ɛYakub 1:19 - ɛWee ne ìTsɛm iHywas

¹⁹ Nigwaa nge ne nzi sim, seng ɛn ɛlɛ, te ɛrɔngɔ so cwacwat ne tenes ivol da, sɔng ne ɛ so hywarat ne boote nang. Sɔng ne ɛ ta so hywarat ne te njenjek nang.

ɛYakub 1:19 ပူးပေါင်းရင်းမြစ်များ

ɛMacu 5:22

Mee wo nzi ne bok nyini, ɛnyi gha ne kɛ te njenjek ne ɛgwaa ɛbhɛ gha, sɛ ne bol ɛbhɛ ɛshara. ɛHiha ɛnyi gha ne ɛ bol ivol ivebhe da ɛgwaa ɛbhɛ gha, itɔrɔng ngge sɛ ne soosek ɛbhɛ ɛnu ɛyisɛ. ɛHiha ɛnyi ne ɛ kɛ ne ta yaak ɛgwaa ɛbhɛ wu ɛ soye ɛwamang, ɛ sɛ ne bhɛ lel ne ijwee ne igboo.

ɛMarakus 12:37

ɛDoda gha ne ito ɛbhɛ ɛ kaa yel-le ɛbhɛ ɛDaray ne. Yaa ne mɔn ɛlii ɛKiriti gha kyi ta teye ɛngɔn ɛDoda ghaa? iDira ninyi de ne i phok iyɛnɛng ne tenes ivol ɛbhɛ ba.

ɛMarakus 2:2

iPhɛ ɛlɛy yang, nibhɛ ne ta shii yel-le, duu, nibhɛ bhɛ seng ɛsaa ne ijwee gha ne ɛYɛso gha sonɛ wo hywet ɛli ne hame yaa sɛ ɛlɔ ne phee. ɛYɛso gha ne jii tɔng nibhɛ ibol iyɛnɛng ngge.

ɛLuka 15:1

Kaa ne sɛ ɛdɛ ɛtuk ka, ninaa ne saasel ijam ne ivel la, nɛ nidɛng ninaa ne ɛfɔt ta ne bhɛ tumɛy ɛlɔ ɛYɛso gha, nibhɛ tenes ɛbhɛ.

ɛLuka 19:48

Sɔng nibhɛ ne sɛ ɛnkiinɛ yɛ nang, daa ɛli nɛ ninyi na kaa ku so ɛlɔ ɛbhɛ gha nibhɛ tenes ɛbhɛ, sɔng ɛdɛng i sim te idɛ ibol de sɛɛ phɛɛ ɛbhɛ nang.

ɛTomɛ 1:15

Kaa ne sɛ ɛdɛ ɛtuk kɛ ninaa ne roos sa ne tumɛ ɛn. Nibhɛ kaa ne hɔn ninyi ikɔl idaan ne nzuwubɔ ifaa gbik. ɛBiturus sa ne yilitsik ɛ yɔngɔ,

ɛTomɛ 10:33

iPhɛ ne nggɛ ne shii tom mɛ nɛ wo, iphɛ kɛ ne jam mɛ ne ɛ kɛ yɛɛs so. ɛLyilyɛghaa wo, njwi ne so ɛnu ɛyisɛ ɛTaanggbey ya gbik mos, te njwi phok ɛkɔn na ne ɛ kɛ yɛk kɛ nɛ te ɛ mɔng njwii.”

ɛTomɛ 13:48

Ne sɛ ninyi na ne hame nibhɛ so niYahodawa na kɛ phok ɛlɛ wo, nibhɛ ne yɛk irway ihwala nibhɛ nang ibol ɛTaanggbey de ne ndiinday. Ninyi na ne ɛTaanggbey ya kɛ ku kasa nibhɛ nibhɛ aa sɛ iken ne inat de ne nang ne itin nɛ.

ɛTomɛ 17:11

niYahodawa ne iBiriya na ne kaa ne phyin ninaa ne iTasɔlɔnika na ne iyɛnɛng. Nibhɛ kaa say ibol nibhɛ de ne irway ihwala, nibhɛ phɛl ɛWee ne iBol ɛTaanggbey yo izenge ne ihwɛlɛ tɛ nibhɛ yaang hang ibol ɛBulus de so itin nɛ yoo.

ɛTomɛ 2:42

Nibhɛ ne nang irway nibhɛ gbigbik daa nikɔn na ne ninɔn ne tom ma mɛmɛ nibhɛ nɛ wo, nibhɛ ne i byingis ìtsɛm, nibhɛ re ire ɛlɔ ɛdaan, nibhɛ ne jii roro.

iFisus 4:26

Wu ˆɛ kɛ te ɛn njenjek, sɔng ne ˆɛ mɔn ɛn ɛfɔt nang. Sɔng ne ˆɛ te ɛn njenjek ko iroy phyii bhɛ hooy nang.

iFisus 4:31

Hosop ɛn nyini ne irway icway da, ne njenjek ge, ne irway njɛt da, ne irywen da, ne ibees ninyi na irywɛɛk ga gbik ne waa irway da.

iKɔlɔsi 3:15

Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.

iKɔlɔsi 3:8

ɛLyilyɛghaa wo, iphɛ ne so ngbingbing ɛ hosop ɛn nyini ne ihywee ne ishwɛɛ yɛdaa wo. Hosop ɛn nyini ne njenjek, ne ɛndok, ne rop ɛnyi ne irway, ne ibees irywɛɛk, gbik ne ivol ikpɛɛ ɛnu mon na.

1 iTasɔlɔnika 2:13

ɛKɔn nɛghaa wo ɛbhɛ kɛ te njwi ne tɔɔsel ɛTaanggbey yegha irway ihwala da cɛcɛɛy yo. Daa ɛli ne nten de ne njwi kaa nang nyini ibol ɛTaanggbey de, sɔng ˆɛ kaa ne say ɛn iphɛ te ibol ɛten ɛsii nang, ˆɛ kaa yang say ɛn iphɛ, iphɛ soye ibol ɛTaanggbey ne iphɛ mɔn ɛtomɛ ndɔ mon. Nyinɛn no ne ˆɛ kɛ nang ɛn ne itin nɛ wo.

ɛYakub 1:16

Nigwaa nge ne nzi sim, sɔng ˆɛ sim ɛn luk nyini nang.

ɛYakub 1:2

Nigwaa en, bo ɛn nggbang ngga ne ˆɛ sɔ ɛn ihywee-ihywee de te mpɛ teye ɛkɔn ne irway ihwala,

ɛYakub 1:26

Wu ɛdɛ ɛnyi gha i wɛɛ te ɛ so ɛhaa ne roos ɛTaanggbey ye byirik ɛ kyi sang wum ɛnu ɛbhɛ, ɛ ne luk ito ɛbhɛ, iroos ɛbhɛ da ne so buu.

ɛYakub 2:1

Nigwaa nge, daa ɛli ne ˆɛ kɛ nang ɛn ne itin nɛ ne ɛDaray njwɛɛn ɛYɛso ɛKiriti gha, ne ɛ so ɛDaray ne ito-ndiinday ya, sɔng ne ˆɛ tɔɔrek ɛn sim ito ndɔ mon no nang.

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

ɛYakub 3:10

Ne ɛnu gha ne i dɛp mɛ, ne ɛbhɛ ne i ne ta towos nɛ. Aa! Nigwaa en, sɔng iphɛ kɛ jam mɛ ɛlɛ wo nang.

ɛYakub 4:11

Nigwaa en, sɔng ˆɛ bol ɛn ivol ne bees daa nigwaa nɛ nibhɛ so ninaa ne roos nang. Gbik ɛnyi gha ne ɛ kɛ bol ivol ne bees daa ɛgwaa ɛbhɛ gha, hang ɛ kɛ hyɛ ɛbhɛ ɛshara gha yɔɔ, ɛ kɛ ne bol ivol ne bees daa ne iMɛmɛ ɛMuusaa da, ɛ ta hyɛ imɛmɛ yɛ ɛshara. Wu ˆɛ kɛ ne bol ivol ne bees iMɛmɛ ɛMuusaa da, sɔng ˆɛ kɛ ne roos imɛmɛ yɛ nang, ˆɛ kɛ yang hyɛ imɛmɛ da ɛshara.

ɛYakub 5:12

ɛKɔn na ne ɛ phyin gbik ko nigwaa en, sɔng ˆɛ lɛlɛm ɛn ihywa de nang. Sɔng ˆɛ lɛlɛm ɛn ihywa de ne ivel nang, sɔng ne ˆɛ lɛlɛm ɛn ne ɛdaa ne irywa nang, sɔng ˆɛ lɛlɛm ɛn daa ɛdɛ ɛkɔn na nang. Te “Ɛɛy” mon teye ɛɛy, te “Kwa,” mon teye kwa, ɛlɔ ne yaa yung hyɛ nyini ɛshara ne iku.

ɛYakub 5:19

Nigwaa en, te yɔng wu ɛdɛ mon kɛ ne labhe ɛ tek itin de ɛdɛng i ji kyii ne ɛbhɛ ne nkiinɛ wo dɔng.

1 ɛYohana 2:21

Sɔng nggɛ haa nyini nɛ daa ɛli ne ˆɛ doo ɛn itin de nang. Nggɛ yang haa nyini nɛ daa ɛli ne ˆɛ yɛɛ ɛn itin de. ˆƐ ta yɛɛ ɛn sɔng itin de i yɛk irywɛɛk nang.