ɛYakub 3:13 - ɛWee ne ìTsɛm iHywas

¹³ ɛHay ɛbhɛ bok ntsɛntsɛng gbik ne ishweng ndɔ mon noo? Te ne ɛ tɔɔrek iphɛ daa ne ishwɛɛ iywɛnɛng gbik nɛ nitomɛ niyɛnɛng ne ɛ mɔn ne irway ilyaak ne i sɛ lenɛ ne ntsɛntsɛng ngge.

ɛYakub 3:13 ပူးပေါင်းရင်းမြစ်များ

iGalatiya 5:23

ilyaak, gbik ne wum ito. Sɔng ɛShara gha so daa nikɔn nɛ na wo nang.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

ɛMacu 5:5

Ninaa ɛwɛng ngaa nggyɛy nɛ nibhɛ roos nɛ lyaak, daa ɛli ne ɛzay ya sɛ teye isha nibhɛ.

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

ɛTitus 3:2

Sɔng nibhɛ bol ivol ikpɛɛ daa ɛnyi nang. Tɛ nibhɛ bok irway ne laal, nibhɛ shɛɛ hywɛɛ, nibhɛ laasek itso nibhɛ ɛlɔ ninyi na gbik.

2 ɛTimɔti 2:25

Te ɛ mɛmɛ ninaa ne iphup ne imɛmɛ ɛbhɛ da nɛ ndɔ ne ihywɛɛ, yaa rɔk lenɛ ɛlɛ wo ɛTaanggbey ya nang nibhɛ ɛnkiinɛ nibhɛ san ɛbɔk, nibhɛ seng itin de.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

1 ɛTimɔti 6:11

iGyɛ ne ɛTimɔti wo ne ɛ soyɛ ɛnyi ɛTaanggbey, tel nikɔn nɛnaa wo. See ito ne tɔk ihywel cik, ne ishwɛɛ ihywee ne ishwɛɛ ɛTaanggbey, ne ìnang ne itin, ne ishwim, ne rop iku gbik ne ihywɛɛ.

ɛYakub 2:18

ɛDɛng sɛ yɛɛ ne yɔngɔ, “iGyɛ wo ɛ bok ìnang ne itin de, mee wo ne ma n bok nitomɛ.” Nzi ne bo, tɔɔrek me ìnang ne itin mo de tang nitomɛ na, naa ne tɔɔrek kɛ ìnang ne itin nge de lenɛ nɛ nitomɛ nge na.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

ɛYakub 1:21

iPhɛ ɛlɛy, ne ˆɛ hana ɛn ishwɛɛ ne ishis da ne ibebhe de gbik. Te ɛ say ɛn ibol de ne kɛ tup ndɔ ne irway mon da ne irway lyaak. iBol de ne iphɛ i yɛɛ ne phɔt nyini wo.

1 ɛTimɔti 4:12

Sɔng ɛ sim ɛnyi bɛɛs sɛdaa ɛli ne ɛ tɔ ne ifas nang. Yang teyɛ ɛkɔn ne mɛmɛ nɛ ɛlɔ ninaa ne roos sa ndɔ ne ivol mo, ne ishwɛɛ mo, ne ishwim mo, ne ìnang ne itin mo gbik ne ishwɛɛ wɛwɛy mo.

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

ɛMacu 11:29

Nang ito mon ndɔ ne ikpii nge da tɛ nɛ mɛmɛ ɛn nɛ ne mee. Nzo lyaak, ne n da so hywɛɛ, aa ne sɛ ɛn ifɔng ndɔ ne irway mon.

ɛYakub 3:1

Nigwaa en, sɔng iday mon sim nibhɛ teye nikyɛɛ ne icwam ma nang, daa ɛli ne ˆɛ yɛɛ ɛn njwit to ne njwi soye nikyɛɛ ne icwam ma, sɛ bol njwii ɛshara gha ne ihwet i phyin ɛbyin ninyi na.

iFisus 4:2

Shɛɛ ɛn lyaak cɛcɛɛy, te ɛ so ɛn hywɛɛ, ne ɛbɔk. Boos ɛn nigwaa ndɔ ne ishwim.

iGalatiya 6:4

Te ɛrɔngɔ tɛɛsek ɛtomɛ ɛbhɛ ne ito ɛbhɛ. Wu ɛtomɛ yɛ kɛ jam, aa ne yɛɛ ne hal le ɛggyɛy. Sɔng ne ɛ ten ito ɛbhɛ de ne ɛhak ɛnyi nang.

iGalatiya 6:1

Nigwaa en, wu kɛ sɛ ɛnyi gha mɔn ɛfɔt to, nyinɛn no ne ɛ so ɛn ndɔ ne ikabyik ge, ne ɛ kyi ɛn ne ɛbhɛ ne nkiinɛ wo hywɛɛ. Tɛ ne ɛ ma wɛɛ ɛn nyini yɛnɛng, ɛlɔ ne aa ma yung kyibhɛ ɛn daa ne tɛrɛk kɛ ne mang.

2 iKɔrɔntos 8:24

iPhɛ ɛlɛy ne ɛ tɔɔrek ɛn ninyi yɛnaa wo wu ɛtsak ɛ bok ɛn ishwim. Ne ɛ ta tɔɔrek ɛn nibhɛ ɛkɔn na ne ɛ kɛ te njwii hal ɛgyɛy ya ne nyinɛn no, te idira ninaa ne roos de ne ma yaang wu iphɛ so ɛlɛy.

ɛMacu 21:5

“Mɔng ɛn ninyi ne iSihiyɔɔna na, ‘ɛGɔm mon nɛghaa ɛ yaaso! Ɛ so lyaak, ɛ kɛ taay daa ɛjaakyi, daa ɛngɔn ɛjaakyi ne ɛ sonɛ.’ ”

1 ɛBiturus 3:4

Te izel lɛ yang teye izee ne irway, kaabi izel ne ihywɛɛ gbik ne ìyak ne ihywɛ sang bees se, ihywɛ so ɛkɔn ne dɛp ɛlɔ ɛTaanggbey.

1 iKɔrɔntos 6:5

Nggɛ boote ibol lɛdee wo te ɛ wum ɛn ncwa. Wɛlɛng ɛdɛng ndɔ mon no ne ɛ bok ntsɛntsɛng ne ɛ sɛ yɛɛ ne ryɔng nigwaa na ivol daa?

ɛMacu 7:24

“iPhɛ ɛlɛy, ɛhiha ɛnyi ne ɛ kɛ tenes ivol lɛdaa wo, ɛ ji mɔn ɛtomɛ ne ifɛ, ne ɛ so te ɛnyi ɛntsɛntsɛng ne ɛ kɛ lɔl ijwee ɛbhɛ daa ne ɛphang.

iBirani 13:5

Shɛɛ ɛn kyaam daa ne irway ne sim ijam be. Te ɛkɔn na ne ɛ bok ɛn no hɔn nyini. Daa ɛli ne ɛTaanggbey ya bo, “Sɔng naa tek kɛ nang, sɔng nzɛ ne hana yɛ nang.”

1 ɛBiturus 1:15

iPhɛ ɛlɛy, daa ɛli ne ɛTaanggbey ya ne ɛ kɛ yel-le nyini wo ɛ so kang ngo nang, ne ɛ ma tul ɛn nyini kang te ɛTaanggbey ya.