ɛYakub 2:14 - ɛWee ne ìTsɛm iHywas

¹⁴ Nigwaa en, wu ɛdɛ ɛnyi gha kɛ yɔng wu i bok ìnang ne itin de nitomɛ na ne ɛ mɔn no sang kyii tɔɔrek ɛlɛy, iyɛnɛng ngɛ ne so ɛbii? iHywee ne ìnang ne itin nɛdee wo sɛ yɛɛ ne phɔt ɛbhɛ?

ɛYakub 2:14 ပူးပေါင်းရင်းမြစ်များ

ɛLuka 6:49

ɛNyi gha ne ɛ kɛ ne tenes ibol nge de, ɛ mbaray tang roos iphɛ wo nang, ɛ so te ɛnyi gha ne ɛ kɛ lɔl ijwee ɛbhɛ tang ɛtum. Kɛ ne sɛ inɛn ne ihywel kɛ bo ne ɛzay, mpɛ ne kyiri ijwee wo, ifɛ ne bungaay, ifɛ sirit re, gburung! Gburung.”

ɛTitus 1:16

Nibhɛ bo wu nibhɛ i yɛɛ ɛTaanggbey ye, ɛtomɛ nibhɛ gha i ne kyi ton iyɛɛ ɛTaanggbey yeda. Nibhɛ soye ɛkɔn ne ishis, nisang-phok, sɔng nibhɛ kɛ ma yung jam mɛ nibhɛ sɛɛ mɔn ɛkɔn ɛyɛnɛng nga nang.

2 ɛBiturus 1:5

iPhɛ ɛlɛy, ne ɛ mɔn ɛn ɛkɔn na ne aa yɛɛ ne mɔn ɛn te ɛ hante ɛn ne ìnang ne itin mon de ne iyɛnɛng, ɛ ji hante ɛn iyɛnɛng ngge ne iyɛɛ ɛTaanggbey ye.

ɛYakub 2:26

iPhɛ ɛlɛy, ɛli ne ibek ge ne iphɛ sang ikabyik ge so ikom be, ɛlɛy ne ìnang ne itin de ne iphɛ sang nitomɛ na ne ma so ikom.

iBirani 11:17

Kaa lenɛ ne ìnang ne itin de, ɛBaraying nga ne nang ɛngɔn ɛdaan ɛbhɛ te hap ɛTaanggbey ye ne itsanga, nten de ne kaa tɛɛsek ɛbhɛ ɛBaraying nge gha. ɛBaraying nga ɛ kaa say ibol ne ɛTaanggbey kɛ rop ne ɛbhɛ, gbik ne iphɛ ɛlɛy, ne ɛ jung yɛk ne iyɔk kɛ aa nang ɛngɔn ɛbhɛ gha.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

ɛYakub 2:18

ɛDɛng sɛ yɛɛ ne yɔngɔ, “iGyɛ wo ɛ bok ìnang ne itin de, mee wo ne ma n bok nitomɛ.” Nzi ne bo, tɔɔrek me ìnang ne itin mo de tang nitomɛ na, naa ne tɔɔrek kɛ ìnang ne itin nge de lenɛ nɛ nitomɛ nge na.

ɛTomɛ 8:21

Sɔng ɛ bok ɛkɔn ne aa mɔn ndɔ ɛtomɛ yɛghaa wo nang, daa ɛli ne sɔng irway mo da so cik ɛnu ɛyisɛ ɛTaanggbey ya nang.

ɛMacu 5:20

Nzi bok nyini, wu ɛ kɛ sang hyel ɛn cik ɛ phyin ɛn niFarisawa na nɛ ninaa ne kpɛl ɛShara gha, ɛtsak kɛ sɔng ɛ sɛ ne bhɛ lel ɛn ne igbɔm ɛdaa ne irywa da nang.

ɛTitus 3:8

iBol lɛdee wo so sɛ kyinak nɛ. Nzi ne sim te ɛ sɛ tiil ninyi na nikɔn nɛnaa wo gbik. Tɛ ninyi na nɛ nibhɛ kɛ nang ne itin nɛ ne ɛTaanggbey ya ne nang ihwet nibhɛ gbik ɛlɔ ne mɔn nikɔn niyɛnɛng. Nikɔn nɛnaa wo kɛ jam gbom, nibhɛ ne bok iphyik daa ninyi na gbik.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

iGalatiya 5:13

Nyinɛn nigwaa en no, sɔng kɛ yel-le nyini te ɛ shɛɛ tɛ nikpuru nang. Sɔng ishwɛɛ yɛdaa nggyɛ wo ne te nyini ɛ yaa mɔn ɛn nikɔn na ne ɛ sim ɛn nang. Te ishwɛɛ yɛ yang te ɛ te ɛn nyini nikpuru nigwaa mon lenɛ ne ishwim.

1 iKɔrɔntos 15:2

Kɛ lenɛ ne iBol iYɛnɛng ngɛdee wo i phɔt nyini, wu ɛ kɛ wum ɛn iphɛ gɛy ɛli ne nggaa tɔng nyini wo. Kang ne iphɛ ɛlɛy, ɛ kɛ ne nang ɛn ne itin de buu.

ɛTomɛ 15:9

Sɔng ɛTaanggbey ya kaa tɔɔrek wu njwɛɛn lap bhe nibhɛ nibhɛ wo nang daa ɛli ne ɛ kuus irway nibhɛ da ifɛ te wɛwɛy lenɛ ne ìnang ne itin nibhɛ.

ɛYakub 2:16

ɛDɛng ndɔ mon no ne ji yaak ɛbhɛ, “Cwi ɛn ncaang, te ɛTaanggbey nang nyini itsura da ne ire de,” ɛ sang nang nibhɛ itsura da ne ire de, iyɛnɛng ngɛ ne ji so ɛbii?

1 ɛTimɔti 4:8

iGbaat ne ibek ga bok iphyik, ishwɛɛ ihywɛɛ ne ishwɛɛ ɛTaanggbey da ne bok iphyik ga ndɔ nikɔn na gbik. Daa ɛli ne ishwɛɛ ihywee ne ishwɛɛ ɛTaanggbey da kɛ sim njwɛɛn iken ɛlyilyɛghaa wo gbik ne ɛzay ne ɛ yaaso.

ɛTomɛ 8:13

ɛSimɔn na ne ma nang ne itin nɛ ne yɛk ɛbhɛ ne ibatisima de ne mang. Ne ɛ kungus ɛFilibus segha, ɛFilibus sa ne i mɔn igbaang nikɔn ne kparat nɛ nikɔn ne ɛnik, ɛSimɔn na ne i wɛɛ zii.

1 iKɔrɔntos 16:22

Gbik ɛnyi gha ne ɛ sang sim ɛDaray yegha, ne ɛ soye ɛkawɛy. Yɛɛs, ɛDaray yɔɔy.

iRooma 2:25

Wu ɛ kɛ ne shwaak ɛkɔn na ne iMɛmɛ da bol lo, ihyɛ itee mo da ne so ɛkɔn ɛyɛnɛng; wu ɛ kɛ ne sang shwaak, sɔng ne ˆɛ lap nyini ne ɛhaa ne kɛ sang hyɛ ɛbhɛ itee de nang.

ɛLuka 3:11

ɛYohana gha ne kyii nɛ, ɛ yaak nibhɛ, “ɛNyi gha ne ɛ bok itsura ifɛ ifaa, te ɛ nang ɛhaa ne ɛ sang ɛdɛng, ɛhaa ne ɛ bok ire nang, te ne ɛ ma mɔn ɛlɛy.”

ɛYakub 1:16

Nigwaa nge ne nzi sim, sɔng ˆɛ sim ɛn luk nyini nang.