ ne idee mon de. Sɔng ne ɛ roos ɛn ibol ninaa nɛ nibhɛ kɛ jam nibhɛ so ihywee zɔng nang, ma roos ɛn ibol ninaa nɛ nibhɛ so nzɔwɔkɔk ne mang.

1 ɛYohana 3:18

Nyinɛn ninɔn nge ne nzi sim, sɔng njwɛɛn tɔɔrek ishwim ba daa ne igbɛrɛ ɛnu nang, te njwɛɛn yang tɔɔrek ifɛ daa ɛtomɛ ne njwɛɛn i mɔn nɛ ne itin nɛ.

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.