ɛYakub 1:1 - ɛWee ne ìTsɛm iHywas

¹ ɛWee yɛwoo wo le ɛlɔ ɛYakub, ɛkpuru ɛTaanggbey gbik ne ɛhaa ɛDaray ɛYɛso ɛKiriti. Ɛbhɛ phɛɛs ɛlɔ ninyi ɛTaanggbey ne kɛ te shwaa ndɔ ne igbagha ɛzay yo gbik ko te itaang ɛnduwubɔ ne iphɛ ifaa niSɛrɛla de. Nzi kyiisi nyini gbom.

ɛYakub 1:1 ပူးပေါင်းရင်းမြစ်များ

ɛMacu 10:3

Ne ɛFilibus, ɛBatɔlɔmi, ɛToma, ɛMacu ne ɛ so ɛhaa ne saasel ijam ne ivel, ɛYakub ne ɛ so ɛngɔn ɛnyi ɛLifiyos, ɛTadiyus,

ɛMacu 13:55

Sɔng ɛbhɛ ɛ so ɛngɔn ɛhaa ne gangat nikɔn ta nang nge? Sɔng i bok ɛgyinɛ gha ɛMɛri nang? Sɔng ne ɛ so ɛgwaa ɛYakub, ne ɛYisifu, ne ɛSimɔn gbik ne ɛYahuza nang nge?

ɛMacu 19:28

ɛYɛso gha ne yaak nibhɛ, “Nzi tɔng nyini itin nɛ, ɛzay ɛphas sa, nten de ɛNgɔn ɛNyi gha sɛ bhɛ soos ɛlɔ ne soos ɛndiinday ne igbɔm ɛbhɛ da, nyinɛn no ne ɛ kɛ roos ɛn mɛɛn no, ɛ sɛ ne ma sooset en daa nicuruu ne igbɔm ɛnduwubɔ nɛ nibhɛ ifaa, ɛ bol ɛn itaang ɛnduwubɔ nɛ nibhɛ ifaa niSɛrɛla de ɛshara.

ɛMarakus 3:18

Ne ɛNdarawus, ne ɛFilibus, ɛBatɔlɔmi, ne ɛMacu, ne ɛToma, ne ɛYakub ne so ɛngɔn ɛLifiyos, ne ɛTadiyus, ne ɛSimɔn ne ɛ kaa sim ɛgarang ɛbhɛ gbom,

ɛLuka 22:30

Ɛ sɛ re ɛn ɛ ta sɔ ɛn ɛlɔ ne re ire nge gha daa ne igbɔm da, ɛ sooset ɛn nilɔ ne soos ne igbɔm ɛ bol itaang nzuwubɔ ne iphɛ ifaa niSɛrɛla de ɛshara.

ɛLuka 6:15

Ne ɛMacu, ne ɛToma, ne ɛYakub ne ɛ so ɛngɔn ɛLifiyos. Ne ɛSimɔn, ɛnyi ne ɛ kaa sim ɛgarang ɛbhɛ gbom.

ɛYohana 12:26

ɛNyi gha ne ɛ sim aa mɔn me ɛtomɛ gha, iphɛ ne so nggbinggbing ɛ roos me; te ɛlɔ gha ne nzo nɛ, te ɛkpuru nge gha ne ma so ne ɛlɔ yɛ ne mang. ɛKyɛɛ nge gha sɛ ne nang ɛnyi gha ne ɛ mɔn me ɛtomɛ ne ndiinday.”

ɛYohana 7:35

niYahodawa na ne yaa bol ndɔ nibhɛ nibhɛ bo, “Ɛ sɛ ji phɛ ɛbii ne hame njwɛɛn sɛ yɛɛ ne phɛ wo lɛɛ? Hang ɛ sɛ yung phɛ ɛlɔ niYahodawa na nɛ nibhɛ sos ne ivel ne iGirik ga, ɛbhɛ mɛmɛ ninyi ne iGirik ka nɛ bɛ?

ɛTomɛ 1:13

Ne sɛ nibhɛ kɛ bhɛ tuu ndɔ ɛgarang nga, nibhɛ ne bhɛ wara dak ne ijwee ne irywa wo nɛ nibhɛ ku shɛɛ nɛ wo. Ninaa nibhɛ kaa sonɛ wo: ɛBiturus, ɛYohana, ɛYakub, ɛNdarawus, ɛFilibus, ɛToma, ɛBatɔlɔmi, ɛMacu, ɛYakub ne ɛ so ɛngɔn ɛLifiyos, ɛSimɔn ne ɛ kaa sim ɛgarang ɛbhɛ gbom, ne ɛYahuza ne ɛ so ɛngɔn ɛYakub.

ɛTomɛ 12:17

ɛBiturus sa ne te nibhɛ ne iwɔ dɛɛ wu tɛ nibhɛ shɛɛ nggbyak. Ne ɛ ji tɔng nibhɛ ɛli ne ɛDaray ya kɛ tul ɛbhɛ ndɔ ne ijwee ne nyang ngo. Ne ɛ ji yaak nibhɛ, “Tɔng ɛn ɛYakub bhe gbik ne ɛbyin nigwaa na ibol lɛdee wo.” Ne ɛ ji tek nibhɛ ɛ phɛ ɛhak ɛlɔ.

ɛTomɛ 15:13

Kɛ ne sɛ ɛBulus sa ne ɛBanabas sa kɛ taal ivol da, ɛYakub pa ne yilitsik ɛ yɔngɔ, “Nigwaa nge tenes ɛn mɛɛn.

ɛTomɛ 15:21

Kaa ne ku lenɛ ne ile de, ne i mɛmɛ ninyi ne ɛShara ɛMuusaa gha ndɔ nigarang nga gbik, ne i tɔng nibhɛ nɛ ndɔ ne idee ne itsɔɔy niYahodawa ndɔ Nituk ne Wɛsɛ na gbik.”

ɛTomɛ 15:23

Nibhɛ ne tom nibhɛ ne ɛwee wo ne ɛbhɛ bo ɛlɛ, “Njwit ninɔn ne tom ma nɛ ninu ne ikɔɔn na, ne njwi so nigwaa mon njwii kyiisi nyini, nyinɛn ne hame ɛ so ɛn niYahodawa, ne ɛ so ɛn ɛgarang ne iNtakiya, ne ivel ne iSiriya gbik ne iSilisiya.

ɛTomɛ 2:5

Nidɛng niYahodawa na nɛ nibhɛ bok ɛnik ɛTaanggbey kaa ne so ne iYɛrushɛlɛm de. Nibhɛ kaa les nigarang ɛzay ya gbik.

ɛTomɛ 21:18

Ne cwiil ne ihwɛlɛ yɛ, ɛBulus sa ne ɛbyin mos njwi ne phɛ njwi bhɛ kyili ɛYakub bhe. Gbik ninu ne ikɔɔn ninaa ne roos sa kaa ne sonɛ.

ɛTomɛ 23:26

ɛWee yɛwoo wo le ɛlɔ nge mee ɛKaladiyus ɛLisiyas, nzi ne haa ɛndiinday nge nɛ ɛgɔm-na ɛFɛlis. Nzi kyiisi yɛ gbom.

ɛTomɛ 26:7

ɛKɔn nɛghaa wo ne kaa ku sim-mɛ wo ne ihywee ɛnduwubɔ ne ihywɛɛ ihywaa de kɛ yɛk ne irway nibhɛ hyep tɛ nibhɛ yaang kɛ shwaak, ɛli nɛ nibhɛ kyangase nɛ ne re ɛTaanggbey yegha ntsong ngga izenge ne ihwɛlɛ wo. iGyɛ ne ɛgɔm, kɛ ne lenɛ ne iyɛk ne irway da nzi hyep te shwaak ibol lɛdee wo nɛ niYahodawa na kɛ yaa yaang iben nge da ɛgɔm ɔɔy!

ɛTomɛ 8:1

ɛShawulu gha ne sim ɛli ne kɛ phoo ɛSitivin ne gha. ɛTuk kɛghaa nggyɛ wo ɛgbaang nggbang ne sɛ idira ninaa ne roos de nɛ nibhɛ so ne iYɛrushɛlɛm be. Nibhɛ ne tes en shwaa nibhɛ phɛ ne iYahudiya ne iSamariya. Ninɔn ne tom ma zɔng nibhɛ mak ne iYɛrushɛlɛm be.

iRooma 1:1

ɛBulus ne ɛ so ɛkpuru ɛYɛso ɛKiriti ne ɛYɛso, ne ɛTaanggbey kɛ yel-le ɛbhɛ te ɛ teye ɛngɔn ne tom ɛDaray, ɛ ta kasa ɛbhɛ te ɛ sanga iBol iYɛnɛng ɛTaanggbey.

iGalatiya 1:19

Sɔng nggaa ne bhɛ yaang ɛdɛ ɛNgɔn ne Tom ma kang ne ɛYakub pa ne so ɛgwaa ɛDaray ya nang.

iGalatiya 2:12

Nten de nɛ ninyi na ne ɛYakub pa kaa tom mo kaa tɔ tang tuu, ɛBiturus sa kaa ne i re ire de ɛte nɛ ninaa ne hame nibhɛ soye niYahodawa na, ne sɛ ninyi na ne nggyɛ wo kɛɛ tuu, ɛBiturus sa ne yaa tuul le, ɛ mbaray tang tɔ re ire nɛ ninaa ne roos sa ne hame nibhɛ soye niYahodawa na. Daa ɛli ne ɛ kaa bok ɛnik ninyi na nɛ nibhɛ bo te hyɛghɛ ninyi na ne hame nibhɛ soye niYahodawa na icwee da.

iGalatiya 2:9

ɛYakub pa ne ɛBiturus sa, ne ɛYohana gha ne kaa ku bo nibhɛ tɛ nindiinday ya kaa ne ma seng wu ɛTaanggbey ya kɛ nang me ɛtomɛ yɛghaa wo. Nibhɛ ne sɔ iwɔ ne ìtsɛm ninaa ne roos. Nibhɛ ne sim me nɛ wu te mee wo ne ɛBanabas sa te njwi phɛ ɛlɔ ninyi na ne hame nibhɛ soye niYahodawa na tɛ nibhɛ wo ne ji phɛ ɛlɔ niYahodawa na.

iFilibi 1:1

ɛWee yɛwoo wo le ɛlɔ ɛBulus ne ɛTimɔti, nikpuru ɛYɛso ɛKiriti ɛbhɛ phɛɛs ɛlɔ ninyi ɛTaanggbey nɛ nibhɛ so ne iFilibi, gbik nɛ nindiinday ne idira ne ninaa ne roos gbik nɛ ninaa ne phyik ne ɛtomɛ ndɔ ne idira ninaa ne roos de.

2 ɛTimɔti 4:21

Mɔn ɛkɔn na ne aa yɛɛ ne mɔn nɛ, te ˆɛ tuu ɛbɛ wo ikos de tɔ. ɛYubulus sa ne ɛPoden na, ne ɛLanus sa, ne ɛKalodiya gha gbik ne ɛbyin nigwaa na i kyiisi yɛ.

ɛTitus 1:1

ɛWee yɛwoo wo le ɛlɔ ɛBulus, ɛkpuru ɛTaanggbey ne ɛngɔn ne tom ɛYɛso ɛKiriti. Kɛ kasa me i tom me te n phyik ìnang ne itin ninaa ne ɛTaanggbey kɛ kasa, n da tɔɔrek nibhɛ ɛnkiinɛ ne seng itin de ne iphɛ yaa tɔɔrek ɛli ne yaa shɛɛ ishwɛɛ ne ifɛ yaa nang ɛTaanggbey ye irway ihwala,

1 ɛBiturus 1:1

ɛWee yɛwoo wo le ɛlɔ ɛBiturus, ɛngɔn ne tom ɛYɛso ɛKiriti, ɛbhɛ phɛɛs ɛlɔ ninyi ɛTaanggbey, ninaa ne ɛ kɛ kasa, ne kɛ te nibhɛ shwaa, nibhɛ kɛ tes en ninaa ne kpoo ne ivel ne iPantus, ne iGalatiya, ne iKapadosiya, ne iSiya, gbik ne iBitaniya.

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

ɛYahuza 1:1

ɛWee yɛwoo wo le ɛlɔ ɛYahuza ne ɛ so ɛkpuru ɛYɛso ɛKiriti, ɛ ta so ɛgwaa ɛYakub. Ɛbhɛ phɛɛs ɛlɔ ninyi na ne ɛTaanggbey kɛ yel-le, nɛ nibhɛ shɛɛ ndɔ ne ishwim ɛTaanggbey ne ɛ so ɛTaa, ninaa ne ɛYɛso i hyep nibhɛ.

Nikɔn ne kɛ Phaal 7:4

Ne n ji phok wu kɛ yɛk ninyi na ninom ma ikɔl idaan nɛ nibhɛ nzuwubɔ nwaas nɛ nibhɛ nwaas (144,000) gbik ne ɛlamba gha ne icwiri nibhɛ, nibhɛ kaa ne le ne itaang niSɛrɛla de gbik.