ɛMarakus 9:2 - ɛWee ne ìTsɛm iHywas

² Kɛ ne sɛ nituk ɛtaraa kɛ phee ye ɛYɛso gha ne bo ɛBiturus se, ne ɛYakub, gbik ne ɛYohana nibhɛ ne phɛ daa ɛco ne idɛ ɛgbaang ne ɛwarang ngo nibhɛ nggenggerey. Ne sɛ ɛli nɛ nibhɛ so ɛnggyɛy yo nang nibhɛ ne yaang ibek ɛYɛso de kɛ hyereey.

ɛMarakus 9:2 ပူးပေါင်းရင်းမြစ်များ

ɛMarakus 5:37

Sɔng ɛYɛso gha ne sim ninyi na nɛ nibhɛ roos ɛbhɛ nibhɛ bhɛ hɔn ijwee ɛYɛrus so nang, ɛ kaa bo ɛBiturus se ne ɛYakub, gbik ne ɛgwaa ɛbhɛ ɛYohana zɔng nibhɛ phɛ.

ɛMarakus 14:33

ɛYɛso gha ne ji bo ɛBiturus se ne ɛYakub gbik ne ɛYohana ɛ hyel lɛ. Ne ɛ kyi yaa bees irway ɛ yɛk irway ishwii.

2 iKɔrɔntos 13:1

iYɛɛs sɛdaa wo yaa teme iyɛɛs ne itwat tɛ ɛlɔ mon na. ɛLi ne ɛWee ne iBol ɛTaanggbey yo i bo, “iPhɛ ne so ngbingbing i taal ibol de daa ne ibol nishɛɛda ifaa hang itwat yɔɔ.”

Nikɔn ne kɛ Phaal 20:11

ɛTsim mɛ ɛlɛy, ne n yaang ɛgbaang ɛcuruu ne igbɔm ɛhala yɛ gbik ne ɛnyi yɛ ne ɛ kɛ soos nɛ. ɛZay ya ne irywa wo ne tel ɛnu ɛyisɛ ɛbhɛ sɔng ne tang yaang nibhɛ nang.

ɛMarakus 16:12

ɛTsim mɛ ɛlɛy, ɛYɛso gha ne hyere ibek ɛbhɛ, ɛbhɛ wuru nidɛng ninɔn ne icwam ɛbhɛ na ifaa nɛ nibhɛ hyel nkiinɛ nibhɛ hyil en.

iFilibi 3:21

Ɛbhɛ ɛ bok ihwet ne kyii nɛ nikɔn na gbik ndɔ ne igbɔm ɛbhɛ. Sɛ ne lenɛ ne ihwet ɛbhɛ yɛdaa nggyɛ wo, ɛ hyere ibek ne taasek njwɛɛn nɛdee wo iphɛ teye idee ne ito-ndiinday te idee ɛbhɛ.

iRooma 12:2

Sɔng ɛ tek ɛn icwas mon da te ɛli icwas ninaa ɛzay yɛnaa wo so wo nang, yang tek ɛn te ɛTaanggbey yegha sunu icwas mon da gbik, ɛ te icwas mon da teye ifas sɛ, aa ne ji yɛɛ ne seng ɛn ɛkɔn na ne ɛTaanggbey ya i sim mo, ne ɛkɔn na so ɛyɛnɛng ngɛ wo ne ɛhaa ne ɛ so hyɔrɔ wo.

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

ɛLuka 6:12

Ndɔ nituk kɛnaa nggyɛ wo nang, ɛYɛso gha ne bhɛ wara daa ne idɛ igol aa bhɛ boote ne ɛTaanggbey, ne ɛbhɛ bol ne ɛTaanggbey ihwɛlɛ phyii wuru.

ɛMacu 14:13

Kɛ ne sɛ ɛYɛso gha kɛ phok ɛkɔn na ne ɛ kɛ te ne ɛYohana gha, ne ɛ tek ɛlɔ yɛghaa nggyɛ wo, ɛ lel ndɔ ne ikparak, ɛ phɛ ɛlɔ gha ne hame ɛnyi sonɛ, ɛbhɛ shɛɛ nɛ nggenggerey. Ne sɛ ninyi na kɛ phok ɛlɛ wo, nibhɛ tek nigarang nibhɛ na, nibhɛ kungus ɛYɛso yegha ne ita.