ɛYakub 1:18 - ɛWee ne ìTsɛm iHywas

¹⁸ Kɛ lenɛ ne icwas ɛTaanggbey da, ne nang njwɛɛn iken lenɛ ne ibol ɛbhɛ ne iphɛ so itin nɛ, te njwɛɛn teye ninaa ɛyisɛ yɛ ndɔ nikɔn na ne kɛ ryɔng ngo.

ɛYakub 1:18 ပူးပေါင်းရင်းမြစ်များ

ɛYohana 1:13

Sɔng i bo nibhɛ kaa tes se ninɔn ɛTaanggbey ya wu nibhɛ soye neyi ɛbhɛ nang, sɔng kaa yɛk nibhɛ ɛli ne ɛras i shɛɛ ne ɛkuk ɛbhɛ nibhɛ ji yɛk ɛngɔn nang. ɛTaanggbey ya ne ito ɛbhɛ, ɛbhɛ kaa yɛk ngɛ nibhɛ teye ninɔn ɛbhɛ na.

iRooma 4:17

Kɛ haa i bo, “Nggɛ yɛk kɛ nɛ ɛ teyɛ ɛkyɛɛ ne igbagha ɛzay yo gbom.” ɛBaraying nga so ɛkyɛɛ njwɛɛn ɛnu ɛyisɛ ɛTaanggbey ya. ɛTaanggbey ya ne ɛBaraying nga kɛ nang ne itin nɛ ne ɛbhɛ wo, ɛTaanggbey ya ne ɛ nang ninyi na nibhɛ kɛ kus so iken de, ɛ ta yɛk ne ɛkɔn na ne ɛ kɛ sang ku sonɛ wo ɛ te wo.

1 iKɔrɔntos 4:15

Ɛ sɛ kyi bok ɛn nikyɛɛ ne icwam ma ninom ɛnduwubɔ nɛ nibhɛ kɛ tɔɔrek nyini ibol ne roos ɛKiriti yede, sɔng ne ɛ bok ɛn nikyɛɛ na maa nang. Nggɛ te me ɛkyɛɛ mon ndɔ ɛYɛso ɛKiriti gha, lenɛ ne iBol iYɛnɛng ngge ne nggɛ yɛɛs nyini nɛ wo.

2 iKɔrɔntos 6:7

ne ivol ne itin mos, gbik ne ihwet ɛTaanggbey. Njwi ne so cik, iphɛ ne so te ɛkɔn ne itsom ne njwi bok ne njwii hal ne irywen njwi ta kyɛngɛ ye nɛ.

iFisus 1:12

Ɛ kɛ kasa njwii wo te njwit niYahodawa na ne njwi kɛ tsa njwi yɛk ne irway da daa ɛKiriti gha, shɛɛ ishwɛɛ ne dɛp ito-ndiinday ɛbhɛ.

iFisus 1:13

Kɛ lenɛ ne ɛKiriti gha, nyinɛn no ne hame ˆɛ so ɛn niYahodawa na, ˆɛ kɛ ne phok ɛn ibol ne itin de, kaabi iBol iYɛnɛng ne iphɔrɔt da. Nten de ne ˆɛ kaa nang ɛn ne itin nɛ ne ɛYɛso gha, ɛTaanggbey ya ne nang nyini iKabyik ɛbhɛ ɛli ne ɛ kaa ku sim nyini nɛ aa mɔn no. iPhɛ yaa ne teye ɛlamba ne ishɛɛda wu ɛ so ɛn ninaa ɛbhɛ.

2 ɛTimɔti 2:15

Mɔn ɛkɔn na ne ˆaa yɛɛ ne mɔn nɛ, te ˆɛ tɔɔrek ito mo ɛnu ɛyisɛ ɛTaanggbey ya te ɛnyi ne ɛTaanggbey ya yaa yɔng ɛtomɛ ɛbhɛ kɛ jam. Teye ɛhaa ɛtomɛ gha ne ɛ sang ncwa daa ɛtomɛ ɛbhɛ gha, ɛhaa ne mɛmɛ ne ibol ne itin de byirik.

iBirani 12:23

ˆƐ kɛ yɛɛs ɛn ɛlɔ ne idira ninaa ne roos nɛ nibhɛ so te ɛngɔn ɛkɔɔn ɛTaanggbey, ne kɛ haa irɛɛk nibhɛ de daa ne irywa. ˆƐ kɛ yɛɛs ɛn ɛlɔ ɛTaanggbey, ne ɛbhɛ ɛ so ɛhaa ne bol ninyi na gbik ɛshara, gbik ne ɛlɔ ne ikpabyik ninyi ne icik ne kɛ te nibhɛ hyɔrɔ.

ɛYakub 1:15

I ne sɛ ihyop igywebhe de kɛ say isik, ihywɛ ne yɛk ɛfɔt. Ne sɛ ɛfɔt to kɛ hɔn, ɛbhɛ ne yɛk iku.

ɛYakub 1:21

iPhɛ ɛlɛy, ne ˆɛ hana ɛn ishwɛɛ ne ishis da ne ibebhe de gbik. Te ɛ say ɛn ibol de ne kɛ tup ndɔ ne irway mon da ne irway lyaak. iBol de ne iphɛ i yɛɛ ne phɔt nyini wo.

ɛYakub 3:14

Wu ˆɛ boos ɛn ɛnkyis sa ne sim ito de ndɔ ne irway mon da, sɔng ne ˆɛ hal ɛn ɛggyɛy wu ˆɛ so ɛn ninyi ne ntsɛntsɛng nang. Wu ˆɛ kɛ mɔn ɛlɛ wo, ˆɛ kɛ ne hyere ɛn itin de iphɛ kɛ teye irywɛɛk.

1 ɛBiturus 1:23

Kɛ kyii ta yɛk nyini, sɔng ìyɛk kɛ ne so ìyɛk ne ifɛ sɛ sa nang, ifɛ yang so ìyɛk ne sang sa. Kɛ kyii ta yɛk nyini wo lenɛ ne ibol ɛTaanggbey ne iphɛ so idee ne iken, idee ne inat.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

1 ɛYohana 3:9

Gbik ɛnyi gha ne ɛ so ɛNgɔn ɛTaanggbey ya, sɔng aa ne re ɛnu ɛyisɛ ne mɔn ɛfɔt to nang, daa ɛli ne iken iphas ɛTaanggbey de so ndɔ ɛbhɛ. Sɔng aa ne yɛɛ ne re ɛnu ɛyisɛ ne mɔn ɛfɔt to nang, daa ɛli ne ɛ kɛ teye ɛNgɔn ɛTaanggbey ya.

Nikɔn ne kɛ Phaal 14:4

Ninyi yɛnaa nggyɛ wo ne hame nibhɛ kɛ ku bees ito nibhɛ ne tɔk nikuk, nibhɛ tɔ jejeb, nibhɛ kɛ ne roos ɛNgɔn ne Pharak ka gbik ɛlɔ gha ne ɛ phɛɛs. Kɛ say nibhɛ ndɔ ninyi na. Nibhɛ bhɛ ne soye te ire ɛyisɛ yɛ ne kɛ hap ɛTaanggbey ye ne ɛNgɔn ne pharak ka ne itsanga.