ɛYakub 1:22 - ɛWee ne ìTsɛm iHywas

²² Te ɛn nyini ninaa ne mɔn ɛtomɛ ne ibol ɛTaanggbey de, sɔng ninaa ne tenes sɛ zɔng ngo nang, daa ɛli ne ˆaa yung luk ɛn ito mon.

ɛYakub 1:22 ပူးပေါင်းရင်းမြစ်များ

ɛMacu 12:50

Daa ɛli ne ɛhiha ɛnyi ne ɛ mɔn ɛkɔn na ne ɛKyɛɛ nge ɛdaa ne irywa gha sim mo, ɛbhɛ ne ɛ so ɛgwaa nge ɛras sa, ne ɛgwaa nge ɛkuk ka, ne ɛgyinɛ nge gha.”

ɛMacu 28:20

Te ɛ mɛmɛ ɛn nibhɛ nɛ, tɛ nibhɛ hyep nikɔn na gbik ne nzi bok nyini ɛlɛy yo. Ne n so ne nyinɛn cɛcɛɛy ɛzay ya phyii taal le.”

ɛLuka 11:28

ɛYɛso gha ne kyii nɛ, ɛ yaak ɛbhɛ, “Ninaa ɛwɛng ngaa yang so ninaa nɛ nibhɛ kɛ phok ibol ɛTaanggbey de, nibhɛ roos iphɛ.”

ɛYohana 13:17

ɛLyilyɛghaa wo ne ˆɛ kɛ seng ɛn nikɔn nɛnaa wo, ˆaa ne sɛ ɛn ɛwɛng wu ɛ kɛ mɔn ɛn nibhɛ.”

iRooma 2:13

Sɔng i tenes ɛShara gha zɔng iphɛ te i say ɛnyi gha wu ɛ so cik ɛlɔ ɛTaanggbey ya nang, i yang say ɛnyi gha ne ɛ kɛ roos ikpii ɛShara da gbik.

1 iKɔrɔntos 15:33

Sɔng i luk nyini nang, “iShwɛɛ da nɛ ninyi nibebhe na i bees ishwɛɛ ninyi niyɛnɛng.”

1 iKɔrɔntos 3:18

Sɔng ɛluk ɛn ito mon de nang. Wu ɛdɛ mon i wɛɛ te ɛ bok ntsɛntsɛng ɛli ne ɛzay ya kɛ bo ntsɛntsɛng ngge, te ne ɛ yang kyi teye ɛwamang, aa ne ji teye ɛhaa ne ntsɛntsɛng ne itin na.

1 iKɔrɔntos 6:9

Ɛ doo ɛn ɛli nɛ ninaa ne sang so cik ko sɛ sang bhɛ lel dak ne igbɔm ɛTaanggbey da naa? Sɔng ˆɛ luk ɛn itso mon nang. Daa ɛli nɛ ninaa ne ra nzangas sa, nɛ ninaa ne re igunkyi de ntsong ngga, nɛ ninaa ne sang kyinak yak ko, ne nkpilik ga, nɛ ninaa ne tɔk nkpilik ga.

iGalatiya 6:3

ɛNyi gha ne ɛ tɔɔsek ito ɛbhɛ de ɛ wɛɛ te ɛ sɔ ɛkɔn na, sɔng ne ɛ so ɛkɔn nang, ɛɛ luk ito ɛbhɛ.

iGalatiya 6:7

Sɔng ˆɛ luk ɛn ito mon nang. Daa ɛli ne sɔng i yɛɛ ne luk ɛTaanggbey yegha nang. Gbik ɛkɔn na ne ɛnyi gha kɛ tup, ɛbhɛ ne ɛ sɛ ne bhɛ pha.

iFilibi 4:8

ɛTsim mɛ gbik nigwaa nge, te icwas mon da kyii daa ɛkɔn na ne ɛ so itin, ne ɛkɔn na ne ɛ kɛ hɔn sɛ nang ɛbhɛ ne ndiinday, ne ɛkɔn na ne ɛ sɛ so kancɛng, ne ɛkɔn na ne ɛ so wɛwɛy, ne ɛkɔn na ne ɛ yɛɛs ne ishwim, ne ɛkɔn na ne ɛ kɛ jam wɛɛ. Wu ɛdɛ ɛkɔn na sonɛ ne ɛ kɛ jam ɛ shɛs, ne ɛhaa ne ɛ kɛ hɔn idɛp, te icwas mon da ne kyii ne ɛdak kɛ.

iKɔlɔsi 3:17

Gbik ɛkɔn na ne ˆɛ mɔn ɛn, hang ivol yɔɔ, hang ɛtomɛ yɔɔ, mɔn ɛn ndɔ ne irywɛɛk ɛDaray ɛYɛso, ˆɛɛ tɔɔsel ɛn ɛTaanggbey ye ne ɛ so ɛTaa irway ihwala lenɛ ne ɛYɛso gha.

2 ɛTimɔti 3:13

Ninyi nibebhe na nɛ ninaa ne irywɛɛk ka ya ne i hanas ne bees en. Yaa i luk nibhɛ, nibhɛ ne maa luk ninyi na.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

ɛYakub 1:26

Wu ɛdɛ ɛnyi gha i wɛɛ te ɛ so ɛhaa ne roos ɛTaanggbey ye byirik ɛ kyi sang wum ɛnu ɛbhɛ, ɛ ne luk ito ɛbhɛ, iroos ɛbhɛ da ne so buu.

ɛYakub 4:11

Nigwaa en, sɔng ˆɛ bol ɛn ivol ne bees daa nigwaa nɛ nibhɛ so ninaa ne roos nang. Gbik ɛnyi gha ne ɛ kɛ bol ivol ne bees daa ɛgwaa ɛbhɛ gha, hang ɛ kɛ hyɛ ɛbhɛ ɛshara gha yɔɔ, ɛ kɛ ne bol ivol ne bees daa ne iMɛmɛ ɛMuusaa da, ɛ ta hyɛ imɛmɛ yɛ ɛshara. Wu ˆɛ kɛ ne bol ivol ne bees iMɛmɛ ɛMuusaa da, sɔng ˆɛ kɛ ne roos imɛmɛ yɛ nang, ˆɛ kɛ yang hyɛ imɛmɛ da ɛshara.

ɛYakub 4:17

iPhɛ ɛlɛy, gbik ɛnyi gha ne ɛ ne yɛɛ ɛkɔn na ne ɛ kɛ jam ɛ sɛ mon no ɛ mbaray tang mɔn no, ɛ kɛ ne mɔn ɛfɔt.

2 ɛBiturus 2:13

Sɛ tal nibhɛ ne ibebhe daa ne ibebhe nɛ nibhɛ kɛ mɔn. Nibhɛ wɛɛ te iphɛ kɛ ji jam mɛ ne yaa phok yɛnɛng nikɔn nibebhe na ne ibek ge i sim mo ne itsara ne igbey de. iShwɛɛ nibhɛ da ndɔ mon no ne so ɛkɔn ncwa, ɛkɔn ɛbebhe dɔng. Nibhɛ re, nibhɛ sɔ ne nyinɛn, ne sɛ ɛtsim mon, nibhɛ ne ji mɔn ɛkɔn ne ɛ kɛ jam nibhɛ.

1 ɛYohana 1:8

Wu njwɛɛn kɛ ne yɔngɔ wu hang bok ɛfɔt to, njwɛɛn i ne luk ito njwɛɛn. Sɔng itin de ne so ndɔ njwɛɛn nang.

1 ɛYohana 2:3

Wu njwɛɛn kɛ ne roos ikpii ɛTaanggbey da, iphɛ kɛ ne tɔɔrek njwɛɛn wu njwɛɛn i yɛɛ ɛbhɛ wɛlɛng ito irway.

1 ɛYohana 3:7

Nyinɛn ninɔn nge ne nzi sim, sɔng ˆɛ tek ɛn ɛnyi luk nyini nang. Gbik ɛnyi gha ne ɛ mɔn nikɔn nicik ka ne ɛ so ɛnyi ɛcik ɛli ne ɛKiriti gha so cik ko.

3 ɛYohana 1:11

iGyɛ ɛgwaa nge ne nzi sim, sɔng ˆɛ roos ibebhe de nang, yang roos iyɛnɛng. Gbik ɛnyi gha ne ɛ mɔn ɛkɔn ɛyɛnɛng nga ɛ soye ɛhaa ɛTaanggbey, ɛnyi gha ne ɛ ne mɔn ibebhe de nang, sɔng ɛ yɛɛ ɛTaanggbey yegha nang.

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

Nikɔn ne kɛ Phaal 22:7

ɛYɛso gha ne yɔngɔ, “Phok ɛn! N yek cɛcɛk ne yɛɛs! Ninaa ɛwɛng ngaa nggyɛy nɛ nibhɛ kɛ hyep ivol da ne kɛ tɔng ndɔ ne ɛwee yɛwoo wo!”