ɛMarakus 5:2 - ɛWee ne ìTsɛm iHywas

² Kɛ ne sɛ ɛYɛso gha kɛ shii wuru ndɔ ne ikparak ko nang, ɛdɛ ɛnyi gha nɛ niphoo so ndɔ ɛbhɛ ne wuru, ɛlɔ ne ikpuu, ɛ phɛɛs ne sɛme ne ɛYɛso gha.

ɛMarakus 5:2 ပူးပေါင်းရင်းမြစ်များ

ɛMarakus 1:23

Kɛ ne se ɛYɛso gha so ndɔ ne tɔng ninyi na ivol ba nang, ɛdɛ ɛNyi gha nɛ niphoo so ndɔ ɛbhɛ ne ma shii lel ndɔ ne ijwee ne itɔɔy yo. Ne ɛ ta ikun,

ɛMarakus 5:8

Ɛ kɛ boote ɛlɛ wo daa ɛli ne ɛYɛso gha kɛ ku boote nɛ niphoo na ɛ yaak nibhɛ, “Wuru ndɔ ɛnyi gha igyɛ ne ikabyik ibebhe.”

ɛLuka 9:42

Kɛ ne sɛ ɛli ne ɛngɔn na phɛɛs ne sɛ ɛYɛso yegha, ɛphoo gha ne ta shii yinɛ ɛbhɛ, ɛ cwaak ɛbhɛ ne ivel; ɛngɔn na ne ta yaa bo tsitsiy yo dɔng. ɛYɛso gha ne sit ɛphoo gha ne ɛbung, ɛ te ɛngɔn na ɛken ɛ nang ɛkyɛɛ yɛ.

ɛLuka 8:27

Kɛ ne sɛ ɛYɛso gha sɔng te cwaak icwa ne ivel, ɛdɛ ɛnyi ɛgarang ngɛ ne ɛ kaa bok niphoo ne bhɛ sɛ ɛbhɛ. ɛNyi gha kaa bonɛ nituk maa, ɛ hyel hɔnɔ, sɔng ɛ ta i shɛɛ ndɔ ne ijwee nang. Ɛ ku shɛsɛ nilɔ ne ikpuu zɔng.

ɛMarakus 7:25

ɛDɛ ɛKuk ka ne ɛlap ɛbhɛ bok niphoo ne ma phok ibol lɛ. ɛKuk kɛghaa nggyɛ ne phɛ ɛbhɛ ho ɛYɛso yegha ɛnu ɛyisɛ, nggbuk.

ɛMarakus 4:1

ɛYɛso gha ne ta tsa ɛ yaa mɛmɛ ninyi na nɛ ɛnu ɛLing ne iGalili gha dɔng. iDira ninyi de kaa ne kat gbom nibhɛ te ɛbhɛ ɛ lel ndɔ ne ikparak ɛ tul le kyaam ndɔ inɛn ɛ soos nɛ, ninyi na ne ji sooset ɛnu ne ihywel la.

ɛMarakus 3:30

ɛYɛso gha kaa boote ɛlɛ wo daa ɛli nɛ ninyi na kaa yaa bo wu ɛ bok niphoo.

ɛMarakus 1:26

Niphoo na ne ta ikun, nibhɛ kabhare ɛnyi gha gbom, nibhɛ ne ji wuru nibhɛ tek ɛbhɛ.

ɛMarakus 3:9

Kɛ ne sɛ ɛYɛso gha yaang ɛli ne idira ninyi de kɛ kat ɛlɛ wo nang, ne ɛ yaak ninɔn ne icwam ɛbhɛ na wu te nibhɛ nang nge ɛkparak te lel nɛ ndɔ yɛ. Ɛ kaa mɔn ɛlɛ wo daa ɛli nɛ ninyi na kaa yaa phyii ɛbhɛ.

ɛMarakus 4:36

iPhɛ ɛlɛy yang, nibhɛ ne tek ninyi na nibhɛ lel ndɔ ne ikparak ko ne ɛYɛso gha ku sonɛ wo nibhɛ bo nikɔn, nibhɛ yaa hyel ndɔ ɛrenes sa. iHwak ikparak kaa ne maa kungus niYɛso yena.

ɛMarakus 5:3

iKpuu ba ifɛ kaa ne ku so ɛlɔ ne shɛɛ ɛbhɛ. Sɔng ɛnyi ne sonɛ ne ɛ yɛɛ ne wum ɛbhɛ ɛ yɛk ɛbhɛ ne nyang nang.

ɛMarakus 5:21

Kɛ ne sɛ ɛYɛso gha kɛ kyii ɛ berey gɔɔ ne ikpang ɛrenes so nang, idira ninyi de ne bhɛ tumareey ɛlɔ ɛbhɛ gha ɛmbambang ɛrenes sa.