ɛYakub 1:12 - ɛWee ne ìTsɛm iHywas

¹² ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

ɛYakub 1:12 ပူးပေါင်းရင်းမြစ်များ

ɛMacu 10:22

Gbik ninyi na sɛ ne yaa mbaray nyini ɛlɔ me wo, ɛhiha ɛnyi ne ɛ kɛ ne kyinak ne ihwet, ɛbhɛ ɛ sɛ ne iphɔrɔt.

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛLuka 6:22

Ninaa ɛwɛng ngaa nggyɛy, ne ɛzay kɛ mbaray nibhɛ wo, ɛ towos nibhɛ wo ɛ yaak nibhɛ wu nibhɛ soye nibebhe na lenɛ ne ɛNgɔn ɛNyi gha.

iRooma 5:4

iRway nviit da ne iyɛɛs ne irway iywɛnɛng. iRway iywɛnɛng ngga ne ma yɛɛs ne iyɛk ne irway.

iRooma 8:28

Njwii yɛɛ ndɔ nikɔn na gbik ɛTaanggbey ya mɔn ninyi na nibhɛ sim ɛbhɛ nikɔn niyɛnɛng, ninyi na ne kɛ yel-le tɛ nibhɛ shwaak nikɔn na nɛ nibhɛ kɛ te i yel-le nibhɛ wo.

1 iKɔrɔntos 2:9

Te ɛli ne kɛ ku haa i bo, “Sɔng irwisɛ kɛ ku yaang, sɔng itoro kɛ ku phok, sɔng irway kɛ ne ku tas icwas, ɛkɔn na ne ɛTaanggbey ya kɛ ryɔng ninyi na nɛ nibhɛ sim ɛbhɛ wo nang.”

1 iKɔrɔntos 8:3

ɛNyi gha ne ɛ ne sim ɛTaanggbey yegha nang, ɛTaanggbey ya ne yɛɛ ɛbhɛ.

1 iKɔrɔntos 9:25

Ninaa ne tel nggbiy da ne bo nten nibhɛ gbaat ibek nibhɛ gbom. Nibhɛ mɔn ɛlɛ wo daa ɛli ne ɛrɔngɔ i tɔk te ɛbhɛ ne sɛ re ito yɛ ne ji tal ɛbhɛ ne ɛkɔn ne aa phyɔngɔle ɛ bees se, njwɛɛn no nang, sɛ ne tal njwɛɛn ne ɛkɔn ne so ɛhaa ne inat.

2 ɛTimɔti 2:15

Mɔn ɛkɔn na ne ˆaa yɛɛ ne mɔn nɛ, te ˆɛ tɔɔrek ito mo ɛnu ɛyisɛ ɛTaanggbey ya te ɛnyi ne ɛTaanggbey ya yaa yɔng ɛtomɛ ɛbhɛ kɛ jam. Teye ɛhaa ɛtomɛ gha ne ɛ sang ncwa daa ɛtomɛ ɛbhɛ gha, ɛhaa ne mɛmɛ ne ibol ne itin de byirik.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

iBirani 10:32

Taate ɛn nɛ ɛli ne iphɛ kaa te ne nyinɛn ne ira ɛtsim ba, nten de ne ɛ kaa tsa ɛ say ɛn iwɛwɛy de, ɛ sɔ ɛn nggbang ngga ɛ kyinak ɛn ne irway nviit da.

iBirani 11:17

Kaa lenɛ ne ìnang ne itin de, ɛBaraying nga ne nang ɛngɔn ɛdaan ɛbhɛ te hap ɛTaanggbey ye ne itsanga, nten de ne kaa tɛɛsek ɛbhɛ ɛBaraying nge gha. ɛBaraying nga ɛ kaa say ibol ne ɛTaanggbey kɛ rop ne ɛbhɛ, gbik ne iphɛ ɛlɛy, ne ɛ jung yɛk ne iyɔk kɛ aa nang ɛngɔn ɛbhɛ gha.

iBirani 12:5

Hang ˆɛ kɛ yung te ɛn bap ne ibol ne te itsɔngɔl de gɛgɛy yo ne ɛTaanggbey ya kɛ bol nɛ nyinɛn ninɔn ɛbhɛ na naa? iBol de ne ɛ kaa yɔngɔ, “ɛNgɔn nge, kyii ne ihywɛɛ mo ɛlɔ ɛdaan. Yaa ne sɛ ɛDaray ya kɛ teyɛ tsik ko, sɔng ne ˆɛ tul irway, sɔng ne ˆɛ tul irway nten de ne ɛ nep pɛ wo nang.

iBirani 6:15

ɛBaraying nga ne bo ɛbɔk ɛ hyep, ne ɛ say ɛkɔn na ne ɛTaanggbey ya kɛ ku sim-mɛ wo.

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

ɛYakub 5:11

ɛTsak, njwɛɛn i yeres ninaa nɛ nibhɛ kɛ rop iku de ninaa ɛwɛng. ˆƐ kɛ phok ɛn ihywee ne rop iku de ne ɛYuba gha kaa rop po, ne ˆɛ ta seng ɛn ɛli ne ɛDaray ya kɛ sit ɛbhɛ ne ɛwɛng nga ne ɛtsim mɛ wo. Daa ɛli ne ɛDaray ya so hyɔrɔ ne rɔ-irway gbik ne san iyɔm.

1 ɛBiturus 3:14

Gbik ne iphɛ ɛlɛy, wu ɛ kɛ sɔ ɛn nggbang ngga daa ɛli ne ɛ so ɛn cik ko, aa ne sɛ ɛn ɛwɛng. iPhɛ ɛlɛy, sɔng ne ɛ phok ɛn ɛnik ko nang, sɔng ne ɛ sap ɛn ɛkɔn nang.

1 ɛBiturus 4:13

Yang yɛk ɛn irway ihwala, daa ɛli ne ɛɛ ma sɔ ɛn ihywee ne nggbang ngga ne ɛKiriti gha kaa sɔ wo, te ɛ sɛ ne ma bok ɛn irway ihwala wɛlɛng ɛgak, nten de ne ɛYɛso gha sɛ wuru ndɔ ne ndiinday ɛbhɛ de.

1 ɛBiturus 4:14

Wu kɛ towos nyini daa ɛli ne ɛ so ɛn ninaa ne roos ɛKiriti yegha, ne ɛ so ɛn nyini ninaa ɛwɛng daa ɛli ne iphɛ kɛ tɔɔrek wu iKabyik gbom be, ne iphɛ so idee ɛTaanggbey de, so ndɔ mon.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

1 ɛBiturus 5:4

Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.

1 ɛYohana 4:19

Njwɛɛn bok ishwim ba daa ɛli ne ɛTaanggbey ya ɛbhɛ kɛ tsa ɛ sim njwɛɛn.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

Nikɔn ne kɛ Phaal 3:19

ɛNyi gha ne nzi sim, ɛbhɛ ne nzi ne nep n da i gbaat. iPhɛ ɛlɛy ne ɛ kyinak ndɔ ne itin, ɛ san ɛbɔk.

Nikɔn ne kɛ Phaal 3:21

Gbik ɛnyi gha ne ɛ kɛ re ɛwɛng ndɔ ne itsom mɛdee wo, nzɛ ne nang ɛbhɛ ɛnkiinɛ ɛ soos ne mee ɛcuruu ne igbɔm nge gha te ɛli ne nggɛ ma re ɛwɛng nga nggɛ soos ne ɛKyɛɛ nge gha ɛcuruu ne igbɔm ɛbhɛ gha.