ɛMarakus 3:7 - ɛWee ne ìTsɛm iHywas

⁷ ɛYɛso gha ne bo ninɔn ne icwam ɛbhɛ na nibhɛ tek ɛgarang nga nibhɛ phɛ ɛnu ɛrenes ne iGalili. Ninyi na ne ta wuru, duu, nibhɛ roos ɛbhɛ. iDira ninyi yɛnaa nggyɛ wo kaa ne les ne ivel ne iGalili, gbik ne iYahudiya,

ɛMarakus 3:7 ပူးပေါင်းရင်းမြစ်များ

ɛLuka 6:17

ɛYɛso gha ne tɔm nɛ ninɔn ne tom ɛbhɛ na, ɛ ji kyinak ɛlɔ ne ɛ so tas, ne idira ninɔn ne icwam ɛbhɛ de. iDira ninyi kaa ne ma so ɛnggyɛ wo, nibhɛ kaa ne les ne ivel ne iYahudiya, ne iYɛrushɛlɛm, gbik ne ibum ne iTaya, ne iSidɔn.

ɛMacu 4:25

iDira ninyi de kaa ne les ne iGalili, nɛ ɛlɔ gha ne i bok ɛbhɛ nigarang ɛnduwubɔ, ne iYɛrushɛlɛm, ne iYahudiya, gbik nɛ ɛbyin nigarang nga nɛ nibhɛ sos ikpang ne iWurudun no, nibhɛ ne i kungus ɛYɛso yegha.

ɛMacu 12:15

Ne sɛ ɛYɛso gha kɛ seng ɛlɛ wo, ne ɛ tek ɛlɔ yɛ. iDira ninyi de ne kungus ɛbhɛ, ne ɛ tes nishwa na niken gbik,

ɛLuka 23:5

Nibhɛ ne jung re ɛnu ɛyisɛ nibhɛ yɔngɔ, “Lenɛ ne mɛmɛ ɛbhɛ da ɛ kɛ te ninyi ne ivel ne iYahudiya na yɛk ishishim. Ɛ kɛ tsa ɛkɔn neghaa wo ne iGalili, ɛbhɛ ghaa kɛ ne i hɔn ne ɛbɛ.”

ɛLuka 6:12

Ndɔ nituk kɛnaa nggyɛ wo nang, ɛYɛso gha ne bhɛ wara daa ne idɛ igol aa bhɛ boote ne ɛTaanggbey, ne ɛbhɛ bol ne ɛTaanggbey ihwɛlɛ phyii wuru.

ɛMarakus 1:39

iPhɛ ɛlɛy yang ɛYɛso gha ne roos nigarang nga nɛ nibhɛ so ndɔ ne ivel ne iGalili ba gbik, ɛ leesel ndɔ ne idee ne itɔɔy nibhɛ ba gbik, ɛ tɔng nibhɛ ibol iyɛnɛng ngge. Ɛ ta phyii tuul niphoo na nɛ nibhɛ sos ndɔ ninyi na dɔng.

ɛMacu 10:23

Sɛ ne sɛ i baasek nyini nggbang ngga ɛgarang nga, ne ɛ tel ɛn ɛ phɛ ɛn ɛhak ɛgarang. Nzi ne tɔng nyini itin nɛ, sɔng ɛ sɛ tel ɛn ɛ taal ɛn nigarang niSɛrɛla na gbik nyɛɛn ɛNgɔn ɛNyi gha kyi yɛɛs sang.

ɛTomɛ 17:14

Ninaa ne roos sa ne shii tom ɛBulus segha ɛnu ɛrenes ɛSila gha ne ɛTimɔti gha ne kyi phyɔngɔle ne iBiriya de.

ɛTomɛ 17:10

Ne sɛ ɛlɔ yɛ kɛ teye ɛtuk, ninaa ne roos sa ne yɛk ɛBulus segha ne ɛSila gha nkiinɛ nibhɛ yaa phɛ ne iBiriya. Ne sɛ nibhɛ ghe bhɛ tuu iBiriya de, nibhɛ ne bhɛ lel ne ijwee ne itɔɔy niYahodawa wo.

ɛYohana 7:52

Nibhɛ ne kyii nɛ, nibhɛ yɔngɔ, “ˆƐ ma so ɛnyi ne iGalili gha naa? Yung phɛl ɛWee ne iBol ɛTaanggbey yo ɛ yaang ɛli lɛɛ, sɔng aa ne yaang wu ɛnɛbi kɛ ku le ne iGalili de nang.”

ɛYohana 7:41

Nidɛng ne yɔngɔ, “Ɛbhɛ so ɛKiriti gha.” Nidɛng ne kyii ta yɔngɔ, “ɛKiriti gha yaa mɔn ɛli ɛ le ne iGalili dee?”

ɛMacu 12:16

ɛ ji kpɛng nibhɛ wu hang nibhɛ tɔng ɛnyi ibol lɛ.

ɛMarakus 1:45

ɛNyi yeghaa nggyɛ wo ne jung bhɛ sanga ibol lɛ ɛli ne ivebhe ba kɛ tek ɛbhɛ wo. iBol lɛ ne te ɛYɛso yegha yaa roos nilɔ ne gying. Gbik ne iphɛ ɛlɛy ninyi na ne jung les nilɔ na gbarang nibhɛ yɛɛset ɛlɔ ɛYɛso gha.

ɛMarakus 3:20

ɛYɛso gha nɛ ninɔn ne icwam ɛbhɛ na ne kyii nibhɛ bhɛ lel en ndɔ ne ijwee. Ninyi na ne ma ta roke duu nibhɛ pham ɛlɔ yɛ. Sɔng niYɛso yena ne yɛɛ ne sɛ ikɛk nɛ nibhɛ yaa re ne ire nang.

ɛMarakus 4:1

ɛYɛso gha ne ta tsa ɛ yaa mɛmɛ ninyi na nɛ ɛnu ɛLing ne iGalili gha dɔng. iDira ninyi de kaa ne kat gbom nibhɛ te ɛbhɛ ɛ lel ndɔ ne ikparak ɛ tul le kyaam ndɔ inɛn ɛ soos nɛ, ninyi na ne ji sooset ɛnu ne ihywel la.