ɛYakub 1:17 - ɛWee ne ìTsɛm iHywas

¹⁷ Gbik ɛdɛ ɛkɔn ɛyɛnɛng hyɔrɔ gha ne kɛ nang ɛ le daa ne irywa. Ɛ le ɛlɔ ɛTaanggbey ne ɛ so ɛTaa, ɛhaa ne ɛbhɛ ɛ kɛ ryɔng iroy, ne ifɛl gbik nɛ niyuyɔrɔ nɛ nibhɛ soye iwɛwɛy daa ne irywa. ɛHaa ne hame ɛ sunuuy, ɛ sang hyeeme te ɛlɔ ɛsirim.

ɛYakub 1:17 ပူးပေါင်းရင်းမြစ်များ

ɛMacu 7:11

Wu nyinɛn no ne ɛ so ɛn nibebhe ninyi na ɛ yɛɛ ɛn ɛli ne aa nang ɛn ninɔn mon na nikɔn niyɛnɛng nga, ne yang ji so ɛKyɛɛ ɛdaa ne irywa gha ɛbhɛ aa ne ji sang nang ninyi na nikɔn niyɛnɛng nga nɛ nibhɛ kɛ roo ɛbhɛ woo?

ɛLuka 11:13

Wu nyinɛn no, ne ɛ bok ɛn ibebhe de, ɛɛ jung yɛɛ ɛn nikɔn niyɛnɛng nga ne aa nang ɛn ninɔn mon na, ɛKyɛɛ mon ɛdaa ne irywa gha yaa nang ninaa nɛ nibhɛ kɛ phom ɛbhɛ iKabyik ɛTaanggbey de gbom.

ɛYohana 1:9

iWɛwɛy ne itin de ne iphɛ tol ninyi na gbik ko ne yaaso ndɔ ɛzay ya.

ɛYohana 3:27

ɛYohana gha ne kyii nɛ ɛ yɔngɔ, “Sɔng ɛdɛ ɛnyi gha sonɛ, ne ɛ bok ɛkɔn na ne hame ɛTaanggbey ɛbhɛ kɛ nang ɛbhɛ nang.

ɛYohana 3:3

ɛYɛso gha ne kyii ɛbhɛ nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi gha dɔng, sɔng ɛ sɛ ne bhɛ yaang igbɔm ɛTaanggbey da nang.”

ɛYohana 8:12

ɛYɛso gha ne ta boote nɛ ninyi na, ɛ yaak nibhɛ, “Mee nzo iwɛwɛy ɛzay de, ɛhiha ɛnyi ne ɛɛ roos me wo nang, sɔng aa ne hyel ndɔ gbyik kang, aa yang bok iwɛwɛy ne iken.”

ɛTomɛ 11:18

Ne sɛ nibhɛ kɛ phok ibol lɛdee wo, nibhɛ ne kɔɔng ishamas de, nibhɛ ne yaa dɛp ɛTaanggbey ye nibhɛ bo, “ɛTaanggbey ya kɛ ma sim ninyi na ne hame nibhɛ so niYahodawa na nɛ tɛ nibhɛ san ɛbɔk nibhɛ sɛ iken.”

ɛTomɛ 5:31

ɛTaanggbey ya ne nang ɛbhɛ ne nindiinday, ɛ tek ɛbhɛ ne iwɔ ne irwye ɛbhɛ, ɛ teye ɛndiinday ne ɛhaa ne phɔt, te ne lenɛ ɛlɛy niSɛrɛla na san ɛbɔk i hana nibhɛ ne ɛfɔt nibhɛ wo.

iRooma 6:23

I tal ɛfɔt to nɛ ne iku, izɛɛng ɛTaanggbey de ne so iken ne inat lenɛ ne ɛDaray njwɛɛn ɛYɛso ɛKiriti.

1 iKɔrɔntos 4:7

ɛHay ɛbhɛ ɛ bok kɛ wu ɛ phyin ɛbyin niten nisii naa? iKyee ne ɛ bok ne hame ɛTaanggbey ɛbhɛ kɛ nang ngɛɛ? Wu iphɛ ne so ɛlɛ wo ikyee iphɛ kɛ ne te ɛ hal ɛgyɛy ya te hame kɛ nang woo?

2 iKɔrɔntos 4:6

ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.

iFisus 1:18

Nzi ne ta bol ne ɛTaanggbey ya wu te irwisɛ ne irway mon phaal le te ˆɛ seng ɛn ìyɛk ne irway yɛdaa wo ne ɛ kɛ yel-le nyini nɛ wo, ˆɛ ta seng ɛn iryat de ne ihywɛ so gbom ndɔ isha de ne ɛ kɛ sim ninyi ɛbhɛ na nɛ wo.

iFisus 2:8

Nzo kɛ lenɛ ne izɛɛng ɛTaanggbey de i phɔt nyini lenɛ ne ìnang ne itin. Sɔng kɛ phɔt nyini daa ɛdɛ ɛkɔn ɛyɛnɛng nga ne ɛ kɛ mɔn ɛn nang, iphɛ so ìnang ɛbhɛ.

iFilibi 1:29

Daa ɛli ne sɔng kɛ nang nyini izɛɛng ngge te ˆɛ nang ɛn ne itin nɛ ne ɛKiriti gha zɔng nang, kɛ nang nyini te ˆɛ ma sɔ ɛn nggbang ngga ɛlɔ ɛbhɛ gha ne mang.

1 ɛTimɔti 6:16

ne ɛbhɛ zɔng ne ɛ phyin ihwet ne iku. Ɛɛ shɛɛ ndɔ ne iwɛwɛy de ne hame ɛnyi sɛ yɛɛ ne phɛ cɛcɛk ne iphɛ. Ɛbhɛ ɛ soye ɛhaa ne hame ɛnyi kɛ ku yaang ɛbhɛ, ɛnyi i sang yɛɛ ne yaang ɛbhɛ. Te ne nang ɛbhɛ ne igbom gbik ne igbɔm ne sang taal le. Ɛɛy.

iBirani 13:8

Sɔng ɛYɛso ɛKiriti gha i sunuuy nang. ɛLi ne ɛ kɛ so ne ɛryɛ, ɛlɛy ne ɛ so izenge, ɛlɛy ne aa ne ku i shɛɛ ishay-ishay.

ɛYakub 1:5

Wu ɛdɛ mon ne sang ntsɛntsɛng, te ne ɛ roo ɛTaanggbey ye ne ɛbhɛ ɛ so ɛhaa ne nang izɛɛng ngge walala tang kyii bol ivol ne ɛdak kɛ, ɛTaanggbey ya yaa ne nang ɛbhɛ.

ɛYakub 3:15

Sɔng ihywee ne ntsɛntsɛng ngɛdee wo so ihywee ne izee ne ihywɛ le daa ne irywa nang, ihywɛ yang so izee ɛzay. Sɔng ihywɛ ne ta so izee ne ikabyik nang, ihywɛ so izee niphoo.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

1 ɛYohana 1:5

iBol de ne njwi kɛ phok ɛlɔ ɛNgɔn ɛbhɛ gha ne njwii tɔng nyini wo i bo ɛTaanggbey ya so iwɛwɛy, sɔng igbyik so ɛlɔ ɛbhɛ gha nang, kɔɔ ncɛt.

1 ɛYohana 4:10

iShwim ne itin da ne so ɛlɛ: sɔng njwɛɛn kɛ sim ɛTaanggbey yegha nang. Kwa! ɛTaanggbey ya ɛbhɛ kɛ yang sim njwɛɛn, ɛ tom ne ɛNgɔn ɛbhɛ gha, te ɛ teye ihap itsanga ne hana njwɛɛn ne ɛfɔt njwɛɛn no.

Nikɔn ne kɛ Phaal 21:23

Sɔng ɛgarang ngɛ i tɔk iroy ne ifɛl ne nɛ nibhɛ yaa te ɛbhɛ saa nang, daa ɛli ne ito-ndiinday ɛTaanggbey de iphɛ nang ɛgarang ngɛ iwɛwɛy de, ɛNgɔn ne ɛpharak ka ɛbhɛ soye ɛpitila ɛgarang ngɛ.

Nikɔn ne kɛ Phaal 22:5

Sɔng ɛtuk sɛ ta sonɛ dɔng nang. Sɔng nibhɛ sɛ ne ta tɔk ɛpitila ne iroy ne ifɛ yaa tol nibhɛ nang daa ɛli ne ɛDaray ɛTaanggbey ya ɛbhɛ sɛ́ nang nibhɛ iwɛwɛy de. Nibhɛ sɛ́ ne re igbɔm ba ishay-ishay.