ɛMarakus 4:8 - ɛWee ne ìTsɛm iHywas

⁸ iZɛ́ng ne ji ho ndɔ ne ivel nyɛnɛng, ihywɛ ne wuru ihywɛ raras. iHywɛ yɛk ibɔrɔk gbogbom ihywɛ hɔn te ihywee de ne kaa sanga wo ɛnduwubɔ ɛtat, ne ɛnduwubɔ ɛtaraa, izɛ́ng ne ji so ikɔl idaan.”

ɛMarakus 4:8 ပူးပေါင်းရင်းမြစ်များ

ɛYohana 15:5

“Mee nzo me ɛhon ne inabi gha, ɛ ji so ɛn ilaak ge. Wu ɛnyi gha shɛɛ ndɔ me ma nzi shɛɛ ndɔ ɛbhɛ, aa ne yɛk ikpam gbom, daa ɛli ne sɔng ɛ sɛ yɛɛ ne mɔn ɛn ɛkɔn tang me wo nang.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.

ɛMarakus 4:20

Nidɛng ninyi na ne so te ihywɛ de ne ihywɛ kɛ ho ne ivel nyɛnɛng ngga. Nibhɛ bhɛ ne soye ninaa nɛ nibhɛ kɛ phok ibol ɛTaanggbey de nibhɛ say yo. Nibhɛ ne so te ihywee de ne ihywɛ kɛ yɛk ibɔrɔk ge gbogbom mo, ihywɛ hɔn te izee de ne kaa sanga wo, nzuwubɔ icwat da, ne nzuwubɔ ɛtaraa ba, izɛ́ng ne ji so ikɔl idaan de.”

ɛTomɛ 17:11

niYahodawa ne iBiriya na ne kaa ne phyin ninaa ne iTasɔlɔnika na ne iyɛnɛng. Nibhɛ kaa say ibol nibhɛ de ne irway ihwala, nibhɛ phɛl ɛWee ne iBol ɛTaanggbey yo izenge ne ihwɛlɛ tɛ nibhɛ yaang hang ibol ɛBulus de so itin nɛ yoo.

ɛMacu 13:8

iZɛng ne ji ho ne ivel nyɛnɛng, ihywɛ ne yɛk ibɔrɔk gbom: idɛ ibɔrɔk kɛ ne i so ikɔl idaan, idɛng ne i so nzuwubɔ ɛtaraa, idɛng ne ji i so nzuwubɔ icwat.

iFilibi 1:11

Te ishwɛɛ mon da te hyɔrɔ nɛ nitomɛ nicik nɛ nibhɛ i le ɛlɔ ɛYɛso ɛKiriti, te i sɛ nang ɛTaanggbey yegha ne ndiinday i ta dɛp ɛbhɛ.

ɛYohana 7:17

ɛHiha ɛnyi ne ɛ kasa aa mɔn ɛkɔn na ne ɛTaanggbey ye sim mo, aa ne seng, hang nzi mɛmɛ ninyi na ne ɛkɔn na ne ɛ le daa ɛlɔ ɛTaanggbey yɔɔ, hang nzi yung mɛmɛ nibhɛ ɛhaa ne ito nge yɔɔ.

ɛLuka 8:15

iHywee de ne ihywɛ kɛ ne ho ne ivel nyɛnɛng ngga ne ji so tɛ ninyi nɛ nibhɛ kɛ phok ibol de, nibhɛ say iphɛ, nibhɛ boos iphɛ yɛnɛng ne irway ilyaak, nibhɛ kyinak ngɛ nting, nibhɛ phyii yɛk ibɔrɔk.”

ɛLuka 8:8

iZɛ́ng ne ji ho ndɔ ne ivel nyɛnɛng, ihywɛ ne wuru ihywɛ raras. iHywɛ yɛk ibɔrɔk gbogbom ihywɛ hɔn te ihywee de ne kaa sanga wo ikɔl lɛ idaan.” ɛYɛso gha ne ji taal ibol de, ɛ yɔngɔ, “ɛNyi gha ne ɛ bok itoro ne tenes! Te ne ɛ phok.”

ɛMacu 13:23

iHywee de ne ihywɛ kɛ ne ho ne ivel nyɛnɛng ngga, ne so te ninyi na nɛ nibhɛ kɛ phok ibol ɛTaanggbey de nibhɛ ne seng iphɛ. Nibhɛ ne ji yɛk ibɔrɔk; izɛng so ikɔl idaan, izɛng ne so nzuwubɔ ɛtaraa, izɛng ne so nzuwubɔ icwat.”

ɛMarakus 4:7

iZɛ́ng ne ho ndɔ ne itin ne itsutsɔ. iTsutsɔ ba ne hɔn gbom ifɛ nang ihywɛ ɛwil. Sɔng ihywɛ ne tang yɛk ibɔrɔk kang.

ɛMarakus 4:9

Ne sɛ ɛYɛso gha kɛ taal ivol ɛbhɛ da ne ɛ ji yɔngɔ, “ɛNyi gha ne ɛ bok itoro ne tenes, te ne ɛ phok ibol lɛdee wo.”

iFisus 2:21

Ndɔ ɛKiriti gha ne kɛ wum ijwee wo gbik ɛlɔ ɛdaan, ndɔ ɛbhɛ ne ijwee wo kɛ ne hɔn ifɛ teye ideng ne kɛ tul ɛDaray ye nɛ kang.