ɛMarakus 6:2 - ɛWee ne ìTsɛm iHywas

² Kɛ ne sɛ ɛtuk ne wɛsɛ niYahodawa na kɛ tuu nang, ɛYɛso gha ne bhɛ lel ndɔ ne itɔɔy niYahodawa de ɛ yaa mɛmɛ ninyi na nɛ. Ninyi na kaa ne sonɛ gbom nɛ nibhɛ tenes ɛbhɛ wo. Kɛ ne sɛ nibhɛ kɛ phok ibol ɛbhɛ de nang, nibhɛ ne yaa wɛɛ ɛbhɛ zii. Nidɛng ne ji boote nibhɛ yɔngɔ, “ɛNyi yɛghaa wo le ne ishweng ngɛdaa wo ɛbii? iYa ihywee ne ishweng ne ɛTaanggbey ya kɛ ji nang ɛbhɛ ɛlɛ wo, ne ɛɛ mɔn nɛ nikɔn ne kparat ta ɛlɛ woo?

ɛMarakus 6:2 ပူးပေါင်းရင်းမြစ်များ

ɛYohana 6:42

Nibhɛ yɔngɔ, “Sɔng ɛYɛso ghaa wo ne ɛ so ɛngɔn ɛYisifu nang nge? Njwɛɛn ne yɛɛ ɛkyɛɛ gbik ne ɛgyinɛ nang? Aa ne mɔn ɛli ɛ yɔng wu i le daa ne irywa woo?”

ɛYohana 7:15

niYahodawa na ne yaang ɛkɔn ne kparat, nibhɛ yɔngɔ, “ɛNyi yɛghaa wo le ne ishweng ngga ɛbii ne hame ɛ kɛ bol icwam moo?”

ɛMacu 4:23

ɛYɛso gha ne kaan ne ivel ne iGalili da gbik, ɛ mɛmɛ ninyi na nɛ ndɔ ne idee ne itsɔɔy niYahodawa na, ɛ tɔng nibhɛ ibol iyɛnɛng ne igbɔm ɛTaanggbey da, ɛ ta tes nishwa nɛ ninaa ne irɔ niken.

ɛMacu 7:28

Kɛ ne sɛ ɛYɛso gha kɛ taal ivol lɛdaa wo, idira de wum ɛnu zii daa ne imɛmɛ ɛYɛso da,

ɛLuka 4:15

Ne ɛ ji mɛmɛ ninyi nɛ ndɔ ne idee ne itsɔɔy nibhɛ ba; ninyi na ne jii naas ɛbhɛ ne ndiinday.

ɛMarakus 1:39

iPhɛ ɛlɛy yang ɛYɛso gha ne roos nigarang nga nɛ nibhɛ so ndɔ ne ivel ne iGalili ba gbik, ɛ leesel ndɔ ne idee ne itɔɔy nibhɛ ba gbik, ɛ tɔng nibhɛ ibol iyɛnɛng ngge. Ɛ ta phyii tuul niphoo na nɛ nibhɛ sos ndɔ ninyi na dɔng.

ɛMarakus 10:1

ɛYɛso gha ne tek ɛlɔ yeghaa nggyɛ wo ɛ phɛ ne ivel ne iYahudiya, nibhɛ ne phyii bhɛ bere ne ikpang ne iHywel ne iWurudun. iDira ninyi de ne ta kpuruuy duu nibhɛ roos ɛbhɛ, ɛYɛso gha ne ta yaa mɛmɛ nibhɛ nɛ dɔng ɛli ne ɛ ku mɔn no.

ɛLuka 2:47

Gbik ninyi na nɛ nibhɛ kaa ne i tenes ɛbhɛ wo ne yaang ɛkɔn ne kparat, daa ne ishweng ɛbhɛ ba, ne ivol ba ne ɛ kyisi nibhɛ nɛ wo.