ɛMarakus 7:5 - ɛWee ne ìTsɛm iHywas

⁵ iPhɛ ɛlɛy niFarisawa na nɛ ninaa ne kpɛl ɛShara na ne yaak ɛYɛso yegha, “iKyee iphɛ kɛ te ninɔn ne icwam mo na sang roos ikpii nikyɛɛ-nikyɛɛ njwɛɛn daa? Nibhɛ i re ire tang nibhɛ te ibɔ nibhɛ wɛwɛy.”

ɛMarakus 7:5 ပူးပေါင်းရင်းမြစ်များ

ɛMacu 15:2

“iKyee phɛ kɛ te ninɔn ne icwam mo na sang roos ikpii nikyɛɛ-nikyɛɛ mos daa? Sɔng nibhɛ kuus ibɔ nyɛɛn nibhɛ kyi re ire nang!”

ɛMarakus 7:13

Ɛlɛy ne ibol mon de ne ɛ mɛmɛ ɛn ninyi na nɛ wo kɛ ne te ibol ɛTaanggbey de te buu. Ɛbyin nikɔn na ne ta sonɛ gbom ne ɛ mɔn ɛn nibhɛ ɛlɛ wo.”

ɛMarakus 7:8

Ɛ kɛ tek ɛn ibol ɛTaanggbey de ɛ kɛ yaa roos ɛn idee niten nisii.’ ”

ɛMarakus 7:9

Ne ɛ yaak nibhɛ, “Ɛ kɛ ji seng ɛn ntsɛntsɛng ne tek ibol ɛTaanggbey de ɛ roos ɛn idee mon de nang!

ɛTomɛ 21:21

Kɛ tɔng nibhɛ ibol mo de i bok nibhɛ wu ɛ mɛmɛ niYahodawa na nɛ nibhɛ so ndɔ ninyi na ne hame nibhɛ so niYahodawa na ɛ bok nibhɛ wu hang nibhɛ roos ibol ɛShara ɛMuusaa. Wu ɛ bok nibhɛ wu hang nibhɛ hyɛghɛ ninɔn nibhɛ icwee, wu hang nibhɛ ne ta roos ɛbyin ne ikpii niYahodawa da.

ɛTomɛ 21:24

Bo ninyi yɛnaa wo te ɛ byinki nyini ɛbhɛ ryɔng ɛn ikpii ne te ɛnyi da iwɛwɛy yo, tɛ ne ɛbhɛ tal ijam ne hon ito nibhɛ. ɛLɛy ninyi na gbik yaa ne ji seng wu ivol da ne phok daa ne ito mo de so irywɛɛk. Nibhɛ yaa ne yaang wu ɛ hyep ikpii ɛShara ɛMuusaa.

iRooma 4:12

iPhɛ ɛlɛy, ɛBaraying nga ne ɛ so ɛkyɛɛ ninaa ne kɛ hyɛghɛ nibhɛ icwee da, sɔng ne so ninaa ne kɛ hyɛghɛ nibhɛ ihuhu ne icwee zɔng nang, ninaa nɛ nibhɛ hyel ndɔ ne ɛnkiinɛ ne ìnang ne itin de ɛli ne ɛ kaa hyel lɛ wo nten de ne kɛ tang hyɛ ɛbhɛ itee de.

iGalatiya 1:14

Ɛ ta yɛɛ ɛn ɛli ne mee nggaa some ɛhaa ɛyisɛ yɛ ndɔ nitaay nge na daa ne ibol ne roos ikpii niYahodawa da, n da bok irway ne roos ikpii nikyɛɛ nikyɛɛ mos da.

2 iTasɔlɔnika 3:11

Njwii phok wu nidɛng sonɛ ndɔ mon no nɛ nibhɛ bok itek. Sɔng nibhɛ mɔn ɛtomɛ nang, nibhɛ kaan tsik zɔng, nibhɛ cwaasek ninu ndɔ ne ivol ne ifɛ sang so ivaa nibhɛ.

2 iTasɔlɔnika 3:6

Nigwaa en njwii bol ne nyinɛn ndɔ irywɛɛk ɛDaray njwɛɛn ɛYɛso ɛKiriti wu te ɛ shɛɛ ɛn kyaam ne gbik ɛhiha ɛgwaa ne ɛ bok itek ge ɛ ta sang shɛɛ ihywee ne imɛmɛ da ne ˆɛ kɛ say ɛn ɛlɔ mos sa.