ɛMarakus 3:5 - ɛWee ne ìTsɛm iHywas

⁵ ɛYɛso gha ne yɛɛn nibhɛ ne irway njɛt. Ne ɛ kyii ta bees irway nɛ nibhɛ daa ne ihywee ne irway ikpɛɛ ba nɛ nibhɛ bok ko. Ne ɛ ji yɛɛn ɛnyi gha ne ɛ kɛ baghat iwɔ wo ɛ yaak ɛbhɛ, “Tɔɔl iwɔ mo wo.” ɛNyi gha ne tɔɔl iwɔ ɛbhɛ wo. iFɛ ne shii te ikpen byirik.

ɛMarakus 3:5 ပူးပေါင်းရင်းမြစ်များ

ɛLuka 6:10

Ne ɛ hyereey, ɛ yɛɛn nibhɛ gbik, ne ɛ ji yaak ɛnyi gha, “Tɔɔrek iwɔ mo wo.” ɛNyi gha ne tɔɔrek iwɔ wo, ifɛ ne shii te ikpen.

iFisus 4:18

iRway nibhɛ da so hyɔrɔ ne igbyik. Kɛ hosop nibhɛ ne iken de ne ɛTaanggbey ya i naas so daa ne iyɔm ne seng nɛ nibhɛ bok lenɛ ne ito ihet.

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.

ɛMacu 12:13

ɛYɛso gha ne yaak ɛnyi gha ne kɛ baghat iwɔ wo, “Sinɛ iwɔ mo wo.” ɛNyi gha ne sinɛ iwɔ wo, ifɛ ne te ikpen gbik te ihoo ne ifaa yɛ.

Nikɔn ne kɛ Phaal 6:16

Nibhɛ ne salan nibhɛ yaak ibarang ngga ne ikpɛɛ da, “Hoghɛsɛ ɛn daa mos te ɛ cwaal ɛn njwii, ɛlɔ ne ɛhaa ne soos ɛcuruu ne igbɔm ma yaa yung yaang njwii, njenjek ɛNgɔn ne Pharak ge ta sɛ njwii.

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

iBirani 3:17

Niyang ninyi ne ɛTaanggbey ya kaa te njenjek nɛ nibhɛ ishay nzuwubɔ nwaas daa? Nzo ninyi na nɛ nibhɛ kaa mɔn ɛfɔt to nibhɛ hoghɛse, nibhɛ kus so ndɔ ɛhay ya.

iFisus 4:30

Sɔng ˆɛ bees ɛn iKabyik ɛTaanggbey de irway nang. iKabyik ge ne iphɛ so ɛlamba gha daa ne mon no, ne iphɛ kɛ tɔɔrek wu ˆɛ so ɛn ninaa ɛTaanggbey ya ˆɛ hyep ɛtuk ka ne ɛTaanggbey ya sɛ phɔt nyini wo.

iFisus 4:26

Wu ˆɛ kɛ te ɛn njenjek, sɔng ne ˆɛ mɔn ɛn ɛfɔt nang. Sɔng ne ˆɛ te ɛn njenjek ko iroy phyii bhɛ hooy nang.

2 iKɔrɔntos 3:14

Kaa ne ku cwaal irway nibhɛ da. iZenge ɛlɛ, ɛtura yɛwoo wo ne ɛbhɛ ring nibhɛ ne seng itin de i ne sonɛ nten de nɛ nibhɛ tɔng ɛwee ne ìtsɛm itsɛl lo, daa ɛli ne i yɛɛ ne phaal ɛtura yɛ lenɛ ne ɛKiriti gha zɔng.

ɛYohana 9:7

ɛ yaak ɛbhɛ, “Cwi ɛbhɛ kuus ɛyisɛ mo gha ɛrenes ne iSilɔm.” Kaa ne i bok irywɛɛk ne iSilɔm mo “ìTom.” ɛNyi gha ne phɛ ɛbhɛ kuus ɛyisɛ ɛbhɛ gha, ɛbhɛ kyii ɛɛ wɛɛ.

ɛLuka 17:14

Ne sɛ ɛYɛso gha kɛ yaang nibhɛ, ne ɛ yaak nibhɛ, “Cwi ɛn te nibo ɛTaanggbey bhɛ wɛɛ nyini.” Kɛ ne sɛ nibhɛ so ndɔ ne ihywel ba, nibhɛ ne tes niken byirik.

ɛLuka 13:15

ɛDaray ya ne kyii nɛ, ɛ yɔngɔ, “Nyinɛn niluk ghe, ɛrɔngɔ yaa tul ᐩigyol ɛbhɛ ne ɛjaakyi ɛbhɛ, ɛbhɛ nang ɛbhɛ inɛn ɛtuk ne iwɛsɛ gha.

iBirani 3:10

iPhɛ iphɛ kɛ te nggaa te njenjek nɛ nibhɛ nten nɛnaa nggyɛ wo n yɔngɔ, ‘Nibhɛ kɛ mbaray mee ndɔ ne irway nibhɛ, sɔng nibhɛ yɛɛ nkpiinɛ nge da nang.’

ɛMarakus 3:4

ɛYɛso gha ne ji phom ninyi yɛnaa nggyɛ wo, ɛ yaak nibhɛ, “ɛShara mon na bo wu te mɔn ɛkɔn ɛyɛnɛng ɛtuk ne iwɛsɛ mon naa hang mɔn ɛkɔn ɛkpɛɛ? Ɛɛ ne bo te phɔt iken ɛnyi dee hang phoo iphɛ?” Ninyi yɛnaa nggyɛ wo ne wum en yak.