ɛYakub 2:18 - ɛWee ne ìTsɛm iHywas

¹⁸ ɛDɛng sɛ yɛɛ ne yɔngɔ, “iGyɛ wo ɛ bok ìnang ne itin de, mee wo ne ma n bok nitomɛ.” Nzi ne bo, tɔɔrek me ìnang ne itin mo de tang nitomɛ na, naa ne tɔɔrek kɛ ìnang ne itin nge de lenɛ nɛ nitomɛ nge na.

ɛYakub 2:18 ပူးပေါင်းရင်းမြစ်များ

ɛYakub 3:13

ɛHay ɛbhɛ bok ntsɛntsɛng gbik ne ishweng ndɔ mon noo? Te ne ɛ tɔɔrek iphɛ daa ne ishwɛɛ iywɛnɛng gbik nɛ nitomɛ niyɛnɛng ne ɛ mɔn ne irway ilyaak ne i sɛ lenɛ ne ntsɛntsɛng ngge.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

ɛYakub 2:14

Nigwaa en, wu ɛdɛ ɛnyi gha kɛ yɔng wu i bok ìnang ne itin de nitomɛ na ne ɛ mɔn no sang kyii tɔɔrek ɛlɛy, iyɛnɛng ngɛ ne so ɛbii? iHywee ne ìnang ne itin nɛdee wo sɛ yɛɛ ne phɔt ɛbhɛ?

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

ɛTitus 2:7

Ndɔ nikɔn na gbik teyɛ ɛkɔn ne mɛmɛ nɛ ɛlɔ nibhɛ gha daa ne mɔn nikɔn niyɛnɛng. Ndɔ ne imɛmɛ mo da tɔɔrek itin nɛ, sɔng ˆɛ ra ne ijɔwɔ nang.

iRooma 14:23

Wu ɛnyi gha ne ɛ kɛ to irway daa ɛkɔn na ɛ kɛ re wo, kɛ ne hyɛ ɛbhɛ ɛshara daa ɛli sɔng ɛ kɛ re daa ìnang ne itin nang. Gbik ɛkɔn na ne ɛ sang lenɛ ne ìnang itin de, ne ɛ soye ɛfɔt.

iBirani 11:31

Kaa lenɛ ne ìnang ne itin de, ɛRahaba ne ɛ kaa so ɛkuk ne re shwaa ne sɛ iphɔrɔt. Sɔng ne phoo ɛbhɛ nang, daa ɛli ne ɛ kaa say ninaa ne ta ɛduk ne ivel la tɛ nitaay.

iBirani 11:33

Kaa lenɛ ne ìnang ne itin nibhɛ de, nibhɛ ne re nigɔm ne itsom, nibhɛ bol ɛshara ntin, nibhɛ ne say ɛkɔn na ne ɛTaanggbey kɛ ku sim-mɛ, nibhɛ cwamas ninu nikuramanza.

iBirani 11:6

Wɛlɛng ɛnyi ne aa te ɛTaanggbey yegha phok iyɛnɛng tang ɛ kɛ nang ne itin nɛ. Daa ɛli ne gbik ɛnyi gha ne ɛ yaaso ɛlɔ ɛTaanggbey ya, iphɛ so nggbinggbing ɛ nang ne itin nɛ wu ɛTaanggbey ya sonɛ. Wu ɛ mɔn ninyi na nɛ nibhɛ tɔk ɛbhɛ wo iyɛnɛng.

1 iKɔrɔntos 13:2

Nzɛ kyi bok izɛɛng ne bol te ɛnɛbi, n da yɛɛ ne seng ɛkɔn na ne ɛ so gying, n da bok ishweng nikɔn na gbik, n da bok ìnang ne itin ne iphɛ bok ihwet ne iphɛ sɛ yɛɛ ne shoom ivarang, wu ne n sang bok ishwim ba, sɔng ne nzo ɛkɔn nang.

iRooma 3:28

Njwit to njwi bo wu ɛTaanggbey ya sɛ bhɛ say ɛnyi gha wu ɛ so cik ko lenɛ ne ɛ kɛ nang ne itin nɛ, sɔng lenɛ ne ɛ kɛ roos ikpii ɛshara nang.

2 iKɔrɔntos 7:1

Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

iRooma 4:6

iCwas sɛdaa wo ne ɛDoda gha kaa bok nten de ne ɛ kaa bol daa ɛwɛng nga ne sɛ nang ɛnyi gha ne ɛTaanggbey ya kɛ say ɛbhɛ wu ɛ so cik ko, sɔng ibol ɛtomɛ nang, ne ɛ kaa yɔngɔ,

iRooma 9:19

ɛDɛ mon sɛ ne yɛɛ ne yaak me, “Wu iphɛ ne so ɛlɛ wo ikyee iphɛ kɛ ne te ɛTaanggbey ya ne tɔ bo wu njwɛɛn soye ninaa ne ɛfɔt ta i? ɛDɛ ɛnyi gha sɛ yɛɛ ne mbaray ɛkɔn na ne ɛTaanggbey ya sim mo be?”