ɛYakub 1:10 - ɛWee ne ìTsɛm iHywas

¹⁰ ɛLɛy ne ɛhaa ne roos sa ne ɛ bok iryat de, te ne ɛ ma yɛk irway ihwala nten de ne ɛTaanggbey ya kɛ tɔmɔsek ɛbhɛ wo, daa ɛli ne ɛbhɛ wo ne iryat ɛbhɛ de yaa phee te nggbay ne idik.

ɛYakub 1:10 ပူးပေါင်းရင်းမြစ်များ

1 ɛBiturus 1:24

Kɛ haa ndɔ ne ɛWee ne iBol ɛTaanggbey yo i bo, “Gbik ɛten ɛsii gha so te idik, gbik iyɛnɛng ɛbhɛ de so te nggbay ne idik ga. iDik ge ne i howo, nggbay yɛ ne tes se kokok,

1 ɛYohana 2:17

ɛZay ya ne ihyop igywebhe nikɔn ɛzay de gbik i phebhe, gbik ne iphɛ ɛlɛy, ɛnyi gha ne ɛ ne mɔn ɛkɔn na ne aa nang ɛTaanggbey yegha irway ihwala, ɛ sɛ ne shɛɛ ishwɛɛ ne inat.

1 ɛTimɔti 6:17

Kpɛng ninaa ne iryat ndɔ ɛzay yɛghaa wo, sɔng nibhɛ tɔɔk ito, nibhɛ kyii ne irway nibhɛ daa ne iryat de ne ihywɛ so te igbil lo ne ifɛ phebhe wo nang. Tɛ nibhɛ ne yang sit irwisɛ daa ɛTaanggbey ne ɛbhɛ naas njwɛɛn nikɔn na walala te njwɛɛn i phok iyɛnɛng ngɛ.

ɛMacu 5:3

“Ninaa ɛwɛng ngaa nggyɛy nɛ nibhɛ kɛ seng itaasek ne ikabyik nibhɛ da, daa ɛli ne igbɔm ɛdaa ne irywa da so ivaa nibhɛ.

1 iKɔrɔntos 7:31

ninyi na nɛ nibhɛ mɔn ɛtomɛ gha nɛ nikɔn ɛzay yɛnaa wo nang, sɔng nibhɛ ne sit irwisɛ daa nibhɛ nang daa ɛli nɛ ɛzay yɛghaa wo i phebhe.

ɛYakub 4:14

Sɔng Ɛɛ yɛɛ ɛn ɛli ne iken mon sɛ so ne ihwɛlɛ wo nang. Nzo ˆɛ so ɛn te ɛbung ne ɛ tɔɔl le nten ncɛt, ɛ ji birit.

ɛMacu 6:30

Wu ɛTaanggbey ya ɛbhɛ ɛ yaak nggbay ɛhay da ne itsura da, ne iphɛ sonɛ izenge i cwiil ne ihwɛlɛ wo i wɔɔ wo, aa ne shɛɛ tang nang nyini itsura da ne ifɛ phyin ɛlɛ woo? Nyinɛn no ne ìnang ne itin mon de kɛ taasek ko.

iFilibi 3:8

Nggɛ bo nikɔn na gbik te isusɔng lenɛ ne nggɛ seng ɛDaray nge ɛYɛso ɛKiriti yegha. iSeng ngga ne nggɛ seng ɛKiriti yegha phyin nikɔn na gbik. Kɛ lenɛ ne ɛbhɛ nggɛ ne wɔs nikɔn na gbik, nggɛ bo nibhɛ te isusɔng te nzɛ iryat ɛKiriti de,