ɛYakub 1:6 - ɛWee ne ìTsɛm iHywas

⁶ Wu ˆaa ne roo wo, iphɛ ne so nggbinggbing ˆɛ nang ne itin nɛ, sɔng ˆɛ to irway nang. Daa ɛli ne ɛhaa ne to irway da so te igbugbung inɛn ɛling ne igbil i banas, ifɛ i hyeem nilɔ na gbik.

ɛYakub 1:6 ပူးပေါင်းရင်းမြစ်များ

ɛMacu 14:28

ɛBiturus sa ne kyii nɛ, ɛ yaak ɛYɛso yegha, “ɛDaray, wu igyɛ, ne ɛ yɛk ngɛ n yɛɛs n sɛ yɛdaa inɛn da.”

ɛTomɛ 10:20

Yilitsik te ɛ tɔm ɛ roos nibhɛ, sɔng ɛ to irway yang mee nggɛ tom nibhɛ.”

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

1 ɛTimɔti 2:8

Ndɔ ne ijwira ninaa ne roos da, nzi ne sim tɛ niras sa sɛ i bol ne ɛTaanggbey, iphɛ ne so nggbinggbing niras sɛ soye ninaa ne ishwɛɛ nibhɛ kɛ jam ɛTaanggbey yegha. Yaa ne sɛ nibhɛ kɛ tɔɔk ibɔ de nibhɛ yaa bol ne ɛTaanggbey ya, tɛ nibhɛ ne mɔn ɛlɛy wɛlɛng njenjek ne ishamas.

iBirani 10:23

Nɛ njwɛɛn ta kyinak gɛgɛy daa ne sit irwisɛ yɛdaa nggyɛ wo ne njwɛɛn ku bok ko, i ta bol lo, daa ɛli ne ɛTaanggbey ya ne ɛbhɛ kɛ ku sim njwɛɛn nɛwo so sɛ kyinak daa ne ibol ɛbhɛ.

iBirani 11:6

Wɛlɛng ɛnyi ne aa te ɛTaanggbey yegha phok iyɛnɛng tang ɛ kɛ nang ne itin nɛ. Daa ɛli ne gbik ɛnyi gha ne ɛ yaaso ɛlɔ ɛTaanggbey ya, iphɛ so nggbinggbing ɛ nang ne itin nɛ wu ɛTaanggbey ya sonɛ. Wu ɛ mɔn ninyi na nɛ nibhɛ tɔk ɛbhɛ wo iyɛnɛng.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

ɛYakub 1:7

Sɔng ihywee ɛnyi yɛ de wo ne yɛk ne irway wu yaa sɛ ɛkɔn ɛlɔ ɛDaray ya nang,

ɛYakub 5:15

iBoote yɛdaa wo ne kɛ boote ne ɛTaanggbey ya ndɔ ne ìnang ne itin de, i ne te ɛnyi ɛsha gha ɛken. ɛDaray ya yaa ne ta te ɛbhɛ ɛken. Wu ɛ kɛ ne ta mɔn ɛfɔt, yaa ne hana ɛbhɛ nɛ.

2 ɛBiturus 2:17

Ninaa ne tɔng irywɛɛk kɛdaa nggyɛ wo so te irong ne iphɛ sang inɛn, te inɔp ne igbil i tobhos. ɛTaanggbey ya kɛ ne ku ryɔng nibhɛ ɛlɔ ndɔ ne ɛgbaang ne ibong gbyighilik.