ɛYakub 1:25 - ɛWee ne ìTsɛm iHywas

²⁵ ɛNyi gha ne ɛ kɛ kyii ne ihywɛɛ ɛbhɛ de daa ne phɛl imɛmɛ yɛdaa wo ne ifɛ so hyɔrɔ wo, ifɛ i nang ɛnyi gha ishwɛɛ ne ito ɛbhɛ da, yaa ne sit ɛbhɛ ne ɛwɛng daa nikɔn na ne ɛ mɔn no. Yaa sit ɛbhɛ ne ɛwɛng nga wu ɛ kɛ sang teye ɛhaa ne phok zɔng ɛ tenɛ bap, ɛ yang kyii teye ɛhaa ne ɛ kɛ yɛk ne ito ndɔ ne mɔn ɛtomɛ ne iphɛ.

ɛYakub 1:25 ပူးပေါင်းရင်းမြစ်များ

ɛLuka 11:28

ɛYɛso gha ne kyii nɛ, ɛ yaak ɛbhɛ, “Ninaa ɛwɛng ngaa yang so ninaa nɛ nibhɛ kɛ phok ibol ɛTaanggbey de, nibhɛ roos iphɛ.”

ɛYohana 13:17

ɛLyilyɛghaa wo ne ˆɛ kɛ seng ɛn nikɔn nɛnaa wo, ˆaa ne sɛ ɛn ɛwɛng wu ɛ kɛ mɔn ɛn nibhɛ.”

1 ɛBiturus 2:16

Shɛɛ ɛn ishwɛɛ ne ito mon, sɔng ishwɛɛ ne ito mon da ne kyii te nyini ɛ yaa mɔn ɛn ɛfɔt nang, yang shɛɛ ɛn tɛ nikpuru ɛTaanggbey ya.

ɛYakub 2:12

iPhɛ ɛlɛy bol ɛn ivol mon da, ˆɛ ta mɔn ɛn ɛtomɛ mon ɛli ne iphɛ yaa tɔɔrek wu ˆɛ so ɛn ninyi ne sɛ bol nibhɛ ɛshara daa ne ikpii da ne ifɛ i nang ninyi ishwɛɛ ne ito nibhɛ.

iGalatiya 5:1

ɛKiriti ɛbhɛ kɛ phɔt njwɛɛn, sɔng njwɛɛn ne tɔ nikpuru nang. iPhɛ ɛlɛy, ne ɛ kyinak ɛn nting sɔng ɛ ta sim ɛn ta rop nyini ne nyang ngge tɛ nikpuru na nang.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

1 ɛTimɔti 4:16

Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.

2 iKɔrɔntos 13:5

Tɛɛsek ɛn itso mon, ɛ phom ɛn itso mon te ɛ seng ɛn hang ɛɛ shɛɛ ɛn ndɔ ne ìnang ne itin da yɔɔ. Ɛ doo ɛn ɛli ne ɛYɛso ɛKiriti gha so ndɔ mon no naa? Wu ɛ doo ɛn ɛli ne ɛKiriti gha so ndɔ mon no, kaabi sɔng ɛ bok ɛn ɛbhɛ nang.

iRooma 11:22

ɛBɛ wo ne njwɛɛn i yaang iyɛnɛng ɛTaanggbey de ne njenjek ɛbhɛ. Ɛ kɛ tɔɔrek njenjek ɛbhɛ de daa ninaa nɛ nibhɛ kɛ ho, ne ɛ tɔɔrek kɛ iyɛnɛng ɛbhɛ wu ɛ shɛɛ ndɔ ne iyɛnɛng ɛbhɛ de. Wu ɛ kɛ ne sang mɔn ɛlɛy yaa ne ma tɛmɛ yɛ ndɔ ne itin de.

iRooma 8:15

Daa ɛli ne iKabyik ge ne ɛTaanggbey ya kɛ nang nyini wo sɔng iphɛ soye dee ne aa te ɛn nyini nikpuru ɛ yɛk ɛn ɛnik nang. Kwa! iKabyik kɛdee wo kɛ yang te nyini ɛ te ɛn nyini ninɔn ɛTaanggbey, i ne lenɛ ne iphɛ wo, njwɛɛn ne yel-le ɛTaanggbey yegha i yɔngɔ: “Abba! ɛTaa nge.”

iGalatiya 2:4

Kaa wuru ne ibol ne hyɛghɛ icwee da daa ɛli ne nidɛng nɛ nibhɛ luk wu i so nigwaa na mos kaa lel ndɔ mos so gying nibhɛ tɛ nibhɛ bees iphɔrɔt da ne njwi kɛ sɛ ɛlɔ ɛYɛso ɛKiriti, ɛlɛ wo nibhɛ kyi ta te njwii njwi kyii ta tes en nikpuru.

ɛYohana 8:36

iPhɛ ɛlɛy, wu ɛNgɔn na kɛ ne phɔt nyini wo, ˆɛ kɛ phɔrɔt ɛn nɛ ntin nɛ.

Nikɔn ne kɛ Phaal 14:13

Ne n phok idɛ izɔlɔs de le daa ne irywa ihywɛ bo, “Haal ɛbɛ, yaa tsa ɛlyilyɛghaa wo, ɛhaa ɛwɛng ngaa nggyɛ ne aa ku ɛ bok ìnang ne itin de ndɔ ɛDaray ya.” iKabyik ge ne i bo, “ɛTsak! Nibhɛ sɛ́ phɔng ndɔ ne nggbang nibhɛ da daa ɛli ne ɛtomɛ nibhɛ gha sɛ́ roos nibhɛ.”

1 ɛTimɔti 2:15

Gbik ne iphɛ ɛlɛy, nikuk ka sɛ ne sɛ iphɔrɔt da lenɛ nɛ ninɔn nɛ nibhɛ yaak, wu nibhɛ kɛ re ɛnu ɛyisɛ ndɔ ne ìnang ne itin ne ishwim ne itul le kang, gbik ne wum ito.

iRooma 7:12

iPhɛ ɛlɛy, kɛ ne tul iMɛmɛ ɛMuusaa da kang, ne ta tul ikpii da kang, cik, byirik.

ɛTomɛ 26:22

Gbik ne iphɛ ɛlɛy ɛTaanggbey kɛ ne phyik me nggɛ hɔn izenge wo. iPhɛ ne nggɛ kyinak ɛbɛ wo nzi tɔng igbaang ninyi nɛ nihala yɛ gbik ibol nikɔn de ne nggɛ yaang ngo. Sɔng ihak ibol ne nzi bol nang. Nzi yang bol ibol nikɔn de nɛ ninabawa gbik ne ɛMuusaa kaa ku yɔng wu nibhɛ sɛ tes.

ɛTomɛ 13:43

Ne sɛ ninyi na kɛ gas en niYahodawa na nɛ ninyi na nɛ nibhɛ kɛ lel ndɔ ne ikpii niYahodawa na gbom, nɛ nibhɛ re ɛTaanggbey yegha ntsong ngga, ne kungus ɛBulus segha ne ɛBanabas sa. ɛBulus sa ne ɛBanabas sa ne bol nɛ nibhɛ, nibhɛ kpɛng nibhɛ wu tɛ nibhɛ re ɛnu ɛyisɛ ne shɛɛ ndɔ ne izɛɛng ɛTaanggbey de.

iBirani 12:15

Wɛɛ ɛn yɛnɛng, sɔng ɛdɛ mon hyere ɛTaanggbey yegha ne ɛ nang izɛɛng ngge ɛduu nang. Sɔng ɛdɛ mon yɛk irway ivebhe ne ifɛ yaa hɔn ifɛ yɛɛs ne ishisim, ifɛ bees ninyi na gbom mo nang.

ɛTomɛ 2:42

Nibhɛ ne nang irway nibhɛ gbigbik daa nikɔn na ne ninɔn ne tom ma mɛmɛ nibhɛ nɛ wo, nibhɛ ne i byingis ìtsɛm, nibhɛ re ire ɛlɔ ɛdaan, nibhɛ ne jii roro.

Nikɔn ne kɛ Phaal 22:14

“Ninaa ɛwɛng ngaa nggyɛy nɛ nibhɛ kɛ kuus itsura nibhɛ, sɛ ne nang nibhɛ ɛnkiinɛ ne re iKpam ɛHon ne iKen da, nibhɛ ta roos ninu ne iduk nibhɛ lel ndɔ ɛgarang nga.

1 ɛYohana 2:24

Nyinɛn no, te imɛmɛ da ne ˆɛ kɛ phok ɛn ne ile ne ɛtum mɛ wo shɛɛ ndɔ ne irway mon. Wu iphɛ kɛ ne shɛɛ ndɔ ne irway mon da, ˆaa ne ma shɛɛ ɛn ndɔ ɛNgɔn na ne ɛTaa gha.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

iRooma 2:13

Sɔng i tenes ɛShara gha zɔng iphɛ te i say ɛnyi gha wu ɛ so cik ɛlɔ ɛTaanggbey ya nang, i yang say ɛnyi gha ne ɛ kɛ roos ikpii ɛShara da gbik.

iRooma 8:2

Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

iGalatiya 6:2

Tɔɔk ɛn nggbang nigwaa da, ɛlɛy ne aa ne shwaak ɛn ɛShara ɛKiriti gha.