ɛYakub 1:21 - ɛWee ne ìTsɛm iHywas

²¹ iPhɛ ɛlɛy, ne ˆɛ hana ɛn ishwɛɛ ne ishis da ne ibebhe de gbik. Te ɛ say ɛn ibol de ne kɛ tup ndɔ ne irway mon da ne irway lyaak. iBol de ne iphɛ i yɛɛ ne phɔt nyini wo.

ɛYakub 1:21 ပူးပေါင်းရင်းမြစ်များ

iFisus 4:22

iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

iFisus 1:13

Kɛ lenɛ ne ɛKiriti gha, nyinɛn no ne hame ˆɛ so ɛn niYahodawa na, ˆɛ kɛ ne phok ɛn ibol ne itin de, kaabi iBol iYɛnɛng ne iphɔrɔt da. Nten de ne ˆɛ kaa nang ɛn ne itin nɛ ne ɛYɛso gha, ɛTaanggbey ya ne nang nyini iKabyik ɛbhɛ ɛli ne ɛ kaa ku sim nyini nɛ aa mɔn no. iPhɛ yaa ne teye ɛlamba ne ishɛɛda wu ɛ so ɛn ninaa ɛbhɛ.

1 ɛBiturus 2:11

Nigwaa nge ne nzi sim, nzi bok nyini, daa ɛli ɛ so ɛn ninaa ne ikpoo na ndɔ ɛzay ya, ne ɛ hosop ɛn nyini ne roos ihyop ne ibek ge ne iphɛ so ɛfɔt to. iHyop pɛdee nggyɛ wo i ta itsom ne irway mon da.

ɛYohana 6:63

iKabyik ɛTaanggbey de iphɛ phɛ so ɛkɔn na ne iphɛ nang iken; sɔng ibek bok ito ne nang iken nang. iVol da ne nggɛ ne bol ne nyinɛn no ne so ivaa ne iKabyik ɛTaanggbey ne ifɛ ne nang iken.

1 ɛBiturus 2:1

iPhɛ ɛlɛy, ne ɛ hosop ɛn nyini ne ibebhe de, ne irywɛɛk ga, ne iluk ga, ne waa irway da, gbik ne ivol ikpɛɛ da.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

ɛYakub 4:8

Yɛɛs ɛn cɛcɛk ne ɛTaanggbey ya aa ne ma yɛɛs cɛcɛk ne nyinɛn. Nyinɛn ninaa ne ɛfɔt ta, kuus ɛn ibɔ mon ndɔ ɛtomɛ ne ɛfɔt ta, nyinɛn niluk ka te ɛn irway mon wɛwɛy.

ɛTitus 2:11

Daa ɛli ne ɛTaanggbey ya kɛ tɔɔrek izɛɛng ɛbhɛ de tɛ ninyi na gbik sɛ iphɔrɔt.

iRooma 1:16

Sɔng n bok ncwa ne iBol iYɛnɛng ngge nang, daa ɛli ne iphɛ so ihwet ɛTaanggbey ne iphɛ phɔt gbik ɛnyi gha ne ɛ kɛ nang ne itin nɛ: i tsa nɛ niYahodawa ne ji kungus nɛ ninyi na ne hame nibhɛ so ɛn niYahodawa.

iBirani 4:2

Daa ɛli ne njwɛɛn kɛ phok iBol iYɛnɛng ngge ɛli nɛ ninyi ɛTaanggbey ya nɛ nibhɛ kaa so ndɔ ɛhay ya kaa ma phok ko. Gbik ne iphɛ ɛlɛy, sɔng ibol de nɛ nibhɛ kɛ ne phok ko kɛ ne phyik nibhɛ nang, daa ɛli ne sɔng nibhɛ kaa say iphɛ lenɛ ne ìnang ne itin de nang.

iBirani 2:3

Wu iphɛ ne so ɛlɛ wo, njwɛɛn yaa mɔn ɛlii i phɔrɔt to wu njwɛɛn kɛ mbaray ibol ne igbaang ne iphɔrɔt da, ne ɛDaray ya ne ito ɛbhɛ de ɛbhɛ kɛ tsa ɛ tɔng ngoo? Ninyi na nɛ nibhɛ kaa ne phok ibol lɛdee wo kɛ mɔng kɛ ne tɔɔl njwɛɛn wu iphɛ so itin nɛ.

1 iKɔrɔntos 15:2

Kɛ lenɛ ne iBol iYɛnɛng ngɛdee wo i phɔt nyini, wu ɛ kɛ wum ɛn iphɛ gɛy ɛli ne nggaa tɔng nyini wo. Kang ne iphɛ ɛlɛy, ɛ kɛ ne nang ɛn ne itin de buu.

iRooma 6:17

N bok irway ihwala ne ɛTaanggbey, ɛ kaa so ɛn nyini ne nikpuru ne ɛfɔt, ɛlyilyɛghaa wo, ɛ kɛ ne yaa roos ɛn itin de ne kɛ tɔɔrek nyini ndɔ ne imɛmɛ da ne kɛ mɛmɛ nyini nɛ wo ne irway mon gbik.

ɛYohana 6:68

ɛSimɔn ɛBiturus sa ne kyii ɛbhɛ nɛ ɛ yɔngɔ, “ɛDaray, njwi yaa phɛ ɛlɔ ɛhay? iGyɛ ɛ bok ivol da ne ifɛ nang iken ne inat de.

1 iTasɔlɔnika 2:13

ɛKɔn nɛghaa wo ɛbhɛ kɛ te njwi ne tɔɔsel ɛTaanggbey yegha irway ihwala da cɛcɛɛy yo. Daa ɛli ne nten de ne njwi kaa nang nyini ibol ɛTaanggbey de, sɔng ˆɛ kaa ne say ɛn iphɛ te ibol ɛten ɛsii nang, ˆɛ kaa yang say ɛn iphɛ, iphɛ soye ibol ɛTaanggbey ne iphɛ mɔn ɛtomɛ ndɔ mon. Nyinɛn no ne ˆɛ kɛ nang ɛn ne itin nɛ wo.

2 iKɔrɔntos 7:1

Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

ɛTomɛ 13:26

“Nigwaa en, ninɔn ɛBaraying gbik ne nyinɛn no ne hame ɛ so ɛn niYahodawa na, ne ɛ re ɛn ɛTaanggbey yegha ntsong ngga, njwɛɛn ne kɛ tom njwɛɛn ne ibol ne phɔrɔt tɛdee wo.

1 ɛBiturus 1:9

daa ɛli ne ˆɛ saasel ɛn ɛwɛng ne ìnang ne itin mon da, ne iphɛ phɛ soye phɔt iken mon de.

iRooma 11:17

Kɛ ne hyɛghɛ ɛbyin ne ilaak ɛphaa de ne kɛ tup i ryɔng ne ji bo ilaak ɛphaa ne ɛ kɛ wuru ɛhay i sang ryɔng ɛbhɛ, i byinki ne ɛphaa gha ne kɛ tup po ɛli ne i rop ɛlɛɛmu ɛwɛrɛ. Nyinɛn no ne hame ɛ so ɛn niYahodawa na ne ɛ so ɛn te ilaak ɛphaa ɛhay de, nyinɛn ne kɛ ne byinki ne itin nɛdee nggyɛ wo. Kaabi i bokɛ byinki nyini nɛ niYahodawa na ninaa ne lenɛ nɛ nibhɛ ɛ sɛɛs ɛn Niwɛng ɛTaanggbey ya.

ɛTomɛ 10:33

iPhɛ ne nggɛ ne shii tom mɛ nɛ wo, iphɛ kɛ ne jam mɛ ne ɛ kɛ yɛɛs so. ɛLyilyɛghaa wo, njwi ne so ɛnu ɛyisɛ ɛTaanggbey ya gbik mos, te njwi phok ɛkɔn na ne ɛ kɛ yɛk kɛ nɛ te ɛ mɔng njwii.”

ɛMacu 5:5

Ninaa ɛwɛng ngaa nggyɛy nɛ nibhɛ roos nɛ lyaak, daa ɛli ne ɛzay ya sɛ teye isha nibhɛ.

1 iTasɔlɔnika 1:5

Daa ɛli ne sɔng njwi kaa yɛɛs nyini ne ibol iyɛnɛng ngge ne ɛnu zɔng nang, iphɛ kaa bok ihwet, iphɛ bok iKabyik ɛTaanggbey, iphɛ ne so hyɔrɔ ne itin. Ɛ yɛɛ ɛn ihywee ne ishwɛɛ da ne njwi kaa shɛɛ ndɔ mon no, ishwɛɛ yɛ kaa so te njwi phyik nyini.

iFisus 5:4

Sɔng ne ta phok ivol ikpɛɛ, ne iwamang gbik ne iyɔm ncwa ndɔ mon no nang, daa ɛli ne sɔng nikɔn nɛnaa wo so kancɛng ne ishwɛɛ ninaa ɛTaanggbey da nang. Yang i tɔɔsel ɛn ɛTaanggbey yegha irway ihwala.

iFisus 4:25

iPhɛ ɛlɛy yang, ne ˆɛ kɔɔng ɛn irywɛɛk ga! Te ɛrɔngɔ i tɔng ɛhaa ɛcɛcɛk ɛbhɛ itin nɛ daa ɛli ne njwɛɛn so ibap ne ibek idaan nɛ.

ɛYakub 5:20

Ne ˆɛ seng ɛn ɛbɛ, gbik ɛnyi gha ne ɛ kɛ ban ɛhaa ne ɛfɔt ta ɛ kyii ne ɛbhɛ ne ɛnkiinɛ wo, aa ne phɔt iken ɛhaa ne ɛfɔt tɛghaa nggyɛ wo ɛlɔ ne iku, ɛ ta te i han ɛbhɛ ne ɛfɔt da gbom.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.