ɛYakub 2:25 - ɛWee ne ìTsɛm iHywas

²⁵ Ɛlɛy ne phɛ kaa te ne ɛRahaba ne ɛ kaa so ɛkuk ne re shwaa. Kaa say ɛbhɛ wo ɛ so cik ɛnu ɛyisɛ ɛTaanggbey ya lenɛ ne ɛtomɛ ɛbhɛ ne ɛ kaa mɔn nten de ne ɛ kaa nang ninaa ne ta ɛduk ka ɛlɔ ne ra gha ɛ ta phyik nibhɛ nibhɛ roos ɛnkiinɛ ɛhak ko nibhɛ phɔt en no.

ɛYakub 2:25 ပူးပေါင်းရင်းမြစ်များ

ɛMacu 1:5

ɛSalamon na ne so ɛkyɛɛ ɛBowas. Kaa ne i bok ɛgyinɛ ɛBowas sa ɛRahaba. ɛBowas gha ne so ɛkyɛɛ ɛBadi. Kaa ne i bok ɛgyinɛ ɛBadi gha ɛRuut. ɛBadi gha ne so ɛkyɛɛ ɛYɛsɛ.

ɛMacu 21:31

“ɛYaphɛɛ yɛ ndɔ ninɔn ifaa yɛnaa wo ɛbhɛ kɛ mɔn ɛkɔn na ne ɛkyɛɛ gha sim me? “Nibhɛ ne yaak ɛYɛso yegha, ‘ɛKɔɔn na.’ “ɛYɛso gha ne yaak nibhɛ nzi tɔng nyini itin nɛ, ninaa ne saasel ijam ne ivel nɛ nikuk ne re shwaa na sɛ bhɛ leesel ne igbɔm ɛTaanggbey da ɛyisɛ mon.

ɛTomɛ 17:7

ɛYason na kɛ ne say nibhɛ ne ijwee ɛbhɛ. Nibhɛ wo gbik i ne mɔn ɛkɔn na ne ɛ so kyii ne ikpii ɛKɛɛsat da, nibhɛ bo wo ɛdɛ ɛgɔm ma sonɛ ne bok ɛbhɛ ɛYɛso.”

iBirani 11:31

Kaa lenɛ ne ìnang ne itin de, ɛRahaba ne ɛ kaa so ɛkuk ne re shwaa ne sɛ iphɔrɔt. Sɔng ne phoo ɛbhɛ nang, daa ɛli ne ɛ kaa say ninaa ne ta ɛduk ne ivel la tɛ nitaay.

ɛYakub 2:18

ɛDɛng sɛ yɛɛ ne yɔngɔ, “iGyɛ wo ɛ bok ìnang ne itin de, mee wo ne ma n bok nitomɛ.” Nzi ne bo, tɔɔrek me ìnang ne itin mo de tang nitomɛ na, naa ne tɔɔrek kɛ ìnang ne itin nge de lenɛ nɛ nitomɛ nge na.

ɛYakub 2:22

Yaang ɛn. ìNang ne itin ɛbhɛ de gbik nɛ nitomɛ ɛbhɛ na kaa ku hyel kancɛng, ìnang ne itin ɛbhɛ de ne shwaak ghe lenɛ nɛ nitomɛ ɛbhɛ na.

ɛYakub 2:24

Ne ˆɛ yaang ɛn, i lenɛ nɛ nitomɛ ɛnyi na, ɛTaanggbey ya ne say ɛbhɛ wu ɛ so cik, sɔng i lenɛ ne ìnang ne itin zɔng nang.