ɛMarakus 4:11 - ɛWee ne ìTsɛm iHywas

¹¹ ɛYɛso gha ne kyii nɛ ɛ yaak nibhɛ, “Nyinɛn ne kɛ nang nyini ɛduk ne igbɔm ɛTaanggbey ya. Ninaa ne hame nibhɛ ne so ndɔ mon no nang, yaa ne i bol nɛ nibhɛ ndɔ ivol ne igɔrɔp.

ɛMarakus 4:11 ပူးပေါင်းရင်းမြစ်များ

ɛMacu 11:25

Nten nɛ de nggyɛ wo, ɛYɛso gha kaa boote ɛ yɔngɔ, “ɛTaa, ɛDaray ɛdaa ne irywa ne ɛzay gbik, n bok irway ihwala ne igyɛ, daa ɛli ne ɛ kɛ rɛɛ ninaa ne ntsɛntsɛng nga, nɛ ninaa ishweng nga ibol mo de, ɛ ji tɔɔrek ninɔn mo iphɛ.

ɛLuka 8:10

ɛYɛso gha ne yaak nibhɛ, “Kɛ phaal nyini ɛduk ne bol ne igbɔm ɛTaanggbey ba. Ɛbyin ninyi na nang, naa ne i bol nɛ nibhɛ ndɔ ne igɔrɔp, tɛ ‘Nibhɛ ne i wɛɛ, sɔng nibhɛ ne yaang nang, nibhɛ ne i tenes, sɔng nibhɛ ne seng nang.’ ”

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.

1 iTasɔlɔnika 4:12

Wu ˆɛ kɛ mɔn ɛn ɛlɛ wo, ˆaa ne te ɛn ninyi na ne hame nibhɛ soye ninaa ne iroos sa nang nyini ne ndiinday. Sɔng ˆaa ne tɔk ɛn ɛkɔn ɛlɔ ɛnyi nang.

iKɔlɔsi 4:5

Te ɛn ntsɛntsɛng ɛli ne ˆaa shɛɛ ɛn nɛ ninyi na ne hame nibhɛ so ɛn ninaa ne iroos sa. Gbik nten de ne ɛ kɛ sɛ ɛn, mɔn ɛn ɛtomɛ ne iphɛ.

1 ɛTimɔti 3:7

Kang nɛ nikɔn nɛnaa wo, iphɛ so nggbinggbing ɛndiinday ya soye ɛnyi ne ɛ bok ishɛɛda iyɛnɛng ndɔ ninyi, daa ɛli ne aa yung ɛ ho ndɔ ne irwa ɛShɛtan ɛ teye ɛkɔn ncwa.

iFisus 1:9

ɛTaanggbey ya kɛ yɛk ngɛ njwɛɛn seng ɛduk ne icwas ɛbhɛ daa ɛkɔn na ne aa mɔn, ɛhaa ne ɛ kɛ ryɔng ɛ shwaak lenɛ ne ɛKiriti gha.

2 iKɔrɔntos 4:6

ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.

ɛMacu 16:17

ɛYɛso gha ne kyii nɛ ɛ yaak ɛBiturus segha, “ɛSimɔn ne ɛ soyɛ ɛngɔn ɛYunana, ɛ soyɛ ɛhaa ɛwɛng! Sɔng ɛten ɛsii ɛbhɛ kɛ mɔng ngɛ ibol lɛdee wo nang, ɛKyɛɛ nge ne ɛ so daa ne irywa ɛbhɛ kɛ mɔng ngɛ.

ɛMacu 13:16

“Ɛ so ɛn nyini ninaa ɛwɛng daa ɛli ne irwisɛ mon da i yaang, itoro mon de ta phok.

1 iKɔrɔntos 4:7

ɛHay ɛbhɛ ɛ bok kɛ wu ɛ phyin ɛbyin niten nisii naa? iKyee ne ɛ bok ne hame ɛTaanggbey ɛbhɛ kɛ nang ngɛɛ? Wu iphɛ ne so ɛlɛ wo ikyee iphɛ kɛ ne te ɛ hal ɛgyɛy ya te hame kɛ nang woo?

ɛMarakus 3:23

iPhɛ ɛlɛy yang, ɛYɛso gha ne yel-le ninyi yɛnaa nggyɛ wo ɛ boote nɛ nibhɛ ndɔ ne igɔrɔp ɛ yaak nibhɛ, “ɛShɛtan na sɛ kyi ta yɛɛ ne tul ikabyik ɛShɛtan de bɛ?

ɛMarakus 4:2

Ne ɛ tɔng nibhɛ nikɔn na gbom ndɔ ne ivol ne igɔrɔp, ɛɛ bok nibhɛ,

ɛMarakus 4:10

Kɛ ne sɛ ɛli nɛ niYɛso yena kɛ mak nggenggerey ndɔ nibhɛ, ninyi ɛnduwubɔ nɛ ninyi ifaa na gbik ne ɛbyin ninaa nɛ nibhɛ roos ɛbhɛ wo ne yaak ɛbhɛ wu te ɛ mɔng en ɛnting ne ibol ne igɔrɔp po.