ɛMarakus 9:1 - ɛWee ne ìTsɛm iHywas

¹ ɛYɛso gha ne ta yaak nibhɛ, “iTin nɛ ne naa mɔng nyini, ɛbyin mon so ɛbɛ wo ne sɔng nibhɛ sɛ kus sang nyɛɛn nibhɛ yaang igbɔm ɛTaanggbey da yaaso ndɔ ne ito-ndiinday de nang.”

ɛMarakus 9:1 ပူးပေါင်းရင်းမြစ်များ

ɛLuka 9:27

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang igbɔm ɛTaanggbey ba.”

iBirani 2:9

Njwi yang yaang ɛYɛso yegha ne kaa yɛk ngɛ igbɔm ɛbhɛ taasek ivaa nimalɛka da. ɛLyilyɛghaa wo, kɛ ne nang ɛbhɛ ne ndiinday ne igbom, daa ɛli ne ɛ kɛ sɔ nggbang ne iku. Ɛ kaa mɔn ɛlɛ wo te lenɛ ne izɛɛng ɛTaanggbey de ɛ ku ɛlɔ ninyi na gbik.

ɛLuka 22:30

Ɛ sɛ re ɛn ɛ ta sɔ ɛn ɛlɔ ne re ire nge gha daa ne igbɔm da, ɛ sooset ɛn nilɔ ne soos ne igbɔm ɛ bol itaang nzuwubɔ ne iphɛ ifaa niSɛrɛla de ɛshara.

ɛMarakus 13:30

Nzi tɔng nyini itin nɛ, sɔng ninyi ne izam mɛnaa wo sɛ ne kus gbik nyɛɛn nikɔn nɛnaa wo kyi tes sang.

ɛMacu 25:31

“Sɛ ne sɛ ɛli ne ɛNgɔn ɛNyi gha kɛ yɛɛs ndɔ ne ito-ndiinday ɛbhɛ de nɛ nimalɛka ɛbhɛ na, ɛ sɛ ne soos ɛcuruu ne igbɔm ɛbhɛ ne ito-ndiinday ɛbhɛ.

ɛLuka 22:18

Nzi tɔng nyini, sɔng naa tang sɔ inɛn ɛnap pɛdaa wo nang, naa hyep igbɔm ɛTaanggbey ba kyi bhɛ kyii.

ɛLuka 2:26

iKabyik ɛTaanggbey de kaa ne ku tɔɔl ɛbhɛ, wu hang ɛ sɛ ku tang yaang ɛKiriti yegha ne ɛDaray ya kaa ku sim-mɛ wo.

ɛMarakus 13:26

Nɛ nten nɛ, ninyi na ne ji yaang ɛNgɔn ɛNyi gha kɛ wuru ndɔ ne inɔp, ne ito-ndiinday ne igbɔm ɛ yaaso nɛ.

ɛMacu 24:30

“Nɛ nten nɛ ne nyu ne yɛɛs ɛNgɔn ɛNyi de ne ji wuru daa ne inɔp. iLwem ɛzay da sɛ ne sirit niyilis daa ɛli nɛ nibhɛ kɛ yaang ɛNgɔn ɛnyi gha yaaso ndɔ ne inɔp ndɔ ne igbom ne ito-ndiinday.

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

ɛYohana 21:23

iBol lɛdee wo ne te i ku yaa raat ne ikpaa yɛ ndɔ ninaa ne roos sa wu hang ɛngɔn ne icwam mɛghaa nggyɛ sɛ ku. Sɔng ɛYɛso gha kaa yɔng wu hang ɛ sɛ ku nang. Ɛ kaa yɔngɔ, “Nzɛ yɔng nzi sim aa shɛɛ ɛken n phyii bhɛ kyii, inɛn moo?”